ଅର୍ଚ୍ଚନା ନାଗ ମାମଲା: ମିଳିଲା ଡାଏରୀ, ଗାଏବ୍ ହେଲା ଘରର ସିସିଟିଭି ଫୁଟେଜ୍

ଭୁବନେଶ୍ୱର: ଆଜି ଇଡି ହାତରେ ଲାଗିଛି ଲେଡି ବ୍ଲାକମେଲର ଅର୍ଚ୍ଚନା ନାଗଙ୍କ ଡାଏରୀ । ଅର୍ଚ୍ଚନାଙ୍କର ୨ଟି ଡାଏରୀ ଜବତ କରିଛି ଖଣ୍ତଗିରି ପୋଲିସ । ତେବେ ଏହି ଡାଏରୀ ହନିଟ୍ରାପ, ଟଙ୍କା ହେରଫେରର ଅନେକ ଗୁମର ଖୋଲିବ ବୋଲି ଆଶା କରାଯାଉଛି । ସେପଟେ ତଦନ୍ତରେ ସହଯୋଗ କରୁ ନାହାଁନ୍ତି ଅର୍ଚ୍ଚନା ଏବଂ ତାଙ୍କ ସ୍ୱାମୀ ଜଗବନ୍ଧୁ ।ଯେଉଁଥି ପାଇଁ ଏବେ ଡିଜିଟାଲ ଏଭିଡେନସକୁ ଆଧାର କରି ଉଭୟଙ୍କୁ ଜେରା କରିବା ପାଇଁ ଯୋଜନା ପ୍ରସ୍ତୁତ କରିଛି ଇଡି । ହେଲେ ଫୋରେନସିକ୍ ଟିମ୍ ବର୍ତ୍ତମାନ ପର୍ଯ୍ୟନ୍ତ ଇଡିକୁ ଡିଜିଟାଲ ଏଭିଡେନସକୁ ଦେଇ ନାହିଁ ।

ଅନ୍ୟପକ୍ଷେରେ, ଗାଏବ୍ ହୋଇଯାଇଛି ଅର୍ଚ୍ଚନାଙ୍କ ଘରର ସିସିଟିଭି ଫୁଟେଜ୍ । ସିସିଟିଭି ଫୁଟେଜର ଗଚ୍ଛିତ ହୋଇ ରହିଥିବା ହାର୍ଡଡିସ୍କକୁ ଏବେ ଖୋଜୁଛି ଇଡି । ଯେଉଁଥିରେ ଅର୍ଚ୍ଚନାଙ୍କ ଘରର ଏକ ମାସର ଫୁଟେଜ୍ ରହିଥିଲା । ମାସକ ମଧ୍ୟରେ କେଉଁ ମାନେ ଘରକୁ ଯିବା ଆସିବା କରିଥିଲେ ତାହାର ମଧ୍ୟ ରେକର୍ଡ ରହିଥିଲା । ହେଲେ ସେହି ଡିଭିଆର୍ ଏବେ ଗାୟବ ହୋଇଯାଇଛି । ଯାହା ଇଡିର ଚିନ୍ତା ବଢାଇଦେଇଛି ।

English summary

Archana Nag Case: ED seized Archana Nag's Diary , but CCTV footage missing