ଅତିକ ଅହମଦ ହତ୍ୟା ମାମଲା:ଆଜି ହେବ ପୋଷ୍ଟମର୍ଟମ, ସମସ୍ତ ପ୍ରକ୍ରିୟାର କରାଯିବ ଭିଡିଓଗ୍ରାଫି

Updated: Sunday, April 16, 2023, 17:19 [IST]

Atiq Ahmed Murder Case:ରବିବାର ଦିନ ଅର୍ଥାତ ଆଜି ଗ୍ୟାଙ୍ଗଷ୍ଟାର୍ ଅତିକ ଅହମଦ ଏବଂ ତା ଭାଇ ଅଶରଫ ଅହମଦର ପୋଷ୍ଟମର୍ଟମ କରାଯିବ। ପ୍ରୟାଗରାଜରେ ଉଭୟଙ୍କ ପୋଷ୍ଟମର୍ଟମ ପାଇଁ ପୋଲିସ ପ୍ରସ୍ତୁତି ଆରମ୍ଭ କରିଛି। ଏହି ସମୟରେ, ପୁରା ପୋଷ୍ଟମର୍ଟମର ଭିଡିଓଗ୍ରାଫି କରାଯିବ । ହେଲେ ବର୍ତ୍ତମାନ ପର୍ଯ୍ୟନ୍ତ ପୋଷ୍ଟମର୍ଟମ କରାଯିବାର ସମୟ ବିଷୟୟରେ କୌଣସି ସୂଚନା ଦିଆଯାଇ ନାହିଁ ।

ଶନିବାର ରାତିରେ ଅତିକ ଅହମଦ ଏବଂ ତା ଭାଇ ଅଶରଫ ଅହମଦକୁ ଗୁଳି କରି ହତ୍ୟା କରାଯାଇଥିଲା । ପୋଲିସ ଉଭୟଙ୍କ ସ୍ୱାସ୍ଥ୍ୟ ପରୀକ୍ଷା ପାଇଁ ମେଡିକାଲ କଲେଜକୁ ନେଇ ଯାଉଥିଲା ବେଳେ ଉଭୟଙ୍କ ଉପରେ କିଛି ଯୁବକ ଗୁଳି କରି ହତ୍ୟା କରିଥିଲେ ।

ବର୍ତ୍ତମାନ ଏହି ଦୁଇଜଣଙ୍କ ପୋଷ୍ଟମର୍ଟମ ରବିବାର ଦିନ କରାଯିବ। ଉଭୟଙ୍କ ପୋଷ୍ଟମର୍ଟମ ସମୟରେ ଭିଡିଓଗ୍ରାଫି ମଧ୍ୟ କରାଯିବା ନେଇ ସୂଚନା ରହିଛି । ଉଭୟଙ୍କ ପୋଷ୍ଟମର୍ଟମ ପ୍ରୟାଗରାଜର ସ୍ୱରୁପରାନି ହସ୍ପିଟାଲରେ କରାଯିବ। ପୋଷ୍ଟ ମର୍ଟମ ତିନିଜଣ ଡାକ୍ତରଙ୍କର ଏକ ଟିମ୍ କରିବ ।

ତିନିଜଣ ଗିରଫ
ଅତିକ ଅହମଦ ଏବଂ ତା ଭାଇ ଅଶରଫଙ୍କୁ ହତ୍ୟା କରିଥିବା ତିନି ଅଭିଯୁକ୍ତଙ୍କୁ ଗିରଫ କରାଯାଇ ପଚରାଉଚରା ଜାରି ରହିଛି । ଗତକାଲି ରାତି ପ୍ରାୟ ୧୦ଟା ସମୟରେ ଉଭୟଙ୍କୁ ଡାକ୍ତରୀ ପରୀକ୍ଷା ପାଇଁ ଡାକ୍ତରଖାନା ନିଆଯାଉଥିବା ବେଳେ ହତ୍ୟା କରାଯାଇଥିଲା । ସାମ୍ବାଦିକମାନେ ଅତିକ୍ ଅହମଦକୁ ପ୍ରଶ୍ନ ପଚାରୁଥିବା ସମୟରେ ତିନିଜଣ ଯୁବକ ଅତିକ ଏବଂ ଅଶରଫ ଉପରେ ଗୁଳି ଚଳାଇବା ଆରମ୍ଭ କରିଥିଲେ ।