ଟଙ୍କା ବଢାଇଛି ସସପେନ୍ସ : ରାଜଧାନୀରୁ ବ୍ୟାଗ ଭର୍ତ୍ତି 30 ଲକ୍ଷ ଟଙ୍କା ଜବତ

ବ୍ୟାଗରେ ଭର୍ତ୍ତି ହୋଇଥିବା 30 ଲକ୍ଷ ଟଙ୍କା ସହ ଜଣେ ଯୁକକୁ ଅଟକ ରଖିଛି ପୁଲିସ ।

ଭୁବନେଶ୍ୱର : ଆଜି ସକାଳୁ ରାଜଧାନୀ ହଇଚଇ । ବ୍ୟାଗରେ ଭର୍ତ୍ତି ହୋଇଥିବା 30 ଲକ୍ଷ ଟଙ୍କା ସହ ଜଣେ ଯୁକକୁ ଅଟକ ରଖିଛି ପୁଲିସ । ଉକ୍ତ ବ୍ୟକ୍ତିଙ୍କୁ ତପୋବନ ପେଟ୍ରୋଲ ପମ୍ପ ସାମ୍ନାରୁ ଖଣ୍ଡଗିରି ଥାନା ପୁଲିସର ପିସିଆର୍ ଧରିଥିବା ସୂଚନା ମିଳିଛି । ଅଟକ ଯୁବକଙ୍କ ନାମ ମହାବୀର ଦାସ ହୋଇଥିବା ବେଳେ ପୁଲିସ ତାଙ୍କୁ ଥାନାରେ ଅଟକ ରଖି ପଚରାଉଚରା ଜାରି ରଖିଛି। ପାରଳାଖେମୁଣ୍ଡିରୁ ମହାବୀର ଏହି ଟଙ୍କା ଭର୍ତ୍ତି ବ୍ୟାଗ୍ ଆଣିଥିବା ପ୍ରାଥମିକ ତଦନ୍ତରୁ ପୁଲିସ ଜାଣିବାକୁ ପାଇଛି ।
ମିଳିଥିବା ସୂଚନା ଅନୁସାରେ, ଆଜି ସକାଳେ ପାରଳାଖେମୁଣ୍ଡିରୁ ଆସିଥିବା ଏକ ବସରୁ ଓହ୍ଲାଇଥିଲେ ଜଣେ ଯୁବକ । ତପୋବନ ପେଟ୍ରୋଲ ପମ୍ପ ପାଖରେ ଖଣ୍ଡଗିରି ଥାନାର ପିସିଆର୍ ଭ୍ୟାନ ରହିଥିଲା । ଯୁବକ ଜଣଙ୍କ ହାବଭାବ ସନ୍ଦେହଜନକ ରହିବାରୁ ପୁଲିସ ତାଙ୍କ ପାଖକୁ ଯାଇ ପଚରାଉଚରା କରିଥିଲା । ଏଥିସହ ତାଙ୍କ ବ୍ୟାଗ ଯାଞ୍ଚ କରିଥିଲା ।

ଯେଉଁଥିରେ ଲକ୍ଷାଧିକ ଟଙ୍କା ଥିବା ଦେଖିବାକୁ ପାଇଥିଲା । ଏହାପରେ ପୁଲିସ ତାକୁ ଥାନାକୁ ଆଣିଥିଲା । ଅଟକ ଥିବା ଯୁବକ ଜଣଙ୍କ ଠାରୁ ଖବର ପାଇ ଏହାର ମାଲିକ ପ୍ରଳୟ ପାଢୀ ଥାନାରେ ପହଞ୍ଚିଛନ୍ତି । ପାରଳାଖେମୁଣ୍ଡିର ପାନ ମସଲା ବେପାରୀଙ୍କ ଠାରୁ ଏହି ଟଙ୍କା ଆଦାୟ ହୋଇଥିବା ସେ କହିଛନ୍ତି । ଲକଡାଉନ୍ କାରଣରୁ ବକେୟା ଟଙ୍କା ଆଦାୟ ହୋଇ ପାରିନଥିଲା । ଏଣୁ ମହାବିର ଟଙ୍କା ଆଦାୟ ପାଇଁ ଯାଇଥିଲେ ବୋଲି ପ୍ରଳୟ କହିଛନ୍ତି । ଏପରିକି ଏନେଇ ସମସ୍ତ କାଗଜପତ୍ର ସେ ପୁଲିସକୁ ଦେଖେଇବେ ବୋଲି ମଧ୍ୟ କହିଛନ୍ତି । ତେବେ କେନ୍ଦ୍ର ସରକାରଙ୍କ ଗାଇଡଲାଇନ୍ ଅନୁସାରେ 2 ଲକ୍ଷ ଟଙ୍କାରୁ ନଗଦ କାରବାର କରାଯାଇ ପାରିବ ନାହିଁ । 30 ଲକ୍ଷ ଟଙ୍କାର ନଗଦ ଟଙ୍କା କାରବାର କାହିଁକି ହେଉଥିଲା ତାକୁ ନେଇ ସସପେନ୍ସ ଦେଖା ଦେଇଛି ।

English summary

Bhubaneswar 30 Lakhs Sized by Police