ଲିଭ୍-ଇନ୍ ପାର୍ଟନରକୁ ପ୍ରେସର୍‌ କୁକରରେ ପିଟି ପିଟି ହତ୍ୟା

Published: Monday, August 28, 2023, 17:22 [IST]

Bengaluru Crime News: ବେଙ୍ଗଲୁରୁର ଜଣେ ଯୁବକ ନିଜ ଲିଭ୍-ଇନ୍ ପାର୍ଟନର ଅର୍ଥାତ୍ ନିଜ ପ୍ରେମିକାକୁ ପ୍ରେସର୍ କୁକରରେ ପିଟି ପିଟି ହତ୍ୟା କରିଛି । ପାର୍ଟନର ଧୋକା ଦେଉଥିବା ସନ୍ଦେହ କରି ଯୁବକ ଜଣଙ୍କ ଏଭଳି ହତ୍ୟାକାଣ୍ଡ ଘଟାଇଛନ୍ତି । ପୋଲିସ ଏହି ଘଟଣାରେ ଅଭିଯୁକ୍ତ ଯୁବକଙ୍କୁ ଗିରଫ କରିଛି ।

ପୋଲିସ ସୂଚନା ଅନୁସାରେ, କେରଳର ବୈଷ୍ଣବ(29) ଏବଂ ଦେବା (24) ପ୍ରାୟ ଦୁଇ ବର୍ଷ ଧରି ବେଙ୍ଗାଲୁରୁରେ ଏକାଠି ରହୁଥିଲେ । ସେମାନେ କଲେଜରୁ ପରସ୍ପରକୁ ଜାଣିଥିଲେ ଏବଂ ବେଙ୍ଗାଲୁରୁର କୋରାମଙ୍ଗଲା ଠାରେ ଏକ ସେଲ୍ସ ଏବଂ ମାର୍କେଟିଂ ଫାର୍ମରେ କାମ କରୁଥିଲେ ।

ଶନିବାର କୌଣସି କାରଣରୁ ଉଭୟଙ୍କ ମଧ୍ୟରେ ଭୀଷଣ ଝଗଡ଼ା ଲାଗିଥିଲା । ଏହି ସମୟରେ ବୈଷ୍ଣବ ଏକ ପ୍ରେସର୍‌ କୁକର୍‌ରେ ଦେବୀଙ୍କ ମୁଣ୍ଡକୁ ପିଟି ଦେଇଥିଲେ । ଫଳରେ ଘଟଣା ସ୍ଥଳରେ ତାଙ୍କ ପ୍ରାଣବାୟୁ ଉଡ଼ି ଯାଇଥିଲା ।
ଘଟଣା ପରେ ବୈଷ୍ଣବ ଫେରାର୍ ହୋଇ ଯାଇଥିଲା। ପୋଲିସ ତାଙ୍କୁ ଖୋଜାଖୋଜି କରି ଗିରଫ କରିଛି ।

ପୋଲିସ ଆହୁରି ମଧ୍ୟ କହିଛି ଯେ, ଉଭୟଙ୍କ ସମ୍ପର୍କକୁ ନେଇ ସେମାନଙ୍କ ଅଭିଭାବକ ଜାଣିଥିଲେ । ଏପରିକି ସେମାନେ ଏକାଠି ରହୁଥିବା କଥା ମଧ୍ୟ ଜାଣିଥିଲେ ବାପା-ମାଆ । ଦେବା ଦୀର୍ଘ ସମୟ ଧରି କଲ୍ ରିସିଭ୍ ନ କରିବାରୁ ସେମାନେ ଘଟଣା ସ୍ଥଳରେ ପହଞ୍ଚି ପୁଲିସକୁ ସୂଚନା ଦେଇଥିଲେ । ପୋଡଶୀ ଘଟଣାର ପର୍ଦ୍ଦାଫାସ କରିଛନ୍ତି । ପୂର୍ବରୁ ମଧ୍ୟ ଉଭୟ ଏପରି ବାରମ୍ୱାର ଝଗଡା କରୁଥିବା ନେଇ ପୁଲିସକୁ ଜଣାଇଥିଲେ ପଡୋଶୀ । ବୈଷ୍ଣବଙ୍କ ବିରୋଧରେ ଏକ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଛି ପୋଲିସ ।

Published On August 28, 2023