ବଢିଲା ରେପୋ ରେଟ୍, 50 ବେସିକ୍ ପଏଣ୍ଟ ବଢି 5.9% କୁ ହେଲା ବୃଦ୍ଧି

ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ର ମୁଦ୍ରା ନୀତି କମିଟି (ଏମପିସି) ଶୁକ୍ରବାର ରେପୋ ହାରକୁ 50 ଆଧାର ପଏଣ୍ଟ (ବିପିଏସ୍) କୁ ବଦ୍ଧି କରିଛି । ଏହା ପରେ ରେପୋ ରେଟ୍ 5.90 ପ୍ରତିଶତକୁ ବୃଦ୍ଧି ହୋଇଛି ।

ନୂଆଦିଲ୍ଲୀ : ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ର ମୁଦ୍ରା ନୀତି କମିଟି (ଏମପିସି) ଶୁକ୍ରବାର ରେପୋ ହାରକୁ 50 ଆଧାର ପଏଣ୍ଟ (ବିପିଏସ୍) କୁ ବଦ୍ଧି କରିଛି । ଏହା ପରେ ରେପୋ ରେଟ୍ 5.90 ପ୍ରତିଶତକୁ ବୃଦ୍ଧି ହୋଇଛି । ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ଏନେଇ ସୂଚନା ଦେଇଛନ୍ତି । ଶ୍ରୀ ଦାସ କହିଛନ୍ତି ଯେ କରୋନାଭାଇରସ୍ ମହାମାରୀର ଦୁଇଟି ଝଟକା ଏବଂ ୟୁକ୍ରେନ ବିବାଦ ପରେ ଆମେ ବର୍ତ୍ତମାନ ଆଉ ଏକ ଅସୁବିଧାର ସମ୍ମୁଖୀନ ହୋଇଛୁ । ବିଶ୍ୱର କେନ୍ଦ୍ରୀୟ ବ୍ୟାଙ୍କଗୁଡିକ ଆଣିଥିବା ଆକ୍ରମଣାତ୍ମକ ମୁଦ୍ରା ନୀତି ଯୋଗୁଁ ଏପରି ପରିସ୍ଥିତି ସୃଷ୍ଟି ହୋଇଛି ।

ମୁଦ୍ରାସ୍ଫୀତି ନିୟନ୍ତ୍ରଣ ପାଇଁ ଆରବିଆଇ ଦ୍ୱାରା ରେପୋ ହାରରେ ବୃଦ୍ଧି କରାଯାଇଛି । କୋରୋନା ସମୟରେ ରେପୋ ହାର 5.40 ପ୍ରତିଶତ ଥିଲା, ବର୍ତ୍ତମାନ 5.90 ପ୍ରତିଶତକୁ ବୃଦ୍ଧି ପାଇଛି । ଏଭଳି ପରିସ୍ଥିତିରେ ଆରବିଆଇର ଏହି ପଦକ୍ଷେପ ମୁଦ୍ରାସ୍ଫୀତିରେ ହ୍ରାସ ଆଣିବ ବୋଲି କୁହାଯାଉଛି ।

ରେପୋ ରେଟ୍ କଣ ?

ରେପୋ ହେଉଛି ସେହି ହାର ଯେଉଁଥିରେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଆବଶ୍ୟକ ସମୟରେ ବାଣିଜ୍ୟିକ ବ୍ୟାଙ୍କଗୁଡ଼ିକୁ ଋଣ ଦେଇଥାଏ । ଏହି କେନ୍ଦ୍ରୀୟ ବ୍ୟାଙ୍କ ମାଧ୍ୟମରେ ମୁଦ୍ରାସ୍ଫୀତି ନିୟନ୍ତ୍ରଣ ହୁଏ । ଚଳିତ ଆର୍ଥିକ ବର୍ଷ ଆରମ୍ଭରୁ ଏହା ହେଉଛି ତୃତୀୟ ବୃଦ୍ଧି । ଆମେ ଆପଣଙ୍କୁ କହି ରଖୁଛୁ ଯେ, ପୂର୍ବରୁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ଗଭର୍ଣ୍ଣର ଶକ୍ତିକାନ୍ତ ଦାସଙ୍କ ନେତୃତ୍ୱରେ 6 ଜଣିଆ ମୁଦ୍ରା ନୀତି କମିଟି ବୁଧବାର ଦିନ ଦ୍ୱି-ମାସିକ ନୀତି ସମୀକ୍ଷା ଉପରେ ବିଚାରବିମର୍ଶ ଆରମ୍ଭ କରିଥିଲେ, ଯାହା ପରେ ଆଜି ଏହି ନିଷ୍ପତ୍ତି ନିଆଯାଇଛି ।

ରେପୋ ରେଟ୍ ବୃଦ୍ଧିକୁ ପାର୍ବଣ ଋତୁରେ ସାଧାରଣ ଲୋକଙ୍କ ପାଇଁ ବଡ଼ ଝଟକା ବୋଲି କୁହାଯାଉଛି । କାରଣ ରେପୋ ବୃଦ୍ଧି କରିବା ପରେ ଘର ଋଣ, ଅଟୋ ଋଣ ସମେତ ଅନ୍ୟାନ୍ୟ ଋଣ ମହଙ୍ଗା ହେବ । ଏପରି ପରିସ୍ଥିତିରେ, ବର୍ତ୍ତମାନର EMI ମଧ୍ୟ ବୃଦ୍ଧି ପାଇପାରେ ।

English summary

RBI hikes Repo rate 50 basis points, increased to 5.9 %