ନାବାଳିକା ଦୁଷ୍କର୍ମକାରୀକୁ 20 ବର୍ଷ ଜେଲ୍, ୭୦ ହଜାର ଟଙ୍କା ଜରିମାନ
ଯାଜପୁର: ୯ ବର୍ଷ ନାବାଳିକା ଦୁଷ୍କର୍ମ ମାମଲା । ଦୋଷୀ ସାବ୍ୟସ୍ତ ହେବା ପରେ ଅଭୁଯୁକ୍ତକୁ ଯାଜପୁର ଏଡିଜେ ସ୍ୱତନ୍ତ୍ର ପକ୍ସୋ କୋର୍ଟ ୨୦ ବର୍ଷ ଜେଲ ଦଣ୍ତାଦେଶ ଦେଇଛନ୍ତି । ସେହିପରି ଅଭିଯୁକ୍ତ ପ୍ରକାଶ ମଲ୍ଲିକଙ୍କୁ କୋର୍ଟ ୭୦ ହଜାର ଟଙ୍କା ଜରିମାନ ଭରିବା ପାଇଁ ନିର୍ଦ୍ଦେଶ ଦେଇଛନ୍ତି । ତେବେ ୨୧ ଜଣଙ୍କ ସାକ୍ଷ୍ୟ ପ୍ରମାଣକୁ ଆଧାର କରି କୋର୍ଟ ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ଅନ୍ୟପକ୍ଷରେ ପୀଡିତାଙ୍କୁ ୭ ଲକ୍ଷ ଟଙ୍କା କ୍ଷତିପୂରଣ ପାଇଁ ଜିଲ୍ଲା ଆଇନସେବା ପ୍ରାଧିକରଣଙ୍କୁ ନିର୍ଦ୍ଦେଶ ଦେଇଛନ୍ତି ଅଦାଲତ ।
ସୂଚନାଥାଉ ଯେ, ୨୦୨୨ ଅଗଷ୍ଟ ୫ ତାରିଖରେ ଏହି ଘଟଣା ଘଟିଥିଲା । ସ୍କୁଲରୁ ଘରକୁ ଫେରିବା ସମୟରେ ଅଭିଯୁକ୍ତ ପ୍ରକାଶ ମଲ୍କିକ ନାବାଳିକା ଜଣକୁ ବାଟରେ ଅଟକାଇଥିଲା ଏବଂ ଏକ ଭଙ୍ଗା ପମ୍ପ ହାଉସକୁ ନେଇ ଥିଲା ସେଠାରେ ସେ ଦୁଷ୍କର୍ମ କରିଥିଲା । ଏହାପରେ ସେ ପୀଡିତାଙ୍କୁ ନିଜ ସାଇକେଲରେ ବସାଇ ନିଜ ଘରକୁ ନେବା ସମୟରେ ନାବାଳିକା ଜଣକ ପରିବାର ଲୋକଙ୍କୁ ଦେଖି ସାଇକେଲରୁ ଡେଇଁ ପଡି ପୁରା ଘଟଣା ବିଷୟ କହିଥିଲେ । ସମସ୍ତ ଘଟଣା ଜାଣିବା ପରେ ବିଞ୍ଝାରପୁର ଥାନାରେ ପରିବାର ପକ୍ଷରୁ ଲିଖିତ ଅଭିଯୋଗ କରାଯାଇଥିଲା ।
Click it and Unblock the Notifications
Sign in with Google