ଧର୍ମ ପରିବର୍ତ୍ତନ ନ କଲେ ୭୦ ଖଣ୍ତ କରିବା ନେଇ ଧମକ, ପ୍ରେମିକା ଆଣିଲେ ଅଭିଯୋଗ
ଧର୍ମ ପରିବର୍ତ୍ତନ ନ କଲେ ୭୦ ଖଣ୍ତ କରିବା ନେଇ ଧମକ
ମୁମ୍ବାଇ: ମହାରାଷ୍ଟ୍ରର ଧୁଲେ ସହରର ପାଶିମ ଦେବପୁର ପୋଲିସ ଷ୍ଟେସନରେ ଲିଭ୍ଇନ୍ରେ ରହୁଥିବା ଜଣେ ଯୁବତୀ ତାଙ୍କ ସାଥୀଙ୍କ ବିରୋଧରେ ମାମଲା ରୁଜୁ କରିଛି । ପୋଲିସର ସୂଚନାନୁସାରେ, ଅଭିଯୁକ୍ତ ଯୁବକ ନିଜର ପରିଚୟ ଲୁଚାଇ ପୀଡିତାଙ୍କୁ ଦୀର୍ଘ ଦିନ ଧରି ହଇରାଣ କରୁଥିଲା। ଯେତେବେଳେ ଅଭିଯୁକ୍ତ ପୀଡିତାଙ୍କ ସହ ଶ୍ରଦ୍ଧା ହତ୍ୟା ଭଳି ଘଟଣା ଘଟାଇବାକୁ ଧମକ ଦେଇଥିଲା,ଏହାପରେ ପୀଡିତା ତୁରନ୍ତ ଏ ନେଇ ପୋଲିସକୁ ସୂଚନା ଦେଇଥିଲେ ।
ପୋଲିସକୁ ପୀଡିତା ଦେଇଥିବା ସୂଚନା ଅନୁସାରେ, ଅଭିଯୁକ୍ତ ତାଙ୍କୁ ବାରମ୍ବାର ଧର୍ମ ପରିବର୍ତ୍ତନ କରିବା ପାଇଁ କହୁଥିଲେ । ଯୁବତୀ ଜଣକ ଏହାକୁ ବିରୋଧ କରିବା ପରେ ଅଭିଯୁକ୍ତ ଯୁବକ ତାଙ୍କୁ ଦିଲ୍ଲୀର ଶ୍ରଦ୍ଧା ହତ୍ୟା ମାମଲା ମନେ ପକାଇ ଦେଇଥିଲା । କେବଳ ଏତିକି ନୁହେଁ ଯୁବକ ଜଣକ ପୀଡିତାଙ୍କୁ ୭୦ ଖଣ୍ତ କରି କାଟି ଦେବା ନେଇ ଧମକ ଦେଇଥିଲା । ଏହି ମାମଲାରେ ଅଭିଯୁକ୍ତ ଯୁବକ ଏବଂ ତାଙ୍କ ପିତାଙ୍କୁ ପୋଲିସ ଗିରଫ କରିଛି।
Click it and Unblock the Notifications
Sign in with Google