ଚାକିରି ଛାଡ଼ିବା ପରେ ନିଜେ କରନ୍ତୁ ପିଏଫ୍ ଆକାଉଣ୍ଚ ଅପଡେଟ୍

ଆପଣ କମ୍ପାନୀ ଛାଡ଼ିବା ପରେ ପୋର୍ଟାଲରେ ନିଜର ଚାକିରି ଛାଡିବା ବିଷୟରେ ସୂଚନା ମଧ୍ୟ ପ୍ରବେଶ କରିପାରିବେ । ସୂଚନାଯୋଗ୍ୟ, ଏ ପର୍ଯ୍ୟନ୍ତ କେବଳ ନିଯୁକ୍ତିଦାତା ସିଷ୍ଟମରେ କର୍ମଚାରୀଙ୍କ କମ୍ପାନୀରେ ଯୋଗଦେବା ଏବଂ ଛାଡିବା ତାରିଖକୁ ଅପଡେଟ୍ କରିବାର ଅଧିକାର ଥିଲା ।

Published: Wednesday, February 10, 2021, 13:00 [IST]

ଆପଣ ଚାକିରି ବଦଳାଇବା କିମ୍ବା ଛାଡିବା ପରେ ଆପଣଙ୍କ PF ଆକାଉଣ୍ଟ ପରିବର୍ତ୍ତନ କରିବାକୁ ପଡିଥାଏ । ଏଥିରେ ଯଦି ଖିଲାପ ହୁଏ ତେବେ, ଫଣ୍ଡ ଅଟକି ଯିବାର ଆଶଙ୍କା ରହିଛି । କର୍ମଚାରୀ ପ୍ରୋଭିଡେଣ୍ଟ ଫଣ୍ଡ ସଂଗଠନ (ଇପିଏଫଓ) ପୋର୍ଟାଲରେ ଏକ ନୂତନ ସୁବିଧା ଆଣିଛି । ଏହା ଅଧୀନରେ, ଆପଣ କମ୍ପାନୀ ଛାଡ଼ିବା ପରେ ପୋର୍ଟାଲରେ ନିଜର ଚାକିରି ଛାଡିବା ବିଷୟରେ ସୂଚନା ମଧ୍ୟ ପ୍ରବେଶ କରିପାରିବେ । ସୂଚନାଯୋଗ୍ୟ, ଏ ପର୍ଯ୍ୟନ୍ତ କେବଳ ନିଯୁକ୍ତିଦାତା ସିଷ୍ଟମରେ କର୍ମଚାରୀଙ୍କ କମ୍ପାନୀରେ ଯୋଗଦେବା ଏବଂ ଛାଡିବା ତାରିଖକୁ ଅପଡେଟ୍ କରିବାର ଅଧିକାର ଥିଲା ।

ଯଦି କୌଣସି କାରଣରୁ, କର୍ମଚାରୀଙ୍କ ଚାକିରି ଛାଡ଼ିବା ତାରିଖ ନିଯୁକ୍ତିଦାତା ଦ୍ୱାରା ଅପଡେଟ୍ ହୋଇପାରିବ ନାହିଁ, ତେବେ ଇପିଏଫରୁ ପାଣ୍ଠି ପ୍ରତ୍ୟାହାର କିମ୍ବା ସ୍ଥାନାନ୍ତର ଅଟକି ଯାଇପାରେ । ବର୍ତ୍ତମାନ PF ଆକାଉଣ୍ଟ୍ ଧାରକମାନେ ନିଜେ EPFO ସିଷ୍ଟମରେ ଚାକିରି ଛାଡ଼ିବା ତାରିଖ ଅପଡେଟ୍ କରିପାରିବେ । ଏହି କାମ ଅନଲାଇନରେ ଅତି ସହଜରେ ହୋଇପାରିବ । ଆପଣ ନିମ୍ନରେ ଦିଆଯାଇଥିବା ଏହି ପଦ୍ଧତିକୁ ଗ୍ରହଣ କରି ସିଷ୍ଟମରେ ଚାକିରି ଛାଡ଼ିବା ତାରିଖକୁ ମଧ୍ୟ ଅପଡେଟ୍ କରିପାରିବେ ।

