34 ମାସ ପରେ କମିଲା ହୋଲସେଲ ମୁଦ୍ରାସ୍ଫୀତି, କମିଲା ଖାଦ୍ୟ ମୂଲ୍ୟ

ମୁଦ୍ରାସ୍ଫୀତିକୁ ନେଇ ଏକ ବଡ଼ ଆଶ୍ୱସ୍ତିକର ଖବର ଆସିଛି । 34 ମାସ ପରେ, ହୋଲସେଲ ମୁଦ୍ରାସ୍ଫୀତି ହାର ମାଇନସ୍ ତଥା ନେଗେଟିଭ୍ ହୋଇଯାଇଛି । ଅପ୍ରେଲରେ ହୋଲସେଲ ମୁଦ୍ରାସ୍ଫୀତି ହାର ମାଇନସ୍ (-) 0.92 ପ୍ରତିଶତରେ ରେକର୍ଡ କରାଯାଇଥିଲା । ଖାଦ୍ୟ ସାମଗ୍ରୀ, ତେଲ ଏବଂ ଉତ୍ପାଦନ ସାମଗ୍ରୀର ମୂଲ୍ୟ ହ୍ରାସ ଯୋଗୁଁ ଏହା ହୋଇଛି ।

ହୋଲସେଲ ମୂଲ୍ୟ ସୂଚକାଙ୍କ (ଡବ୍ଲୁପିଇ) ଉପରେ ଆଧାରିତ ମୁଦ୍ରାସ୍ଫୀତି ଗତ 11 ମାସ ଧରି ହ୍ରାସ ପାଉଛି ଏବଂ ଅପ୍ରେଲରେ ନେଗେଟିଭ୍ ଜୋନ ରେ ରହିଥିଲା । ଜୁନ୍, 2020 ରେ ହୋଲସେଲ ମୂଲ୍ୟ ସୂଚକାଙ୍କ (-) 1.81 ରେ ଥିଲା ।

ମାର୍ଚ୍ଚରେ ହୋଲସେଲ ମୂଲ୍ୟ ସୂଚକାଙ୍କ ମୁଦ୍ରାସ୍ଫୀତି 1.34 ପ୍ରତିଶତ ଏବଂ ଗତ ବର୍ଷ ଅପ୍ରେଲରେ 15.38 ପ୍ରତିଶତ ରହିଥିଲା । ମାର୍ଚ୍ଚ ତୁଳନାରେ ଖାଦ୍ୟ ସାମଗ୍ରୀର ମୂଲ୍ୟ ମଧ୍ୟ ଅପ୍ରେଲରେ ହ୍ରାସ ପାଇଛି । ମାର୍ଚ୍ଚରେ ଖାଦ୍ୟ ମୁଦ୍ରାସ୍ଫୀତି 5.48% ଥିବାବେଳେ ଅପ୍ରେଲରେ 3.54% କୁ ଖସି ଆସିଥିଲା ।

ସୋମବାର ବାଣିଜ୍ୟ ଓ ଉଦ୍ୟୋଗ ମନ୍ତ୍ରଣାଳୟ କହିଛି, 'ଅପ୍ରେଲ, 2023 ରେ ମୁଦ୍ରାସ୍ଫୀତି ହାରରେ ହ୍ରାସ ପାଇଁ ମୁଖ୍ୟ ଅବଦାନ ହେଉଛି ମୌଳିକ ଧାତୁ, ଖାଦ୍ୟ ପଦାର୍ଥ, ଖଣିଜ ତେଲ, ବସ୍ତ୍ର, ଅଣ-ଖାଦ୍ୟ ପଦାର୍ଥ, ରାସାୟନିକ ଏବଂ ରାସାୟନିକ ପଦାର୍ଥ, ରବର ଏବଂ ପ୍ଲାଷ୍ଟିକ୍ ଉତ୍ପାଦ ଏବଂ କାଗଜ ତଥା ଏଥିରୁ ନିର୍ମିତ ଦ୍ରବ୍ୟର ମୂଲ୍ୟରେ ହ୍ରାସ ଘଟିଛି ।

ତୈଳ ଏବଂ ଶକ୍ତି ବାସ୍କେଟ୍ ମୁଦ୍ରାସ୍ଫୀତି ଅପ୍ରେଲରେ 0.93% କୁ ମାର୍ଚ୍ଚରେ 8.96% କୁ ହ୍ରାସ ପାଇଛି । ମାର୍ଚ୍ଚରେ 0.77% ତୁଳନାରେ ଉତ୍ପାଦନ ମୁଦ୍ରାସ୍ଫୀତି ହାର (-) 2.42% ରେ ରହିଥିଲା ।

English summary

WPI Below In Last 34 months because of falling food prices