ପ୍ରତି 11 ମିନିଟରେ ହତ୍ୟାର ଶିକାର ହେଉଛନ୍ତି ଜଣେ ମହିଳା: ୟୁଏନ ମୁଖ୍ୟ

ପ୍ରତି 11 ମିନିଟରେ ହତ୍ୟାର ଶିକାର ହେଉଛନ୍ତି ଜଣେ ମହିଳା । ଏଭଳି ମତ ଦେଲେ ୟୁଏନ ମୁଖ୍ୟ ଆଣ୍ଟୋନିଓ ଗୁଟେରେସ।

Updated: Tuesday, November 22, 2022, 14:23 [IST]

ୱାଶିଂଟନ: ଦିନକୁ ଦିନ ଅପରାଧିକ କାର୍ଯ୍ୟକଳାପ ବଢିବାରେ ଲାଗିଛି । କେଉଁଠି ଅନର କିଲିଂର ଶିକାର ହେଉଛନ୍ତି ମହିଳା ତ ଅନ୍ୟ କେଉଁଠି ନିଜ ପ୍ରେମିକର କ୍ରୋଧର ଶିକାର ହୋଇ ହତ୍ୟାର ଶିକାର ହେଉଛନ୍ତି। ତେବେ ପ୍ରତି ୧୧ ମିନିଟରେ ମହିଳାମାନେ ହତ୍ୟାର ଶିକାର ହୁଅନ୍ତି ବୋଲି ଦୃଢୋକ୍ତି ପ୍ରକାଶ କରିଛନ୍ତି ଜାତିସଂଘ ମୁଖ୍ୟ ଆଣ୍ଟୋନିଓ ଗୁଟେରେସ୍ । ସେ କହିଛନ୍ତି ଯେ ମହିଳାଙ୍କ ବିରୋଧରେ ହିଂସା ହେଉଛି ବିଶ୍ୱର ସବୁଠାରୁ ବ୍ୟାପକ "ମାନବାଧିକାର ଉଲ୍ଲଂଘନ" ଏବଂ ଏହି ବିପଦର ମୁକାବିଲା କରୁଥିବା ଜାତୀୟ କାର୍ଯ୍ୟ ଯୋଜନା କାର୍ଯ୍ୟକାରୀ କରିବାକୁ ସରକାରଙ୍କୁ ଆହ୍ୱାନ କରିଛନ୍ତି। ନଭେମ୍ବର 25 ରେ ପାଳନ କରାଯାଉଥିବା 'ମହିଳା ମାନଙ୍କ ବିରୋଧରେ ହିଂସା ବିଲୋପ' ପାଇଁ ଆନ୍ତର୍ଜାତୀୟ ଦିବସ ପୂର୍ବରୁ ମହାସଚିବ ଗୁଟେରେସ୍ ଏହି ମନ୍ତବ୍ୟ ଦେଇଛନ୍ତି।

"ମହିଳା ଏବଂ ଝିଅମାନଙ୍କ ପ୍ରତି ହିଂସା ହେଉଛି ବିଶ୍ୱର ସବୁଠାରୁ ବ୍ୟାପକ ମାନବାଧିକାର ଉଲ୍ଲଂଘନ । ପ୍ରତି 11 ମିନିଟରେ, ଜଣେ ମହିଳା କିମ୍ବା ଝିଅକୁ ଜଣେ ଅନ୍ତରଙ୍ଗ ସାଥୀ କିମ୍ବା ପରିବାର ସଦସ୍ୟ ହତ୍ୟା କରନ୍ତି - ଏବଂ ଆମେ ଜାଣୁ ଯେ କୋଭିଡ-19 ମହାମାରୀଠାରୁ ଆରମ୍ଭ କରି ଅର୍ଥନୈତିକ ଅଶାନ୍ତି ପର୍ଯ୍ୟନ୍ତ ଅନ୍ୟ ଚାପ ଅବଶ୍ୟ ଅଧିକ ଶାରୀରିକ ଏବଂ ମୌଖିକ ନିର୍ଯାତନା ସୃଷ୍ଟି କରେ ବୋଲି ଗୁଟେରେସ୍ କହିଛନ୍ତି।

