ଭାଇ ସାଜିଲା ଭାଇର ହତ୍ୟାକାରୀ: ମଝିଆ ଭାଇର ଚୋଟରେ ଆଖି ବୁଜିଲା ସାନ ଭାଇ
ଭାଇ ସାଜିଲା ଭାଇର ହତ୍ୟାକାରୀ । ମଝିଆ ଭାଇର ଚୋଟରେ ଆଖି ବୁଜିଲା ସାନ ଭାଇ । ପାରିବାରିକ କଳହର ଏପରି କରୁଣ ପରିଣତି ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ଅଢେଇବର ଗାଁରେ ଏହା ଦେଖିବାକୁ ମିଳିଛି । ମୃତକ ହେଲେ କାଳୁ ନାୟକ ।
ସୂଚନା ଅନୁସାରେ, ଗତକାଲି ରାତିରେ କାଳୁ ନାହାକ ଘରେ ଥିବା ସମୟରେ ତାଙ୍କ ମଝିଆ ଭାଇ ପୁନିଆ ଆସିଥିଲେ । ସେଠାରେ ତାଙ୍କ ପୁଅ ଓ କିଛି ସମର୍ଥକଙ୍କ ସହ ସେଠାରେ ପହଞ୍ଚିଥିଲେ । ପ୍ରଥମେ ସେମାନେ କାଳୁଙ୍କ ଘର ଉପରକୁ ଟେକା ମାଡ଼ କରିଥିଲେ ।
ଆଉ ଏଥିରେ ଭୟଭୀତ ହୋଇ କାଳୁ ରାସ୍ତା ଉପରକୁ ଆସିବାରୁ ସେମାନେ ଗୋଡ଼ାଇ ଗୋଡ଼ାଇ ତାଙ୍କୁ କାତିରେ ହାଣିଥିଲେ । ତେବେ କାଳୁଙ୍କୁ ରକ୍ଷା କରିବାକୁ ତାଙ୍କ ପତ୍ନୀ ରାସ୍ତା ଉପରକୁ ଯାଇଥିବା ବେଳେ ସେ ବି ସ୍ୱାମୀଙ୍କୁ ରକ୍ଷା କରି ପାରି ନ ଥିଲେ । ତେବେ ଅତ୍ୟଧିକ ରକ୍ତ ବାହାରିବା ପରେ ଗୁରୁତର ହୋଇ କାଳୁ ରାସ୍ତା ଉପରେ ପଡ଼ିଥିଲେ । ଆଉ ଛଟପଟ ହୋଇ ଜୀବନ ଚାଲିଗଲା ।
ଗତକାଲି ରାତିରେ ଏହି ଘଟଣା ହୋଇଥିବା ବେଳେ କବିସୂର୍ଯ୍ୟନଗର ପୁଲିସ ଆଜି ସକାଳେ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି । ଏଥିସହ ଏହି ଘଟଣାର ମୁଖ୍ୟ ଅଭିଯୁକ୍ତ ପୁନିଆ ନାହାକକୁ ପୁଲିସ୍ ଅଟକ ରଖିଥିବା ସୂଚନା ମିଳିଛି । ଏହା ପୂର୍ବରୁ ପୁନିଆ କାଳୁଙ୍କୁ ୨ଥର ହାଣିଥିବା ବେଳେ ଏଥର ତାଙ୍କ ହତ୍ୟା କରିବାକୁ ପଛାଇ ନାହାନ୍ତି ।
ସୂଚନା ଅନୁଯାୟୀ, ଜମିବାଡ଼ି ବିବାଦ ନେଇ ଦୁଇ ଭାଇଙ୍କ ମଧ୍ୟରେ ଦଶ ବର୍ଷ ହେଲା ଗଣ୍ଡଗୋଳ ହୋଇ ଆସୁଛି । ଏନେଇ ଥାନାରେ ମାମଲା ରୁଜୁ ହୋଇଥିବା ବେଳେ କୋର୍ଟରେ ବି ଶୁଣାଣି ଚାଲିଛି, ହେଲେ କିଛି ନିଷ୍କର୍ଷ ବାହାରିନି । ତେବେ ଏହି ଘଟଣା ଆଖପାଖରେ ଭୟର ବିତରଣ ଖେଳି ଯାଇଛି ।
Click it and Unblock the Notifications
Sign in with Google