ସର୍ବପ୍ରଥମେ, ମୋବାଇଲ୍ କିମ୍ବା କମ୍ପ୍ୟୁଟରରେ https://unifiedportal-mem.epfindia.gov.in/memberinterface/ ଖୋଲନ୍ତୁ । ତା'ପରେ UAN, ପାସୱାର୍ଡ ଏବଂ କ୍ୟାପଚା ପ୍ରବେଶ କରି ଲଗ୍ ଇନ୍ କରନ୍ତୁ । ମନେରଖନ୍ତୁ ଯେ ଆପଣଙ୍କର UAN ସକ୍ରିୟ ହେବା ଜରୁରୀ ।
ବର୍ତ୍ତମାନ ଖୋଲାଯାଇଥିବା ପୃଷ୍ଠାରେ, ଉପର ଭାଗରେ ଥିବା 'ମ୍ୟାନେଜ୍' ଟ୍ୟାବ୍ ଉପରେ କ୍ଲିକ୍ କରନ୍ତୁ । ଏହା ପରେ, ମାର୍କ ଏକ୍ଜିଟ୍ନ ବିକଳ୍ପ ଚୟନ କରନ୍ତୁ । ଏଥିରେ, 'ସିଲେକ୍ଟ ଏମ୍ପ୍ଲୟମେଣ୍ଟ୍' ଡ୍ରପଡାଉନ୍ ଆପଣଙ୍କ ସାମ୍ନାରେ ଖୋଲିବ ।
ଡ୍ରପଡାଉନରେ ପୁରୁଣା PF ଆକାଉଣ୍ଟ ନମ୍ବର ଚୟନ କରନ୍ତୁ । ଏହା UAN ସହିତ ଲିଙ୍କ ହେବା ଜରୁରୀ । ସ୍କ୍ରିନରେ ସେହି PF ଆକାଉଣ୍ଟ୍ ଏବଂ ଚାକିରି ସମ୍ବନ୍ଧୀୟ ବିବରଣୀ ଆପଣ ଦେଖିପାରିବେ । ବର୍ତ୍ତମାନ ଆପଣଙ୍କୁ ଚାକିରି ଛାଡିବାର ତାରିଖ ଏବଂ କାରଣ ପ୍ରବେଶ କରିବାକୁ ପଡିବ । ଚାକିରି ଛାଡିବାର କାରଣଗୁଡ଼ିକରେ ଅବସର, ସ୍ୱଳ୍ପ ସେବା ଭଳି ବିକଳ୍ପ ରହିଥିବ ।
ଆପଣଙ୍କର ବିକଳ୍ପ ଚୟନ କରିବା ପରେ OTP ଅନୁରୋଧ ଉପରେ କ୍ଲିକ୍ କରନ୍ତୁ । ଆପଣଙ୍କ ଆଧାର କାର୍ଡ ଲିଙ୍କ୍ ହୋଇଥିବା ମୋବାଇଲ୍ ନମ୍ବରକୁ OTP ପଠାଯିବ । ନିର୍ଦ୍ଦିଷ୍ଟ ସ୍ଥାନରେ OTP ଦେଇ ଅନୁରୋଧ ଦାଖଲ କରନ୍ତୁ । ଏହି ସମସ୍ତ ପ୍ରକ୍ରିୟା ସମାପ୍ତ ହେବା ପରେ, ଚାକିରି ଛାଡିବାର ତାରିଖ, ବାର୍ତ୍ତା PF ଆକାଉଣ୍ଟରେ ରେକର୍ଡ ହୋଇ ରହିବ ।

ତୁରନ୍ତ ଚାକିରି ଛାଡିଥିଲେ, ପ୍ରସ୍ଥାନ ତାରିଖ 2 ମାସ ପରେ ହେବ

EPFO ସିଷ୍ଟମରେ ଥରେ ଚାରିକି ଛାଡ଼ିବାର ତାରିଖ ଅପଡେଟ୍ ହୋଇଗଲେ, ଏହାକୁ ପରିବର୍ତ୍ତନ କରାଯାଇପାରିବ ନାହିଁ । ମନେରଖନ୍ତୁ ଯଦି ଆପଣ ବର୍ତ୍ତମାନ ଚାକିରି ଛାଡିଛନ୍ତି, ତେବେ ଆପଣଙ୍କୁ ଛାଡିବାର ତାରିଖ ଅପଡେଟ୍ କରିବାକୁ 2 ମାସ ଅପେକ୍ଷା କରିବାକୁ ପଡିବ । ଏହାର କାରଣ ହେଉଛି, ନିଯୁକ୍ତିଦାତାଙ୍କ ଶେଷ ଅବଦାନର ମାତ୍ର 2 ମାସ ପରେ କର୍ମଚାରୀଙ୍କ PF ତାରିଖ ଅପଡେଟ୍ ହୋଇଥାଏ ।

Published On February 10, 2021