ଜାତିସଂଘ ମହାସଚିବ ଗୁଟେରେସ୍ ଙ୍କ ମନ୍ତବ୍ୟ ନିକଟରେ ନୂଆଦିଲ୍ଲୀରେ ହୋଇଥିବା ଶ୍ରଦ୍ଧା ୱାକର ହତ୍ୟା ମାମଲାର ପୃଷ୍ଠଭୂମିରେ ଆସିଛି ଯାହା ସାରା ଭାରତକୁ ଚକିତ କରିଛି। ସେ କହିଥିଲେ ଯେ ମହିଳା ଏବଂ ଝିଅମାନେ ମଧ୍ୟ ଅତ୍ୟଧିକ ଅନଲାଇନ୍ ହିଂସାର ସମ୍ମୁଖୀନ ହୁଅନ୍ତି, ମିସୋଜିନିଷ୍ଟ ଘୃଣା ଭାଷଣଠାରୁ ଆରମ୍ଭ କରି ଯୌନ ଉତ୍ପୀଡ଼ନର ଶିକାର ହୁଅନ୍ତି ମହିଳା । ଜାତିସଂଘ ମୁଖ୍ୟ "ମହିଳା ଏବଂ ଝିଅମାନଙ୍କ ବିରୋଧରେ ହେଉଥିବା ହିଂସାର ହିଷ୍ଟ୍ରି ତଥ୍ୟ ପଠାଇବାକୁ ସରକାରଙ୍କୁ ଆହ୍ୱାନ ଦେଇଛନ୍ତି। ବର୍ତ୍ତମାନ ପରିବର୍ତ୍ତନଶୀଳ ସମାଜରେ ଏହି ଭଳି କାର୍ଯ୍ୟ କଳାପ ବନ୍ଦ ହେବା ଉଚିତ ବୋଲି ସେ କହିଛନ୍ତି ।

2016 ସୁଦ୍ଧା ମହିଳା ଅଧିକାର ସଂଗଠନ ଏବଂ ଆନ୍ଦୋଳନକୁ 50 ପ୍ରତିଶତ ପାଣ୍ଠି ବୃଦ୍ଧି କରିବାକୁ ସରକାରଙ୍କୁ ଆହ୍ୱାନ କରି ଗୁଟେରେସ୍ ସମସ୍ତଙ୍କୁ "ମହିଳା ଅଧିକାରସମର୍ଥନରେ ଆଭିମୁଖ୍ୟ ଗ୍ରହଣ କରିବାକୁ ଏବଂ ସ୍ୱର ଉତ୍ତୋଳନ କରିବାକୁ" ଅନୁରୋଧ କରିଥିଲେ । ଗର୍ବର ସହିତ ଘୋଷଣା କରିଥିଲେ ଯେ "ଆମେ ସମସ୍ତେ ନାରୀବାଦୀ। ସେ ସାର୍ବଜନୀନ ଅଭିଯାନକୁ ସମର୍ଥନ କରିବାକୁ ଆହ୍ୱାନ କରିଥିଲେ ଯାହା ପିତୃପୁରୁଷ ନିୟମକୁ ଚ୍ୟାଲେଞ୍ଜ କରେ ଏବଂ ବିଭିନ୍ନ ପ୍ରକାରର ପୁରୁଷତ୍ୱକୁ ପ୍ରୋତ୍ସାହିତ କରେ ଯାହା ବିଦ୍ରୋହ ଏବଂ ହିଂସାକୁ ପ୍ରତ୍ୟାଖ୍ୟାନ କରେ ।

ଏକ ଆନ୍ତର୍ଜାତୀୟ ଦିବସରେ ଚଳିତ ବର୍ଷର ବିଷୟବସ୍ତୁ ହେଉଛି 'ୟୁନାଇଟ୍ : ଆକ୍ଟିଭିଜିମ୍ ଟୁ ଏଣ୍ଡ ଇଭେଣ୍ଟ ଇନ୍ ୱିମେନ୍ ଆଣ୍ଡ୍ ଗାର୍ଲସ୍ ' ବୋଲି ଉଲ୍ଲେଖ କରି ଗୁଟେରେସ୍ କହିଛନ୍ତି ଯେ ଏହାର ଅର୍ଥ ହେଉଛି ବିଶ୍ୱର କାର୍ଯ୍ୟକର୍ତ୍ତାମାନଙ୍କ ସହ ଠିଆ ହେବା ଯେଉଁମାନେ ପରିବର୍ତ୍ତନ ପାଇଁ ଆହ୍ୱାନ କରୁଛନ୍ତି ଏବଂ ହିଂସାରୁ ବଞ୍ଚିଥିବା ଲୋକଙ୍କୁ ସମର୍ଥନ କରୁଛନ୍ତି। ଶ୍ରଦ୍ଧା ୱାକରଙ୍କ ଲିଭ୍-ଇନ୍ ପାର୍ଟନର ଆଫତବ ଅମିନ ପୁନାୱାଲା ତାଙ୍କୁ ଗଳା କାଟି ହତ୍ୟା କରି ତାଙ୍କ ମୃତଦେହକୁ ୩୫ ଖଣ୍ଡ କରି ଜଙ୍ଗଲରେ ଫିଙ୍ଗି ଦେବା ଘଟଣାକୁ ନେଇ ଏବେ ସମଗ୍ର ଦେଶରେ ଚର୍ଚ୍ଚା । ଯେଉଁଠି ଦେଖିବ ସେହି ଘଟଣାକୁ ନେଇ ଲୋକେ ଚିନ୍ତିତ, ପ୍ରତ୍ୟେକ ନାରୀ ନିଜର ସୁରକ୍ଷା ନେଇ ଚିନ୍ତାରେ ।