ଦେଶରେ ଖୋଲିବ ନୂଆ ନ୍ୟାସନାଲ ବ୍ୟାଙ୍କ, ଡିଏଫ୍ଆଇକୁ ମୋଦୀ କ୍ୟାବିନେଟର ଅନୁମୋଦନ

ସାଧାରଣ ବଜେଟ୍ ସମୟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଦେଶର ନୂତନ ନ୍ୟାସନାଲ ବ୍ୟାଙ୍କ ବିଷୟରେ ଘୋଷଣା କରିଛନ୍ତି । ଏନେଇ ଆଜି ମୋଦୀ କ୍ୟାବିନେଟ ଏହାକୁ ଅନୁମୋଦନ କରିଛନ୍ତି ।

Published: Tuesday, March 16, 2021, 17:10 [IST]

ନୂଆଦିଲ୍ଲୀ : ସାଧାରଣ ବଜେଟ୍ ସମୟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଦେଶର ନୂତନ ନ୍ୟାସନାଲ ବ୍ୟାଙ୍କ ବିଷୟରେ ଘୋଷଣା କରିଛନ୍ତି । ଏନେଇ ଆଜି ମୋଦୀ କ୍ୟାବିନେଟ ଏହାକୁ ଅନୁମୋଦନ କରିଛନ୍ତି । ବଜେଟ୍ ସମୟରେ ଘୋଷଣା ପରେ ବର୍ତ୍ତମାନ ମୋଦୀ କ୍ୟାବିନେଟ୍ ଏହାକୁ ମୋହର ମାରିବା ସହ ସବୁଜ ସଙ୍କେତ ଦେଇଛି । ଏଥିପାଇଁ ସରକାର ନୂତନ ବ୍ୟାଙ୍କ ବିକାଶ ଅର୍ଥ ପ୍ରତିଷ୍ଠାନକୁ ପ୍ରାରମ୍ଭିକ ପାଣ୍ଠି ଯୋଗାଇ ଦେବେ ।

ଅର୍ଥମନ୍ତ୍ରୀ ନିର୍ମଳା ସୀତାରମଣ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି, ମୋଦୀ କ୍ୟାବିନେଟ ଏକ ନୂତନ ବ୍ୟାଙ୍କ ବିକାଶ ଅର୍ଥ ପ୍ରତିଷ୍ଠାନ (ଡିଏଫଆଇ) ଗଠନକୁ ଅନୁମୋଦନ କରିଛି । ଏହା ନ୍ୟାସନାଲ ବ୍ୟାଙ୍କ ଇନଭେଷ୍ଟମେଣ୍ଟ ବ୍ୟାଙ୍କ ଭାବେ କାର୍ଯ୍ୟ କରିବ । ଏହି ବ୍ୟାଙ୍କ ଗଠନ ପରେ ଭିତ୍ତିଭୂମି ପ୍ରକଳ୍ପ ପାଇଁ ଅର୍ଥ ପ୍ରଦାନ କରାଯିବ । ଅର୍ଥମନ୍ତ୍ରୀ କହିଛନ୍ତି ଯେ ବଜେଟରେ ଆମକୁ ସୂଚନା ଦିଆଯାଇଛି ଯେ ପାଣ୍ଠି ଭିତ୍ତିଭୂମି ତଥା ବିକାଶ କାର୍ଯ୍ୟକଳାପ ପାଇଁ ଏକ ଜାତୀୟ ବ୍ୟାଙ୍କ ଗଠନ କରାଯିବ, ଯାହା ଆଜି ମୋଦୀ କ୍ୟାବିନେଟରୁ ଅନୁମୋଦନ ମିଳିଛି ।

ଏହି DFI ର ସାହାଯ୍ୟରେ, ଦୀର୍ଘମିଆଦୀ ପାଣ୍ଠିର ସାହାଯ୍ୟ କରିବ । ଅର୍ଥମନ୍ତ୍ରୀ କହିଛନ୍ତି ଯେ, ଡିଏଫଆଇ ସହାୟତାରେ ଦେଶରେ ଚାଲିଥିବା ବୃହତ ଭିତ୍ତିଭୂମି ପ୍ରକଳ୍ପ ପାଇଁ ପାଣ୍ଠି ଯୋଗାଇବ । ସରକାର ଏହାକୁ ଶୂନରୁ ଆରମ୍ଭ କରିଛନ୍ତି । ଏଥିପାଇଁ ଏକ ବୋର୍ଡ ଗଠନ କରାଯିବ, ଯାହା ଏହା ସହ ଜଡିତ ନିଷ୍ପତ୍ତି ନେବ । ସରକାରଙ୍କୁ ଏଫଡିଆଇକୁ 2000 କୋଟି ଟଙ୍କାର ପ୍ରାରମ୍ଭିକ ପାଣ୍ଠି ଦିଆଯିବ । ଯାହାଫଳରେ କାରବାର ଆରମ୍ଭ ହୋଇପାରିବ । ଏଥିରେ ବଣ୍ଡ ଜାରି କରି ବିନିଯୋଗ କରାଯିବ । ଆସନ୍ତା କିଛି ବର୍ଷ ମଧ୍ୟରେ DFI ରେ 3 ଲକ୍ଷ କୋଟି ଟଙ୍କା ସଂଗ୍ରହ କରିବାକୁ ସରକାର ଲକ୍ଷ୍ୟ ରଖାଯାଇଛି ।

Published On March 16, 2021