ରାଜଧାନୀରେ ବୀଭତ୍ସ ହତ୍ୟାକାଣ୍ତ: ଯୁବକଙ୍କୁ ଗୋଡେଇ ଗୋଡେଇ ହାଣିଲେ ଦୁର୍ବୃତ୍ତ
ଭୁବନେଶ୍ୱର:ରାଜଧାନୀ ଭୁବନେଶ୍ୱରରେ ଯୁବକଙ୍କୁ ନିର୍ମମ ହତ୍ୟା । ପୂର୍ବ ଶତ୍ରୁତାକୁ କେନ୍ଦ୍ର କରି ଜଣେ ଯୁବକକୁ ଗୋଡେଇ ଗୋଡେଇ ହାଣିଲେ ୩ ରୁ ୪ ଜଣ ଯୁବକ । ୟୁନିଟ୍-୧ ଅଞ୍ଚଳର ଏକ କ୍ୱାର୍ଟର ନିକଟରେ ରକ୍ତ ଜୁଡୁବୁଡୁ ଅବସ୍ଥାରେ ପଡିଛି ମୃତଦେହ । ଘଟଣାସ୍ଥଳରେ କ୍ୟାପିଟାଲ ପୋଲିସ ପହଁଞ୍ଚି ଆରମ୍ଭ ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ, ୟୁନିଟ୍ ୧ ହାଇସ୍କୁଲ ସମ୍ମୁଖରେ ଥିବା ଜିଇଡି ବସ୍ତିରେ ଏପରି ବିଭତ୍ସବ ହତ୍ୟାକାଣ୍ତ ଘଟିଛି । ପୂର୍ବ ଶତ୍ରୁତାକୁ କେନ୍ଦ୍ର କରି ଆଜି ପ୍ରାୟ ଭୋର ସମୟରେ ୩ରୁ ୪ ଜଣ ଯୁବକ ସୁଶାନ୍ତ ନାୟକ ନାମକ ଜଣେ ଯୁବକଙ୍କୁ ଗୋଡାଇ ଗୋଡାଇ ଆକ୍ରମଣ କରିଛନ୍ତି । ସମସ୍ତ ଅଭିଯୁକ୍ତ ବର୍ତ୍ତମାନ ଫେରାର୍ ଅଛନ୍ତି ।
ସେପଟେ ପୋଲିସ ଘଟଣାସ୍ଥଳରେ ପହଁଞ୍ଚି ଯୁବକଙ୍କ ମୃତ ଦେହକୁ ପୋଷ୍ଟମର୍ଟମ ପାଇଁ କ୍ୟାପିଟାଲ୍ ହସ୍ପିଟାଲକୁ ପଠାଇବା ସହ ତଦନ୍ତ ଆରମ୍ଭ କରିଛି ଏବଂ ଫରେନସିକ୍ ଟିମ୍ ମଧ୍ୟ ପହଞ୍ଚି ଛାନବିନ୍ କରୁଛି ।
Click it and Unblock the Notifications
Sign in with Google