ଖସିଲା ସେୟାର ମାର୍କେଟ, ସେନସେକ୍ସ 1186.95 ପଏଣ୍ଟ ହ୍ରାସ ପାଇ ହେଲା 48,404.37

ସୋମବାର (ଏପ୍ରିଲ 12) ଇଣ୍ଡେକ୍ସରେ ଉଭୟ ସେନ୍ସେକ୍ସ ଏବଂ ନିଫ୍ଟି ଦୁର୍ବଳ ଦେଖାଦେଇଛି । ସେନ୍ସେକ୍ସ 1186.95 ପଏଣ୍ଟ ହ୍ରାସ ବୋଇ 48,404.37 ରେ ପହଞ୍ଚିଛି ।

ମୁମ୍ୱାଇ : କରୋନା ଭାଇରସ ସଂକ୍ରମଣ ବିସ୍ତାର ହେଉଥିବା ବେଳେ ଘରୋଇ ଷ୍ଟକ ବଜାରରେ କ୍ରମାଗତ ହ୍ରାସ ପାଉଛି । ସୋମବାର (ଏପ୍ରିଲ 12) ଇଣ୍ଡେକ୍ସରେ ଉଭୟ ସେନ୍ସେକ୍ସ ଏବଂ ନିଫ୍ଟି ଦୁର୍ବଳ ଦେଖାଦେଇଛି । ସେନ୍ସେକ୍ସ 1186.95 ପଏଣ୍ଟ ହ୍ରାସ ବୋଇ 48,404.37 ରେ ପହଞ୍ଚିଛି । ଏହା ସହ ନିଫ୍ଟି ମଧ୍ୟ 14600 କୁ ଖସି ଆସିଛି । ନିଫ୍ଟିରେ 446 ପଏଣ୍ଟ ହ୍ରାସ ହୋଇ 14400 ସ୍ତରରେ କାରବାର କରୁଛି । ଆରବିଏଲ, ଆଇଓବି ଏବଂ ପଞ୍ଜାବ ସିନ୍ଧ ବ୍ୟାଙ୍କର ସେୟାରରେ ପ୍ରାୟ 10 ପ୍ରତିଶତ ହ୍ରାସ ପାଇଥିବା ଦେଖାଦେଇଛି ।

ସୋମବାର ବ୍ୟାଙ୍କ ଏବଂ ଆର୍ଥିକ ଷ୍ଟକ୍ ବ୍ୟବସାୟରେ ସବୁଠାରୁ ବଡ ବିକ୍ରେତା ହୋଇପାରେ । ନିଫ୍ଟି ବ୍ୟାଙ୍କ ସୂଚକାଙ୍କ ଉପରେ ଆର୍ଥିକ ସୂଚକାଙ୍କ 3% ରୁ ଅଧିକ ଭାଙ୍ଗିଛି । ଏହାସହ PSU ବ୍ୟାଙ୍କ ସୂଚକାଙ୍କରେ 5% ରୁ ଅଧିକ ଦୁର୍ବଳତା ଦେଖାଦେଇଛି । ବଜାଜ ଫାଇନାନ୍ସ,, ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ଏବଂ ଇଣ୍ଡିଗୋ ଇଣ୍ଡସ୍ଇଣ୍ଡ ବ୍ୟାଙ୍କରେ 5ରୁ 7 ପ୍ରତିଶତ ଦୁର୍ବଳତା ଥିବା ଦେଖାଯାଇଛି । ତଥାପି, ଆଇଟି ଏବଂ ଫାର୍ମା ଷ୍ଟକରୁ ସପୋର୍ଟ ମିଳୁଥିବା ଦେଖାଦେଇଛି । ଇନଫୋସିସରେ 1.5 ପ୍ରତିଶତ ଅଭିବୃଦ୍ଧି ହୋଇଛି ।

ଏହାପୂର୍ବରୁ ଶୁକ୍ରବାର ଦିନ ସେନସେକ୍ସ 154 ପଏଣ୍ଟ ହ୍ରାସ ପାଇ 49,591 ରେ ବନ୍ଦ ହୋଇଯାଇଥିଲା । ନିଫ୍ଟି ମଧ୍ୟ 39 ହ୍ରାସ ପାଇଁ 14,834 କୁ ଖସି ଆସିଥିଲା । ଗତ କିଛି ଦିନ ହେଲା କରୋନା ବୃଦ୍ଧି ପାଉଥିବା ମାମଲା ମଧ୍ୟରେ ଷ୍ଟକ୍ ମାର୍କେଟରେ ଅବନତି ଦେଖାଦେଉଛି । ସାଧାରଣତଃ ବଜାରରେ ବ୍ୟାଙ୍କିଂ ଏବଂ ଧାତୁ କ୍ଷେତ୍ରର ଷ୍ଟକର ଦର ହ୍ରାସ ପାଉଥିବା ଦେଖିବାକୁ ମିଳୁଛି ।

English summary

Sensex Down By 1186.95 Points Currently At 48,404.37