ପଳାତକ ବିଜୟ ମାଲ୍ୟାଙ୍କୁ ସୁପ୍ରିମକୋର୍ଟ ରୁ ବଡ଼ ଝଟକା, ଖାରଜ କଲେ ଏହି ଆବେଦନ
ବିଜୟ ମାଲ୍ୟାଙ୍କ ପକ୍ଷରୁ ଏହି ପ୍ରକ୍ରିୟାକୁ ଚ୍ୟାଲେଞ୍ଜ କରୁଥିବା ଏକ ଆବେଦନକୁ ମୁମ୍ବାଇ କୋର୍ଟ ଖାରଜ କରିଦେଇଛନ୍ତି । ଯେଉଁଥିରେ ବିଜୟ ମାଲ୍ୟାଙ୍କୁ ପଳାତକ ଅପରାଧୀ ଘୋଷିତ କରାଯିବା ସହ ତାଙ୍କ ସମ୍ପତ୍ତି ଜବତ କରିବା ନେଇ କୁହାଯାଇଛି ।
ନୂଆଦିଲ୍ଲୀ : ଭାରତରୁ ଯାଇ ବର୍ଷ ବର୍ଷ ଧରି ବିଦେଶରେ ଆଶ୍ରୟ ନେଇଥିବା ପଳାତକ ବ୍ୟବସାୟୀ ବିଜୟ ମାଲ୍ୟାଙ୍କୁ ଶୁକ୍ରବାର ଦିନ ସୁପ୍ରିମକୋର୍ଟଙ୍କ ରୁ ଏକ ବଡ଼ ଝଟକା ମିଳିଛି । ବିଜୟ ମାଲ୍ୟାଙ୍କ ପକ୍ଷରୁ ଏହି ପ୍ରକ୍ରିୟାକୁ ଚ୍ୟାଲେଞ୍ଜ କରୁଥିବା ଏକ ଆବେଦନକୁ ମୁମ୍ବାଇ କୋର୍ଟ ଖାରଜ କରିଦେଇଛନ୍ତି । ଯେଉଁଥିରେ ବିଜୟ ମାଲ୍ୟାଙ୍କୁ ପଳାତକ ଅପରାଧୀ ଘୋଷିତ କରାଯିବା ସହ ତାଙ୍କ ସମ୍ପତ୍ତି ଜବତ କରିବା ନେଇ କୁହାଯାଇଛି ।
ପଳାତକ ବିଜୟ ମାଲ୍ୟାଙ୍କ ପକ୍ଷରୁ ହାଜର ହୋଇଥିବା ଓକିଲ ସୁପ୍ରିମକୋର୍ଟରେ ଯୁକ୍ତି ବାଢିଥିଲେ ଯେ ସେ ତାଙ୍କ ମହୋକିଲଙ୍କ ସହ ଯୋଗାଯୋଗ କରିବା କିମ୍ବା ଏହା ଉପରେ କୌଣସି ନିର୍ଦ୍ଦେଶ ପାଇବାରେ ସମର୍ଥନ ନୁହଁନ୍ତି । ଏହା ପରେ ପଳାତକ ବ୍ୟବସାୟୀଙ୍କ ଦ୍ୱାରା ଦାଖଲ ହୋଇଥିବା ଆବେଦନକୁ ସୁପ୍ରିମକୋର୍ଟ ଖାରଜ କରିଦେଇଥିଲେ ।
ଜଷ୍ଟିସ୍ ଅଭୟ ଏସ୍ ଓକା ଏବଂ ରାଜେଶ ବିନ୍ଦଲଙ୍କ ଏକ ବେଞ୍ଚ ଏହି ମାମଲାର ଶୁଣାଣି ବେଳେ କହିଛନ୍ତି ଯେ ଆବେଦନକାରୀଙ୍କ ଓକିଲ କହିଛନ୍ତି ଯେ ଆବେଦନକାରୀ ଓକିଲଙ୍କୁ କୌଣସି ନିର୍ଦ୍ଦେଶ ଦେଉ ନାହାଁନ୍ତି । ଏହି ବିବୃତ୍ତିକୁ ଦୃଷ୍ଟିରେ ରଖି ଆବେଦନକୁ ଖାରଜ କରାଯାଉଛି ।
ଉଲ୍ଲେଖଯୋଗ୍ୟ, ବିଜୟ ମାଲ୍ୟା 9,000 କୋଟି ଟଙ୍କା ଡିଫଲ୍ଟ ହେବା ପରେ ମାର୍ଚ୍ଚ 2016 ରେ ବ୍ରିଟେନକୁ ପଳାଇଥିଲେ । 9,000 କୋଟି ଟଙ୍କା ଡିଫଲ୍ଟ ମାମଲାରେ ମାଲ୍ୟା ଭାରତର ଅପରାଧୀ । ଏହା ହେଉଛି ସେହିଲ ରାଶି ଯାହାକି ବିଜୟ ମାଲ୍ୟାଙ୍କ କିଙ୍ଗଫିସର ଏୟାରଲାଇନ୍ସ (କେଏଫଏ) କୁ ଅନେକ ବ୍ୟାଙ୍କ ଋଣ ଦେଇଥିଲେ ।
Click it and Unblock the Notifications
Sign in with Google