ଫିଟୁଛି 'ପାଠକ' ଗୁମର : ପୁଅ ବାହଘର ଖର୍ଚ୍ଚ ପାଇଁ ବଜେଟ୍ 10 କୋଟି

ରିମାଣ୍ଡ ଅବଧି ଶେଷ ହେବା ପରେ ସେମାନଙ୍କୁ ଜେଲ୍ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।

ଭୁବନେଶ୍ୱର : ବେଆଇନ୍ ଅର୍ଥ କାରବାରରେ ମାମଲାରେ ଗିରଫ ହୋଇଥିବା ପୂର୍ବତନ ଆଇଏଫଏସ୍ ଅଭୟକାନ୍ତ ପାଠକ ଓ ତାଙ୍କ ପୁଅ ଆକାଶ ପାଠକଙ୍କୁ ଭିଜିଲାନ୍ସ ତିନି ତିନିଆ ରିମାଣ୍ଡରେ ନେଇଥିଲା । ଆଜି ରିମାଣ୍ଡ ଅବଧି ଶେଷ ହେବା ପରେ ସେମାନଙ୍କୁ ଜେଲ୍ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ତେବେ ଏହି ତିନି ଦିନିଆ ରିମାଣ୍ଡ ଅବଧି ସମୟରେ ଦୁଇ ଜଣଙ୍କୁ ଜେରାରେ ଅନେକ ତଥ୍ୟ ସାମ୍ନାକୁ ଆସିଛି । ଏହା ମଧ୍ୟରୁ ସବୁଠୁ ଚର୍ଚ୍ଚିତ ତଥ୍ୟ ଯାହା ଆସିଛି ତାହା ହେଲା ଆକାଶ ପାଠକଙ୍କ ବାହାଘରକୁ ନେଇ । ଆକାଶ ପାଠକଙ୍କ ବାହାଘର ପାଇଁ 10 କୋଟି ଟଙ୍କାର ଏକ ବିଗ୍ ବଜେଟ୍ ପ୍ରସ୍ତୁତ ହୋଇଥିଲା । ଏଟାରେ କହି ରଖୁଛୁ କି ଆକାଶ ପାଠକ ଗିରଫ ହୋଇଥିବା ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କର ଝିଅଙ୍କୁ ବିବାହ କରିଥାନ୍ତେ ।

ସେହିପରି ପୁଅ ପାଠ ପଢାରେ 20 ଲକ୍ଷ, ଝିଅ ପାଠ ପଢା ବାବଦରେ 90 ଲକ୍ଷ ଟଙ୍କା ଖର୍ଚ୍ଚ ହୋଇଥିବା ଏହି ଜେରା ସମୟରେ ଜଣାପଡିଛି । 2014ରେ ଅଭୟକାନ୍ତଙ୍କ ଠାରୁ ଆକାଶଙ୍କ ଆକାଉଣ୍ଟକୁ 38 ଲକ୍ଷ ଟଙ୍କା ଆସିଥିଲା ।
ଅପରପକ୍ଷରେ ଅଭୟକାନ୍ତଙ୍କ ସମୟରେ 3 ବର୍ଷରେ ବନୀକରଣରେ ଖର୍ଚ୍ଚ ହୋଇଛି 600 କୋଟି ଟଙ୍କା । ସାରା ଭାରତରେ ଏହି ପାଠକ ପରିବାରର ଚେର ଲମ୍ବିଥିବା ଏହି ଜେରାରୁ ଜଣାପଡିଛି । ଯାହାର ପ୍ରମାଣ ହେଉଛି ବିହାରର ପାଟଣାରେ ରହୁଥିବା ପାଠକ ପରିବାରର ସମ୍ପର୍କୀୟଙ୍କ ଘରେ ଚଢାଉ । ଅନେକ ବେଆଇନ୍ ଆକାଉଣ୍ଟରେ ଏହି ପାଠକ ବାପ-ପୁଅ ଟଙ୍କା ନେଇଦେଣ କରୁଥିବା ସୁରାକ ପାଇଛି ଭିଜିଲାନ୍ସ । ଏସଇଟି ଏହି ସମସ୍ତ ଦିଗ ଉପରେ ତଦନ୍ତ ଜାରି ରଖିଥିବା ସୂତ୍ରରୁ ଜଣାପଡିଛି ।

English summary

Akash Pathak Marriage Budget Spose to be 10 Crore Odisha Vigilance Interrogation