ମାନସ ସ୍ୱାଇଁ ହତ୍ୟା ମାମଲା: ଖୋଲୁଛି ଗୁମର, ଚଣ୍ଡିଖୋଲରୁ ବ୍ୟବହୃତ ଜିନିଷ ଜବତ କଲା କ୍ରାଇମବ୍ରାଞ୍ଚ ଟିମ

କ୍ୟାମେରାମ୍ୟାନ ମାନସ ସ୍ୱାଇଁ ହତ୍ୟା ମାମଲାରେ କ୍ରାଇମବ୍ରାଞ୍ଚ ଖୋଲୁଛି ନୂଆ ଗୁମର । ଆଜି ହତ୍ୟା ଘଟଣାରେ ବ୍ୟବହୃତ ସାମଗ୍ରୀ ଜବତ ଚଣ୍ଡିଖୋଲରୁ ଜବତ କରିଛି କ୍ରାଇମବ୍ରାଞ୍ଚ ଟିମ୍ ।

Published: Thursday, March 31, 2022, 12:58 [IST]

ଭୁବନେଶ୍ୱର: କ୍ୟାମେରାମ୍ୟାନ ମାନସ ସ୍ୱାଇଁ ହତ୍ୟା ମାମଲାରେ କ୍ରାଇମବ୍ରାଞ୍ଚ ଖୋଲୁଛି ନୂଆ ଗୁମର । ଆଜି ହତ୍ୟା ଘଟଣାରେ ବ୍ୟବହୃତ ସାମଗ୍ରୀ ଜବତ ଚଣ୍ଡିଖୋଲରୁ ଜବତ କରିଛି କ୍ରାଇମବ୍ରାଞ୍ଚ ଟିମ୍ । ମାନସ ବ୍ୟବହାର କରୁଥିବା ଚପଲ ଅଧା ପୋଡା ଅବସ୍ଥାରେ ମିଳିଛି । ମୋବାଇଲ୍ ଇୟର ଫୋନ୍ ବି ଜବତ କରିଛି କ୍ରାଇମବ୍ରାଞ୍ଚ । ଅଖା ବସ୍ତା ଓ ଅନ୍ୟ ସାମଗ୍ରୀ ମଧ୍ୟ ଜବତ କରାଯାଇଛି । ହତ୍ୟା ପରେ ପ୍ରମାଣ ଲୁଚାଇବା ପାଇଁ ଏଭଳି କରିଥିବା ପୋଲିସ ଆଗରେ ସତ ଓଗାରିଛି ଅଭିଯୁକ୍ତ ରାଜ ।

ସେପଟେ ମୁଖ୍ୟ ଅଭିଯୁକ୍ତ ଶର୍ମିଷ୍ଠା ସବୁ ସତ ମାନିଯିବା ପରେ ଅଡୁଆରେ ପଡିଲେଣି ନିରଞ୍ଜନ ସେଠୀ । ପୋଲିସ ଶର୍ମିଷ୍ଠାକୁ ଖୋଜୁଥିବା ବେଳେ ଶର୍ମିଷ୍ଠା ସହ ଯୋଗୀ ଝୁନା ଭୋଇକୁ ସାଙ୍ଗରେ ଧରି ଭଦ୍ରକ, କାଳିଆପାଣୀ. ଯାଜପୁର ଓ ବାଲେଶ୍ୱର ଯାଉଥିଲା ବୋଲି ସବୁ ସତ ମାନିଛି ।

ପୋଲିସକୁ ଭୁଆଁ ବୁଲାଇବା ପାଇଁ ଶର୍ମିଷ୍ଠା ନିଜ ମୋବାଇଲକୁ ନିଜ ଆପାର୍ଟମେଣ୍ଟରେ ଛାଡି ପଳାଇଥିଲା ବୋଲି କ୍ରାଇମବ୍ରାଞ୍ଚ ଜେରା ସମୟରେ ମାନିଛନ୍ତି । ସେ ଭଦ୍ରକ ଜିଲ୍ଲାରୁ ଗୋଟିଏ ସିମ୍ ଓ କୋଲକାତାରୁ ୨ଟି ସିମ କିଣି ନିଜ ସମ୍ପର୍କୀୟଙ୍କ ସହ ସମ୍ପର୍କ କରୁଥିଲା ବୋଲି ପୋଲିସ ଆଗରେ ମାନିଛି ।

ଶର୍ମିଷ୍ଠାଙ୍କୁ ତାଙ୍କ ସମ୍ପର୍କୀୟ ସହ ଯୋଗ କରୁଥିଲେ ବୋଲି ପୋଲିସ ଜାଣିବାକୁ ପାଇଛି । ଶର୍ମିଷ୍ଠା ଆସ୍ତେ ଆସ୍ତେ ସବୁ ସତ ମାନିଯିବା ପରେ ଏବେ ଅଡୁଆରେ ପଡିଛନ୍ତି ଅବସରପ୍ରାପ୍ତ ଅଫିସର ନିରଞ୍ଜନ ସେଠୀ । ମାନସ ସ୍ୱାଇଁ ହତ୍ୟା ମାମଲାରେ ଶର୍ମିଷ୍ଠା ନିରଞ୍ଜନ ଓ ତାଙ୍କ ସହଯୋଗୀ ମାନଙ୍କୁ ପଚରା ଉଚରା କରି ସତ୍ୟ ସାମ୍ନାକୁ ଆଣିବ ।

Published On March 31, 2022