ପତ୍ନୀ ହ୍ୱାଟ୍ସ ଆପରେ ଏଭଳି ମେସେଜ ଦେଖିଲା ସ୍ୱାମୀ ଯେ ପେଟ୍ରୋଲ ଢାଳି ଜୀଅନ୍ତା ନିଆଁ ଲଗାଇ ଦେଲା

ହ୍ୱାଟ୍ସଆପ ମେସେଜ୍ କାରଣରୁ ଜଣେ ସ୍ୱାମୀ ତାଙ୍କ ସ୍ତ୍ରୀ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦେଇଛନ୍ତି । ମହିଳାଙ୍କ ଶରୀରର 90 ଶତକଡା ଜଳି ଯାଇଛି । ମହିଳା ଜଣଙ୍କ 17 ବର୍ଷ ହେଲା ବିବାହ କରିଥିଲେ ।

Published: Friday, March 12, 2021, 18:48 [IST]

ରାଞ୍ଚି : ଝାରଖଣ୍ଡର ରାଜଧାନୀ ରାଞ୍ଚିର କାଙ୍କେ ବ୍ଲକ୍ ଚକ୍ ନିକଟରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି । ଜଣେ ଅସନ୍ତୁଷ୍ଟ ସ୍ୱାମୀ ବୁଧବାର ରାତିରେ ନିଜ ବାଇକରୁ ପେଟ୍ରୋଲ ବାହାର କରି ପତ୍ନୀଙ୍କ ଶରୀରରେ ଢାଳି ଲାଇଟରରେ ନିଆଁ ଲଗାଇ ଦେଲେ । ନିଜକୁ ବଞ୍ଚାଇବା ପାଇଁ ମହିଳା ଜଣଙ୍କ ଚିତ୍କାର କରି ଶେଷରେ ସେ ବାଥରୁମକୁ ଯାଇ ତଳେ ପଡ଼ିଗଲେ ।
ଏହା ପରେ ଉକ୍ତ ମହିଳାଙ୍କର ଝିଅ ଏବଂ ଦିଅର ତାଙ୍କୁ ହସ୍ପିଟାଲ ନେଇ ଗଲେ । ଡାକ୍ତରଙ୍କ କହିବାନୁସାରେ, ମହିଳା 90 ପ୍ରତିଶତ ଶରୀର ପୋଡ଼ି ଯାଇଛି । ତାଙ୍କର ସ୍ୱାସ୍ଥ୍ଯବସ୍ଥା ଗୁରୁତର ଅଛି । ମହିଳାଙ୍କ ନାମ ରୁମା ଦେ। ଖବର ମୁତାବକ, ଏହି ଘଟଣାର 24 ଘଣ୍ଟା ପରେ ମଧ୍ୟ ଅଭିଯୁକ୍ତ ସ୍ୱାମୀ ମୁକ୍ତ ଭାବରେ ବୁଲୁଛନ୍ତି । ମହିଳାଙ୍କ ମା ସୁମିତ୍ରା ମାନ୍ନାଙ୍କ ଅନୁଯାୟୀ ରୁମାଙ୍କ ସ୍ୱାମୀ ସନ୍ଦେହରେ ଯୋଗୁଁ ତାଙ୍କ ଝିଅ ଜୀବନ୍ତ ଜଳାଯାଇଛି । ରୁମା 17 ବର୍ଷ ପୂର୍ବେ ଗୌତମଙ୍କୁ ବିବାହ କରିଥିଲେ ।

ବିବାହ ପରେ ତାଙ୍କ ସ୍ୱାମୀ ତାଙ୍କୁ ବାରମ୍ବାର ମାଡ ମାରୁଥିଲେ। ସେ ସର୍ବଦା ମଦ୍ୟପାନ କରୁଥିଲେ ଏବଂ ନିକଟରେ ଏକ ଅନ୍ୟ ମହିଳାଙ୍କ ସହ ଅନୈତିକ ସମ୍ପର୍କ ଥିବା ଅଭିଯୋଗ ହୋଇଥିଲା । ଏହାକୁ ନେଇ ପୁଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲା ।
କ'ଣ ଥିଲା ଘଟଣା ?
ବିବାହିତ ମହିଳାଙ୍କ ପରିବାର ଅନୁଯାୟୀ ବୁଧବାର ରାତିରେ ଏକ ଅଜ୍ଞାତ ନମ୍ବରରୁ ହ୍ୱାଟସଆପ୍ ଗ୍ରୁପ୍ ଗଠନ କରାଯାଇଥିଲା । ଯେଉଁଥିରେ ବିବାହିତ ରୁମା ଦେଙ୍କ ପରିବାର ସଦସ୍ୟ ଯୋଗ କରାଯାଇଥିଲା । ଏଥିରେ ସମସ୍ତେ ଚାଟିଂ କରିଥିଲେ । ଏହାକୁ ନେଇ ସ୍ୱାମୀ ଗୌତମ ତାଙ୍କୁ ମାଡ଼ ମାରିଥିଲେ । ଏହା ପରେ ବାଇକରୁ ପେଟ୍ରୋଲ ବାହାର କରି ପୋଡି ଦେଇଥିଲା । ଅଭିଯୁକ୍ତ ସ୍ୱାମୀ ଏକ ସାଧାରଣ ଦୋକାନ ଚଳାନ୍ତି । ଏହି ମାମଲାରେ ପରିବାର ନ୍ୟାୟ ପାଇଁ ନିବେଦନ କରିଛନ୍ତି । ଏଠାରେ ଅଭିଯୁକ୍ତଙ୍କୁ ଗିରଫ କରାଯିବ ବୋଲି ପୋଲିସ କହିଛି। ଖୁବ ଶୀଘ୍ର ଏହି ଘଟଣାରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କଙ୍କେ ପୋଲିସ ଷ୍ଟେସନକୁ ନିର୍ଦ୍ଦେଶ ଦିଆଯାଇଛି ବୋଲି ରାଞ୍ଚିର ଗ୍ରାମୀଣ ଏସପି ନୌଶାଦ ଆଲାମ କହିଛନ୍ତି ।

Published On March 12, 2021