ଭାରତର ଆତ୍ମବିଶ୍ୱାସକୁ ବଢାଇବ ବଜେଟ୍ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ବଜେଟକୁ ପ୍ରଶଂସା କରିଛନ୍ତି । ଏକ ପ୍ରତିକୂଳ ପରିସ୍ଥିତି ସତ୍ତ୍ୱେ କେନ୍ଦ୍ର ବଜେଟ୍ 2021-22 ଉପସ୍ଥାପିତ ହୋଇଛି । ଏହି ବଜେଟ୍ ଦ୍ୱାରା ଗ୍ରାମାଞ୍ଚଳ, କୃଷକ, କୃଷି କ୍ଷେତ୍ରକୁ ମଜବୁତ ହେବ ।

Union Budget 2021 (ନୂଆଦିଲ୍ଲୀ) : କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସୋମବାର, ଫେବୃଆରୀ 1 ରେ ଦେଶର ପ୍ରଥମ କାଗଜବିହୀନ ବଜେଟ୍ ଉପସ୍ଥାପନ କରିଛନ୍ତି । ଏକ ଟାବଲେଟ୍ ସହିତ ସଂସଦରେ ପହଂଚିଥିବା ନିର୍ମଳା ସୀତାରମଣ ପ୍ରାୟ 1 ଘଣ୍ଟା 50 ମିନିଟର ଭାଷଣରେ ବଜେଟ୍ 2021-22 ଅଧୀନରେ ଅନେକ ଘୋଷଣା କରିଛନ୍ତି । କେନ୍ଦ୍ର ସରକାରଙ୍କ ଏହି ବଜେଟ୍ ଉପରେ ଦେଶର ବିଭିନ୍ନ ସ୍ଥାନରୁ ପ୍ରତିକ୍ରିୟା ଆସୁଛି । ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ବଜେଟକୁ ପ୍ରଶଂସା କରିଛନ୍ତି । ଏକ ପ୍ରତିକୂଳ ପରିସ୍ଥିତି ସତ୍ତ୍ୱେ କେନ୍ଦ୍ର ବଜେଟ୍ 2021-22 ଉପସ୍ଥାପିତ ହୋଇଛି । ଏହି ବଜେଟ୍ ଦ୍ୱାରା ଗ୍ରାମାଞ୍ଚଳ, କୃଷକ, କୃଷି କ୍ଷେତ୍ରକୁ ମଜବୁତ ହେବ ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 2021 ବଜେଟକୁ ପ୍ରଶଂସା କରି କହିଛନ୍ତି ଯେ, ଏହି ବଜେଟ୍ ଭାରତର ଭାରତର ଆତ୍ମବିଶ୍ୱାସକୁ ସୁଦୃଢ କରିବ । ଏହା ଦ୍ୱାରା ସମ୍ପତ୍ତି ଓ ସୁସ୍ଥତା ବୃଦ୍ଧିରେ ସହାୟକ ହେବ । ବଜେଟରେ ମହିଳା ଏବଂ କୃଷକଙ୍କ ଉପରେ ଧ୍ୟାନ ଦିଆଯାଇଛି । ଏହା ଏକ ଜୀବନ ରକ୍ଷାକାରୀ ବଜେଟ୍ । ସେ କହିଛନ୍ତି ଯେ ଏହି ବଜେଟରେ ଆତ୍ମନିର୍ଭରଶୀଳତାର ଦୂରଦୃଷ୍ଟି ରହିଛି । ଏହି ବଜେଟ୍ ବିକାଶ ଏବଂ ବିଶ୍ୱାସର ଅଟେ ।

ପ୍ରଧାନମନ୍ତ୍ରୀ ମୋଦୀ ଆହୁରି ମଧ୍ୟ କହିଛନ୍ତି, 'ଅସାଧାରଣ ପରିସ୍ଥିତି ମଧ୍ୟରେ 2021 ର ବଜେଟ୍ ଉପସ୍ଥାପିତ ହୋଇଛି, ସେଠାରେ ବାସ୍ତବତା ଏବଂ ବିକାଶର ଆତ୍ମବିଶ୍ୱାସ ମଧ୍ୟ ଅଛି । ଦୁନିଆରେ ସୃଷ୍ଟି ହୋଇଥିବା କରୋନା ପ୍ରଭାବ ସମଗ୍ର ମାନବ ଜାତିକୁ ଥରାଇ ଦେଇଥିଲା । ବର୍ତ୍ତମାନ ଭିତ୍ତିଭୂମି ନିର୍ମାଣ ପାଇଁ ନୂତନ କ୍ଷେତ୍ର ବିକାଶ, ଆଧୁନିକତା, ନୂତନ ଉନ୍ନତି ଆଣିବା ଆମର ଲକ୍ଷ୍ୟ ରହିଛି ।' ସେ କହିଛନ୍ତି, 'ଆଜିର ବଜେଟରେ ମଧ୍ୟ ଆତ୍ମନିର୍ଭରଶୀଳତା ଏବଂ ପ୍ରତ୍ୟେକ ଶ୍ରେଣୀର ଅନ୍ତର୍ଭୂକ୍ତ କରିବାର ଏକ ଦୂରଦୃଷ୍ଟି ରହିଛି । ଆମେ ଏଥିରେ ଯେଉଁ ନୀତିଗୁଡିକ ଆଣିଛୁ ତାହା ହେଉଛି - ଅଭିବୃଦ୍ଧି ପାଇଁ ନୂତନ ସମ୍ଭାବନା ବିସ୍ତାର କରିବା, ଯୁବକମାନଙ୍କ ପାଇଁ ନୂତନ ସୁଯୋଗ ସୃଷ୍ଟି କରିବା, ମାନବ ସମ୍ବଳକୁ ଏକ ନୂତନ ଦିଗ ଦେବା। '

English summary

PM Modi on Union Budget 2021.