ଛେଳି ବେପାରୀଙ୍କୁ ଗୁଳି କରି ହତ୍ୟା, ୯ ଲକ୍ଷ ଟଙ୍କା ଲୁଟିନେଲେ ହେଲମେଟ ପିନ୍ଧା ଦୁବୃର୍ତ୍ତ
ସୁନ୍ଦରଗଡ: ଟଙ୍କା ପାଇଁ ଛେଳି ବେପାରୀଙ୍କୁ ଗୁଳି କରି ହତ୍ୟା । ଛେଳି ବେପାରୀଙ୍କୁ ଗୁଳି କରି ୯ ଲକ୍ଷ ଲୁଟି ନେଲେ ଲୁଟେରା । ସୁନ୍ଦରଗଡ଼ ଲେଫ୍ରିପଡ଼ା ଥାନା ସୁରୁଗୁଡ଼ା ତାରିଣୀ ମନ୍ଦିର ନିକଟରେ ଗୁଳିମାଡ଼ ହୋଇଛି । ହତ୍ୟାର ଶିକାର ହୋଇଛନ୍ତି ପ୍ରଭାତ ନାଏକ ।
ଆଜି ସକାଳେ ପ୍ରଭାତ ଓ ଅନ୍ୟ ଦୁଇ ଜଣ ଗାଡିରେ ଯିବା ବେଳେ ହେଲମେଟ ପିନ୍ଧିଥିବା ତିନି ଅଜ୍ଞାତ ଦୁର୍ବୃତ୍ତ ପ୍ରଭାତଙ୍କ ଉପରକୁ ଗୁଳି ମାଡ କରିଥିଲେ । ଗୁଳିଟି ତାଙ୍କ ଛାତିରେ ବାଜିବା ପରେ ଘଟଣାସ୍ଥଳରେ ହିଁ ସେ ଟଳିପଡି ଥିଲେ । ଦୁର୍ବୃତ୍ତ ଏହାପରେ ତାଙ୍କଠୁ ୯ ଲକ୍ଷ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି ।
ବାଇକରେ ୩ ଜଣ ଛେଳି ବେପାରୀ ଯାଉଥିବା ବେଳେ ଆକ୍ରମଣ କରିଥିଲେ ଲୁଟେରା । ବାଇକ ଅଟକାଇ ଗୁଳିମାଡ଼ କରି ୯ ଲକ୍ଷ ଟଙ୍କା ଲୁଟି ନେଲେ ୩ ଦୁର୍ବୃତ୍ତ । ଗୁଳିମାଡ଼ରେ ଜଣେ ଛେଳି ବେପାରୀ ମୃତ, ଅନ୍ୟ ୨ ଜଣ ଆହତ ହୋଇଥିବାର ସୂଚନା ମିଳିଛି ।
ଖବର ପାଇବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ମୃତ ପ୍ରଭାତଙ୍କ ଘର ଝାରସୁଗୁଡା ଜିଲ୍ଲା ତାଲମୁଣ୍ଡାରେ । ସେ ଶରଧାପାଲିରେ ଛେଳି ବ୍ୟବସାୟ କରୁଥିଲେ । ରକ୍ତ ଜୁଡୁବୁଡୁ ଅବସ୍ଥାରେ ପୋଲିସ ପ୍ରଭାତଙ୍କୁ ଉଦ୍ଧାର କରି ସୁନ୍ଦରଗଡ ଡାକ୍ତରଖାନାକୁ ଆଣିଥିଲା । ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି ।
Click it and Unblock the Notifications
Sign in with Google