ଡଲାର ତୁଳନାରେ 78 ଟଙ୍କାରେ ପହଞ୍ଚିଲା ଭାରତୀୟ ମୁଦ୍ରା, ଅଶୋଧିତ ତେଲର ମୂଲ୍ୟରେ ଡଲାର ବୃଦ୍ଧି

ଭାରତୀୟ ମୁଦ୍ରା ସର୍ବନିମ୍ନ ସ୍ତରରେ ପହଞ୍ଚିଛି । ଆମେରିକୀୟ ଡଲାର ତୁଳନାରେ ଭାରତୀୟ ମୁଦ୍ରା ଆଜି 78 ରେ ପହଞ୍ଚିଛି । ଏହା ପ୍ରଥମ ଥର ଡଲାର ତୁଳନାରେ ଟଙ୍କା 78 ଅତିକ୍ରମ କରିଛି ।

ନୂଆଦିଲ୍ଲୀ : ଭାରତୀୟ ମୁଦ୍ରା ସର୍ବନିମ୍ନ ସ୍ତରରେ ପହଞ୍ଚିଛି । ଆମେରିକୀୟ ଡଲାର ତୁଳନାରେ ଭାରତୀୟ ମୁଦ୍ରା ଆଜି 78 ରେ ପହଞ୍ଚିଛି । ଏହା ପ୍ରଥମ ଥର ଡଲାର ତୁଳନାରେ ଟଙ୍କା 78 ଅତିକ୍ରମ କରିଛି । ଆଜି ଭାରତୀୟ ମୁଦ୍ରା ଡଲାର ତୁଳନାରେ 78.14 ଟଙ୍କା ରେ ପହଞ୍ଚିଥିବାବେଳେ ଶୁକ୍ରବାର ଦିନ ଏହା 77.84 ଥିଲା । ଯେପରି ଅଶୋଧିତ ତୈଳର ମୂଲ୍ୟ ବୃଦ୍ଧି ହେଉଛି ଡଲାର ମଜବୁତ ହେଉଛି ଏବଂ ସ୍ଥାନୀୟ ବଜାରରୁ ବିଦେଶୀ ପାଣ୍ଠି କ୍ରମାଗତ ଭାବରେ ବାହାରକୁ ଯାଉଛି, ଯେଉଁ କାରଣରୁ ଘରୋଇ ମୁଦ୍ରା ଉପରେ ପ୍ରବଳ ଚାପ ରହିଛି । ଗତ ସପ୍ତାହରେ ଭାରତୀୟ ମୁଦ୍ରା 21 ପଇସା ହ୍ରାସ ପାଇଥିଲା ।

ଆନ୍ତଃ ବ୍ୟାଙ୍କ ବୈଦେଶିକ ମୁଦ୍ରା ବଜାରରେ ଟଙ୍କା 36 ପଇସା ହ୍ରାସ ପାଇ 78.29 ରେ ପହଞ୍ଚିଛି । ଆଜି ବଜାର ଆରମ୍ଭରୁ ହିଁ ଭାରତୀୟ ମୁଦ୍ରାରେ ବଡ଼ ଧରଣର ପତନ ହୋଇଛି । ଏଥିସହିତ ଆଜି ଷ୍ଟକ୍ ମାର୍କେଟରେ ବହୁତ ହ୍ରାସ ଘଟିଛି । ସେନସେକ୍ସରେ ଆଜି 1467.90 ପଏଣ୍ଟ ହ୍ରାସ ପାଇଛି । 2.70 ପ୍ରତିଶତ ହ୍ରାସ ସହିତ ସେନସେକ୍ସ 52835.54 ପଏଣ୍ଟରେ ପହଞ୍ଚିଥିବାବେଳେ ନିଫ୍ଟି 417 ପଏଣ୍ଟ ହ୍ରାସ କରି 15783 ପଏଣ୍ଟରେ ପହଞ୍ଚିଛି ।

English summary

Rupee hits record low touched 78 for the first time per US dollar.