ଢେଙ୍କାନାଳ ଶିଶୁ ନିଖୋଜ ଘଟଣା: ତଣ୍ଟି ଚିପି ହତ୍ୟା କରିଥିଲା ପଡୋଶୀ ମହିଳା
ଢେଙ୍କାନାଳ ଜିଲ୍ଲାରେ 3ବର୍ଷ ଶିଶୁ ନିଖୋଜ ଓ ପରେ କୁଅରୁ ଶିଶୁପୁତ୍ରର ମୃତ ଦେହ ଉଦ୍ଦାର ଘଟଣାରେ ପଡୋଶୀ ମହିଳାଙ୍କୁ ଗିରଫ କରିଛି ପୋଲିସ ।
ଢ଼େଙ୍କାନାଳ: ଢେଙ୍କାନାଳ ଜିଲ୍ଲାରେ 3ବର୍ଷ ଶିଶୁ ନିଖୋଜ ଓ ପରେ କୁଅରୁ ଶିଶୁପୁତ୍ରର ମୃତ ଦେହ ଉଦ୍ଦାର ଘଟଣାରେ ପଡୋଶୀ ମହିଳାଙ୍କୁ ଗିରଫ କରିଛି ପୋଲିସ । ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ହତ୍ୟା କରିଥିବା ମହିଳା ଜଣକ ସ୍ୱୀକାର କରିଛନ୍ତି । ପ୍ରଥମେ କାଳିଆକୁ ତଣ୍ଟି ଚିପି ହତ୍ୟା କରିବା ପରେ କୂଅକୁ ଫିଙ୍ଗି ଦେଇଥିବା ନେଇ ଅଭିଯୁକ୍ତ ମହିଳା ପୋଲିସ ଆଗରେ ବୟାନ ଦେଇଛନ୍ତି ।
ଗତକାଲି ସନ୍ଧ୍ୟାରେ ଢେଙ୍କାନାଳ ଜିଲ୍ଲା ନିହଲପ୍ରସାଦ ଥାନା ଖଙ୍କିରା ଗାଁ ଦାଣ୍ଡରେ ଖେଳୁ ଖେଳୁ ନିଖୋଜ ହୋଇଯାଇଥିଲା ଚନ୍ଦନ ସାହୁଙ୍କ ୩ ବର୍ଷର ପୁଅ କାଳିଆ। ବହୁ ଖୋଜାଖୋଜି ପରେ ପରିବାର ଲୋକେ ଛୁଆଟିର ପତ୍ତା ପାଇ ନ ଥିଲେ। ତେବେ ନିଖୋଜ ହେବାର ୧୨ ଘଣ୍ଟା ପରେ ଗୁରୁବାର ସକାଳୁ ଏକ କୂଅରୁ ଶିଶୁ ପୁତ୍ରର ମୃତଦେହ ମିଳିଥିଲା । ପରେ ପ୍ରାଥମିକ ତଦନ୍ତରୁ ଶିଶୁଟିକୁ କେହି ହତ୍ୟା କରି କୂଅ ଭିତରେ ଫିଙ୍ଗି ଦେଇଥିବା ନେଇ ପୋଲିସ ସନ୍ଦେହ କରିଥିଲା ।
ଏହି ମାମଲାରେ ଗତକାଲି ପୁଲିସ ସନ୍ଦେହରେ ଚନ୍ଦନ ସାହୁଙ୍କ ପଡୋଶୀ ଘରର ଭାରତୀ ସାହୁ ଓ ତାଙ୍କ ସ୍ୱାମୀଙ୍କୁ ଅଟକ ରଖି ପଚରାଉଚରା କରିଥିଲା । ଆଜି ସେ ପୋଲିସ ଆଗରେ ନିଜ ଦୋଷ ସ୍ୱୀକାର କରିଛନ୍ତି । ଦଫା ୩୦୨ ଓ ୨୦୧ରେ ମାମଲା ରୁଜୁ କରି ଅଭୁଯୁକ୍ତି ଭାରତୀଙ୍କୁ କୋର୍ଟ ଚାଲାଣ କରାଯାଇଛି ।
Click it and Unblock the Notifications
Sign in with Google