ରାଜଧାନୀ ନାବାଳିକା ଗଣଦୁଷ୍କର୍ମ ମାମଲା, ସାମ୍ନାକୁ ଆସିଲା ପୀଡିତା ମାଙ୍କ ବୟାନ

ନାବାଳିକା ମାଙ୍କ କହିବା ଅନୁଯାଇ, ଦୁର୍ଷର୍ମ ପରେ ଜଗୀ ତାଙ୍କୁ ଏକଧିକ ଥର ଭେଟିଛନ୍ତି ଏବଂ ଘଟଣାକୁ ଚାପି ଦେବା ପାଇଁ ଧମକ ମଧ୍ୟ ଦେଇଛନ୍ତି ।

ଭୁବନେଶ୍ବର: ରାଜଧାନୀ ନାବାଳିକା ଗଣଦୁଷ୍କର୍ମ ମାମଲାକୁ 80 ଦିନ ବିତି ଯାଇଥିଲେ ମଧ୍ୟ ଏଯାଏ ଦୋଷୀରେ ଠୋସ୍ ସୁରାଗ ପାଉନି ପୋଲିସ । ଏପଟେ ହାଇକୋର୍ଟଙ୍କ ବାରମ୍ବାର ନୋଟସ ପରେ ମଧ୍ୟ କୋର୍ଟରେ ହାଜର ହେଉନାହାନ୍ତି ଘଟଣାରେ ସମ୍ପୃକ୍ତ ଥିବା ଘରୋଇ ଟିଭି ଚ୍ୟାଲେନ ମାଲିକାଣୀ ଜଗୀ ମଙ୍ଗଦ ପଣ୍ଡା । ତେବେ ଏହାରି ଭିତରେ ଆଜି ପୁଣିଥରେ ସାମ୍ନାକୁ ଆସିଛି ପୀଡିତା ନାବାଳିକା ମାଙ୍କ ଚାଞ୍ଚଲ୍ୟକର ବୟାନ । ନାବାଳିକା ମାଙ୍କ କହିବା ଅନୁଯାଇ, ଦୁର୍ଷର୍ମ ପରେ ଜଗୀ ତାଙ୍କୁ ଏକଧିକ ଥର ଭେଟିଛନ୍ତି ଏବଂ ଘଟଣାକୁ ଚାପି ଦେବା ପାଇଁ ଧମକ ମଧ୍ୟ ଦେଇଛନ୍ତି ।

ତେବେ ଲକଡାଉନ୍ ସମୟରେ ପୀଡ଼ିତାଙ୍କୁ ଜଗୀ ୨ ଥର ଭେଟିଥିବା କହିଛନ୍ତି ନାବାଳିକାଙ୍କ ମାଆ । ଏପରିକି ପୋଲିସରେ ଅଭିଯୋଗ ନ କରିବା ସହିତ ଘଟଣା ବାବଦରେ କାହାରିକୁ କିଛି ନ କହିବା ଲାଗି ଚାପ ପକାଇଥିଲେ ଜଗୀ । ଗଣଦୁଷ୍କର୍ମ ନେଇ ବାହାରେ କାହା ଆଗରେ କଥା ପ୍ରକାଶ କଲେ ମା-ଝିଅଙ୍କୁ ଜୀବନରୁ ମାରି ଦେବାକୁ ଜଗୀ ଧମକ ଦେଇଥିବା ପୀଡିତାଙ୍କ ମା କହିଛନ୍ତି ।

ସେପଟେ ମାମଲକୁ ନେଇ ଆଜି ପୋଲିସ ଡିଜିପି ଅଭୟ ଭିଡିଓ କନଫେରେନ୍ସିଂ ମାଧ୍ୟମରେ କୋର୍ଟରେ ହାଜର ହୋଇଛନ୍ତି । ଅପରପକ୍ଷେ ଡିଜିପିଙ୍କ ପକ୍ଷରୁ ହାଇକୋର୍ଟରେ ସତ୍ୟପାଠ ଦାଖଲ ହେବା ସହ ମୁଦା ଲଫାପାରେ ତଦନ୍ତ ଷ୍ଟାଟସ ରିପୋର୍ଟ ଦାଖଲ କରାଯାଇଛି ।

English summary

Minor's Mother's Statements On Bhubaneswer Minor Rape Case