ସେପ୍ଟେମ୍ବର ପ୍ରଥମ ଦିନରେ ମହଙ୍ଗା ମାଡ଼, ବଢିଲା LPG ସିଲିଣ୍ଡର ଦର, ଜାଣନ୍ତୁ କେତେ ଟଙ୍କା ଦେବାକୁ ପଡ଼ିବ
ସେପ୍ଟେମ୍ବର ମାସର ପ୍ରଥମ ଦିନରେ ଏଲପିଜି ସିଲିଣ୍ଡର ମହଙ୍ଗା ହୋଇଛି । ଆଜି ଅଣ-ସବସିଡି ଘରୋଇ ଏଲପିଜି ସିଲିଣ୍ଡର 25 ଟଙ୍କା ବୃଦ୍ଧି ହୋଇଛି ।
ନୂଆଦିଲ୍ଲୀ : ସେପ୍ଟେମ୍ବର ମାସର ପ୍ରଥମ ଦିନରେ ଏଲପିଜି ସିଲିଣ୍ଡର ମହଙ୍ଗା ହୋଇଛି । ଆଜି ଅଣ-ସବସିଡି ଘରୋଇ ଏଲପିଜି ସିଲିଣ୍ଡର 25 ଟଙ୍କା ବୃଦ୍ଧି ହୋଇଛି । ଯାହା ପରେ ଜାତୀୟ ରାଜଧାନୀରେ 14.2 କିଲୋଗ୍ରାମ LPG ସିଲିଣ୍ଡରର ମୂଲ୍ୟ ବର୍ତ୍ତମାନ 884.50 ଟଙ୍କାକୁ ବୃଦ୍ଧି ପାଇଛି । କେବଳ ଘରୋଇ ସିଲିଣ୍ଡରର ମୂଲ୍ୟ ବୃଦ୍ଧି ହୋଇନାହିଁ, ଆଜିଠାରୁ 19 କିଲୋଗ୍ରାମ ବ୍ୟବସାୟିକ ସିଲିଣ୍ଡର ମଧ୍ୟ ମହଙ୍ଗା ହୋଇଛି । ବର୍ତ୍ତମାନ ଏହାର ହାର 1693 ଟଙ୍କାକୁ ବୃଦ୍ଧି ପାଇଛି ।
ଏହା ପୂର୍ବରୁ ଅଗଷ୍ଟ 18 ରେ, LPG ସିଲିଣ୍ଡରର ମୂଲ୍ୟ ବୃଦ୍ଧି କରାଯାଇଥିଲା । ଅଗଷ୍ଟ 18 ରେ, ଏଲପିଜି ସିଲିଣ୍ଡରର ମୂଲ୍ୟ 25 ଟଙ୍କା ବୃଦ୍ଧି ପାଇଥିଲାବେଳେ ଏହା ପୂର୍ବରୁ ଜୁଲାଇ 1 ରେ ଗ୍ୟାସର ମୂଲ୍ୟ ବୃଦ୍ଧି କରାଯାଇଥିଲା ।
ଆଜି ଏଲପିଜି ଦର ବୃଦ୍ଧି ପରେ ଘରୋଇ ସିଲିଣ୍ଡର କୋଲକାତାରେ 911 ଟଙ୍କା, ମୁମ୍ବାଇରେ 884 ଟଙ୍କା 50 ପଇସା, ଚେନ୍ନାଇରେ 900 ଟଙ୍କା 50 ପଇସା ହୋଇଛି । ଚଳିତ ବର୍ଷ ଆରମ୍ଭରୁ ଏଯାବତ୍ ମୋଟ 190 ଟଙ୍କା ବୃଦ୍ଧି ହେଲାଣି ।
ସୂଚନାଯୋଗ୍ୟ ଯେ ବର୍ତ୍ତମାନ ଦେଶରେ ଏଲପିଜି ଗ୍ୟାସ ଅପେକ୍ଷା ଦେଶରେ ବୈଦ୍ୟୁତିକ ରନ୍ଧନ ଶସ୍ତା ଅଟେ । ସୂଚନାଯୋଗ୍ୟ ଯେ ପେଟ୍ରୋଲିୟମ କମ୍ପାନୀଗୁଡିକ ମାସର ପ୍ରଥମ ଦିନରେ ଗ୍ୟାସ ସିଲିଣ୍ଡରର ମୂଲ୍ୟ ପରିବର୍ତ୍ତନ କରନ୍ତି ।