ହନିଟ୍ରାପରେ ଯୁବତୀ: ଇନଷ୍ଟଗ୍ରାମରେ ହେଲା ପ୍ରେମ, ପରେ ଉପହାର ପଠାଇ ଲୁଟି ନେଲେ ୭.୯୫ ଲକ୍ଷ
ହନିଟ୍ରାପରେ କଟକର ଯୁବତୀ । ପ୍ରଥମେ ବନ୍ଧୁତା, ପରେ ଉପହାର ପଠାଇବା ବାହାନାରେ ଯୁବତୀଙ୍କଠୁ ଲୁଟି ନେଲେ ୭.୯୫ ଲକ୍ଷ । ସ୍କଟଲ୍ୟାଣ୍ଡ ଯୁବକଙ୍କ ପ୍ରେମରେ ଫସିଗଲେ କଟକ ଯୁବତୀ। ବିଶ୍ୱାସ ଜିତିବା ପରେ କଳାକନା ବୁଲାଇ ଦେଲା ବିଦେଶୀ ବର।
କଟକ: ହନିଟ୍ରାପରେ କଟକର ଯୁବତୀ । ପ୍ରଥମେ ବନ୍ଧୁତା, ପରେ ଉପହାର ପଠାଇବା ବାହାନାରେ ଯୁବତୀଙ୍କଠୁ ଲୁଟି ନେଲେ ୭.୯୫ ଲକ୍ଷ । ସ୍କଟଲ୍ୟାଣ୍ଡ ଯୁବକଙ୍କ ପ୍ରେମରେ ଫସିଗଲେ କଟକ ଯୁବତୀ। ବିଶ୍ୱାସ ଜିତିବା ପରେ କଳାକନା ବୁଲାଇ ଦେଲା ବିଦେଶୀ ବର। ଯୁବକ ଜଣକ ପଠାଇଥିବା ଗିଫ୍ଟ ପାଇବାକୁ ଯୁବତୀ ୭.୯୫ ଲକ୍ଷ ଟଙ୍କା ହାରାଇବା ପରେ ଉଡିଗଲା ହୋସ୍ । ସେତେବେଳେ ସେ ଜାଣିବାକୁ ପାଇଲେ ଯେ, ସେ ସାଇବର ଲୁଟ୍ର ଶିକାର ହୋଇଛନ୍ତି । ଏ ନେଇ ସଂପୃକ୍ତ ଯୁବତୀ କଟକ ସାଇବର ଥାନାରେ ଏତଲା ଦେଇଛନ୍ତି ।
ଘଟଣା କ୍ରମ ଏମିତି ଯେ, ସାଇବର ଠକ ସହିତ ପ୍ରଥମେ ଇନଷ୍ଟାଗ୍ରାମରେ ସଂପୃକ୍ତ ଯୁବତୀଙ୍କ ବନ୍ଧୁତା ହୋଇଥିଲା । ଠକ ଜଣକ ସ୍କଟଲାଣ୍ଡର ବୋଲି ପରିଚୟ ଦେଇଥିଲା । ଇଂଜିନିୟର ବୋଲି କହି ବିବାହର ପ୍ରତିଶ୍ରୁତି ଦେଇଥିଲା । କେବଳ ଏତିକି ନୁହେଁ କଥାବାର୍ତ୍ତା ମଧ୍ୟରେ ଯୁବତୀଙ୍କ ପାଖକୁ ଗିଫ୍ଟ ପଠାଇଥିବାର କହିଥିଲା । ଆଉ ଉପହାରଟି ବିମାନ ବନ୍ଦରରେ ଅଟକି ଯାଇଛି । ଏହାକୁ ମୁକୁଳାଇବା ପାଇଁ କଷ୍ଟମ ବିଭାଗକୁ ଟଙ୍କା ଦେବାକୁ ପଡ଼ିବ କହିଥିଲା । ତା କଥାରେ ଭାସି ଯାଇ ୪ଟି ବ୍ୟାଙ୍କ ଆକାଉଣ୍ଟକୁ ୭ ଲକ୍ଷ ୯୫ ହଜାର ଟଙ୍କା ପଠାଇଥିଲେ ସଂପୃକ୍ତ ଯୁବତୀ । ପରେ ଜାଣିଲେ ଯେ, ସେ ଠକେଇର ଶିକାର ହୋଇଛନ୍ତି ।
ତଦନ୍ତ ବେଳେ ସମସ୍ତ ଦେଣନେଣ ରାଜ୍ୟ ବାହାର ୨ ଭାରତୀୟ ବ୍ୟାଙ୍କର ୪ ଆକାଉଣ୍ଟ ଜରିଆରେ ହୋଇଥିବା ଜଣାପଡ଼ିଛି। ତେଣୁ ସମସ୍ତ ବ୍ୟାଙ୍କଗୁଡ଼ିକରୁ ତଥ୍ୟ ପାଇବା ନିମନ୍ତେ ସାଇବର ପୁଲିସ ପକ୍ଷରୁ ନୋଟିସ୍ ଜାରି କରାଯାଇଛି। ଅଭିଯୁକ୍ତମାନେ ଭାରତୀୟ ଓ ଦେଶ ଭିତରେ ଅଛନ୍ତି ଵୋଲି ସାଇଵର ଥାନା ଅଧିକାରୀ ସନ୍ଦେହ କରୁଛନ୍ତି। ଠକେଇ ପଛରେ ନାଇଜେରିଆନ ବା ଜାମତରା ଗ୍ୟାଙ୍ଗ ସମ୍ପୃକ୍ତି ସନ୍ଦେହ କରୁଛି ସାଇବର ସେଲ।
Click it and Unblock the Notifications
Sign in with Google