ମାର୍କେଟ୍ ଆରମ୍ଭରୁ 1200 ପଏଣ୍ଟ ଖସିଲା ସେନସେକ୍ସ, ଜାଣନ୍ତୁ କେଉଁ ଷ୍ଟକ୍ ଉପରେ ରହିବ ଆଜିର ନଜର
ସୋମବାର, ସପ୍ତାହର ପ୍ରଥମ ଦିନରେ 1211.97 ପଏଣ୍ଟ ହ୍ରାସ ହୋଇ ସେନସେକ୍ସ ଖୋଲିଛି । ଏଥି ସହିତ, ନିଫ୍ଟି ମଧ୍ୟ 356.55 ପଏଣ୍ଟ ହ୍ରାସ ହୋଇଛି । ହ୍ରାସ ପରେ ସେନସେକ୍ସ 47,620 ପଏଣ୍ଟ ସହିତ ଟ୍ରେଣ୍ଡ କରୁଥିବାବେଳେ ନିଫ୍ଟି 14,261.30 ପଏଣ୍ଟ ସହିତ କାରବାର କରୁଛି ।
ନୂଆଦିଲ୍ଲୀ : କରୋନା ମହାମାରୀର ପ୍ରଭାବ ଅର୍ଥନୀତି ଉପରେ ବେଶ୍ ପ୍ରଭାବ ପକାଇଛି । ସୋମବାର, ସପ୍ତାହର ପ୍ରଥମ ଦିନରେ 1211.97 ପଏଣ୍ଟ ହ୍ରାସ ହୋଇ ସେନସେକ୍ସ ଖୋଲିଛି । ଏଥି ସହିତ, ନିଫ୍ଟି ମଧ୍ୟ 356.55 ପଏଣ୍ଟ ହ୍ରାସ ହୋଇଛି । ହ୍ରାସ ପରେ ସେନସେକ୍ସ 47,620 ପଏଣ୍ଟ ସହିତ ଟ୍ରେଣ୍ଡ କରୁଥିବାବେଳେ ନିଫ୍ଟି 14,261.30 ପଏଣ୍ଟ ସହିତ କାରବାର କରୁଛି ।
ଆଜି ଏହି ଷ୍ଟକ୍ ଉପରେ ରହିବ ସମସ୍ତଙ୍କ ନଜର
ଆଜି ଦିନର କାରବାର ବିଷୟରେ ଯଦି ଚର୍ଚ୍ଚା କରାଯାଏ ତେବେ, HDFC ବ୍ୟାଙ୍କ, ମାକ୍ରୋଟେକ୍ ଡେଭଲପର୍ସ, ମାଇଣ୍ଡଟ୍ରି, ଆଇସିଆଇସିଆଇ ଲୋମ୍ବାର୍ଡ ଏବଂ PVR ପରି ଷ୍ଟକ୍ ଉପରେ ନିବେଶକମାନଙ୍କ ନଜର ରହିବ ।
HDFC ବ୍ୟାଙ୍କ- HDFC ବ୍ୟାଙ୍କ ଶନିବାର ଏହାର ତ୍ରୟମାସିକ ଫଳାଫଳ ଘୋଷଣା କରିଛି । ସେହି ଅନୁଯାୟୀ ବ୍ୟାଙ୍କର ବ୍ୟବସାୟ ଏବଂ ଲାଭ ବୃଦ୍ଧି ପାଇଛି । ବାର୍ଷିକ ଲାଭ ଆକାରରେ 18.2 ପ୍ରତିଶତ ବୃଦ୍ଧି ହୋଇ ମାର୍ଚ୍ଚ 2021 ତ୍ରୟମାସରେ 8186 କୋଟି ଟଙ୍କା ହୋଇଛି ।
ମାକ୍ରୋଟେକ୍ ଡେଭଲପର୍ସ- ମାକ୍ରୋଟେକ୍ ଆଜି ବଜାରରେ ଆରମ୍ଭ ହେଉଛି । ଏହା ଆଇପିଓ ମାଧ୍ୟମରେ 2500 କୋଟି ସଂଗ୍ରହ କରିଛି ଏବଂ ନିବେଶକ ମାନେ 1.3 ଗୁଣା ଅଧିକ ଥର ସବସ୍କ୍ରାଇବ କରିଛନ୍ତି ।
ମାଇଣ୍ଡଟ୍ରି - ମାର୍ଚ୍ଚ 2021 ତ୍ରୟମାସରେ ଆଇଟି କମ୍ପାନୀ ମାଇଣ୍ଡଟ୍ରି ଲାଭରେ ଏକ ଶକ୍ତିଶାଳୀ ଅଭିବୃଦ୍ଧି ଦେଖାଦେଇଛି ।
ଆଇସିଆଇସିଆଇ ଲୋମ୍ବାର୍ଡ - ମାର୍ଚ୍ଚ 2021 ତ୍ରୟମାସରେ କମ୍ପାନୀର ଲାଭ 24 ପ୍ରତିଶତ ବୃଦ୍ଧି ପାଇଛି ।
PVR- ରେଟିଂ ଏଜେନ୍ସି CRISIL PVR ର ଦୀର୍ଘକାଳୀନ ଏବଂ ଅଣ-ପରିବର୍ତ୍ତନଶୀଳ ଋଣ ଦେୟ ମୂଲ୍ୟାୟନକୁ AA ରୁ ମାଇନସ୍ AA କରିଦେଇଛି ।
Sensex plummet 1211.97 points, currently at 47,620.06. Nifty drops 356.55 points, currently at 14,261.30. pic.twitter.com/a2rB2upiRr
— ANI (@ANI) April 19, 2021
ଆପଣଙ୍କୁ କହିରଖୁଛୁ, ପୂର୍ବ ସପ୍ତାହର ଶେଷ କାରବାର ଦିନ ଅପ୍ରେଲ 16 ତାରିଖରେ 30-ସେୟାର BSE ସେନସେକ୍ସ 759.29 ପଏଣ୍ଟ ତଥା 1.53 ପ୍ରତିଶତ ହରାଇଥିଲା । ଆଜି 183 ଟି ଷ୍ଟକ୍ ହାସଲ ହୋଇ 615 ସେୟାର ହ୍ରାସ ପାଇଥିବାବେଳେ 53 ଟି ଷ୍ଟକ୍ ଅପରିବର୍ତ୍ତିତ ରହିଛି । ଶୁକ୍ରବାର ଦିନ 28.35 ପଏଣ୍ଟ ବୃଦ୍ଧି ହୋଇ ସେନସେକ୍ସ 48,832.03 ପଏଣ୍ଟରେ ବନ୍ଦ ହୋଇଥିଲା । ଏହାସହିତ ନିଫ୍ଟି 36.40 ପଏଣ୍ଟ ହାସଲ କରି 14,617.85 ପଏଣ୍ଟରେ ବନ୍ଦ ହୋଇଥିଲା ।
Click it and Unblock the Notifications
Sign in with Google