ମହଙ୍ଗା ପଡିବ ବିନା ହେଲମେଟରେ ଆନ୍ଦୋଳନରେ ସାମିଲ ହୋଇଥିଲେ : ଘରକୁ ଯିବ ଇ-ଚାଲାଣ
ବିନା ହେଲମେଟରେ ବାଇକ ଚଲାଇ ଆନ୍ଦୋଳନରେ ସାମିଲ ହୋଇଥିବା ଲୋକଙ୍କୁ ଘରକୁ ଏବେ ଯିବ ଇ-ଚାଲାଣ ।
ଭୁବନେଶ୍ୱର : ନୂଆ କୃଷି ଆଇନକୁ ବିରୋଧ କରି ଆଜି ସାରା ଦେଶରେ କୃଷକ ସଂଗଠନ ପକ୍ଷରୁ ଭାରତ ବନ୍ଦ ଡାକରା ଦିଆଯାଇଛି । ଏହି ଭାରତ ବନ୍ଦ ଡାକରାକୁ ବିଭିନ୍ନ ସଂଗଠନ ସହ ରାଜନୈତିକ ଦଳମାନେ ମଧ୍ୟ ସମର୍ଥନ କରିଛନ୍ତି । ଆନ୍ଦୋଳନ ପ୍ରଭାବ ଓଡ଼ିଶାରେ ମଧ୍ୟ ଦେଖିବାକୁ ମିଳିଛି । ଆଜି ସକାଳୁ ରାଜଧାନୀ ସମେତ ଅନେକ ସ୍ଥାନରେ ବିଭିନ୍ନ ସଙ୍ଗଠନ ଓ ରାଜନୈତିକ ଦଳ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । ସେହିପରି କିଛି ସଂଗଠନ ରେଳ ରୋକ କରିଥିବା ବେଳେ ରାଜନୈତିକ ଦଳ ମୋଟରସାଇକେଲ ରାଲି କରିଥିବା ଦେଖିବାକୁ ମିଳିଥିଲା । ଟୁଇନ୍ ସିଟିରେ ହୋଇଥିବା ଏହି ଆନ୍ଦୋଳନ ଏବେ ମହଙ୍ଗା ପଡିବାକୁ ଯାଉଛି ।
ବିନା ହେଲମେଟରେ ବାଇକ ଚଲାଇ ଆନ୍ଦୋଳନରେ ସାମିଲ ହୋଇଥିବା ଲୋକଙ୍କୁ ଘରକୁ ଏବେ ଯିବ ଇ-ଚାଲାଣ । କମିଶନରେଟ୍ ପୁଲିସ ଏନେଇ ସୂଚନା ଦେଇଛି । ବିନା ହେଲମେଟରେ ଯେଉଁମାନେ ଆନ୍ଦୋଳନ ସମୟରେ ସାମିଲ ହୋଇଥିଲେ ସେମାନଙ୍କର ଫୁଟେଜ୍ ସିସିଟିଭିରେ କଏଦ ହୋଇଛି । ସେହି ମାନଙ୍କ ପାଖକୁ କମିଶନରେଟ୍ ପୁଲିସ ଇ-ଚାଲାଣ ପଠେଇବ ବୋଲି କହିଛି । ଏଠାରେ ସୂଚନାଥାଉକି, ବିନା ହେଲମେଟରେ ପିକେଟିଂ କରୁଥିବା ଯୁବକମାନଙ୍କ ମଧ୍ୟରୁ ଶହେ ଜଣଙ୍କୁ ଅଟକ ରଖିଛି ପୁଲିସ ।
Click it and Unblock the Notifications
Sign in with Google