ରୋଷେଇ ଗ୍ୟାସ ସିଲିଣ୍ଡର କିଣିଲେ ମିଳିବ 30 ଲକ୍ଷ ଟଙ୍କାର ବୀମା, ଜାଣନ୍ତୁ କଣ ରହିଛି ସୂଚନା...

ବାସ୍ତବରେ, ଏଲପିଜି ବିତରକ କମ୍ପାନୀଗୁଡିକ ଗ୍ରାହକଙ୍କୁ ତିନି ପ୍ରକାରର ବୀମା ପ୍ରଦାନ କରନ୍ତି । ମୃତ୍ୟୁ, ଆଘାତ କିମ୍ବା ସମ୍ପତ୍ତି ନଷ୍ଟ ହେଲେ ଆପଣ ଏଥିରୁ ଅନୁକମ୍ପାମୂଳକ ରାଶି ପାଇପାରିବେ ।

Published: Monday, March 15, 2021, 16:18 [IST]

ଆପଣ ଦୈନନ୍ଦିନ ଜୀବନରେ ରୋଷେଇ ଘରେ ବ୍ୟବହାର କରୁଥିବା ଏଲପିଜି ଗ୍ୟାସ ସିଲିଣ୍ଡରର ଦର ବୃଦ୍ଧି ବର୍ତ୍ତମାନ ସାରା ଦେଶରେ ଚହଳ ସୃଷ୍ଟି କରିଛି । ଗତ କିଛି ଦିନ ହେବ ସିଲିଣ୍ଡର ପ୍ରତି 200 ଟଙ୍କା ବୃଦ୍ଧି ହେବା ପରେ ସାଧାରଣ ଲୋକଙ୍କ ମଧ୍ୟରେ ଅସନ୍ତୋଷ ବଢିଛି । ଗ୍ରାହକମାନେ ଏହି ଦର ବୃଦ୍ଧିକୁ ନେଇ ଚିନ୍ତିତ ଥିବାବେଳେ ଆପଣ ଜାଣି ରଖିବା ଉଚିତ୍ ଯେ, 14 କିଲୋଗ୍ରାମ ଗ୍ୟାସ ସିଲିଣ୍ଡର ସହିତ ଆପଣଙ୍କୁ କେତେକ ସୁବିଧା ମିଳୁଛି । ଏହି ସିଲିଣ୍ଡର କିଣୁଥିବା ଗ୍ରାହକଙ୍କୁ ଏକ ବୀମା କରାଯାଇଥାଏ, ଯାହାକି ଦୁର୍ଭାଗ୍ୟବଶତଃ କୌଣସି ଦୁର୍ଘଟଣା ହେଲେ ସେହିପରି ଖରାପ ସମୟରେ ଏଥିରୁ ମିଳୁଥିବା ଟଙ୍କା ଆପଣଙ୍କର କାମରେ ଆସିପାରିବ ।

ଜାଣି ରଖନ୍ତୁ, ପ୍ରତ୍ୟେକ ସିଲିଣ୍ଡର ବୀମା ଅନ୍ତର୍ଭୁକ୍ତ ହୋଇଥାଏ । ଯଦି କୌଣସି ସମୟରେ ସିଲିଣ୍ଡର ବିସ୍ପୋରଣ ହୋଇ ଦୁର୍ଘଟଣା ହୁଏ, ତେବେ ଆପଣ ଏହି ବୀମାର ଲାଭ ଉଠାଇପାରିବେ ଏବଂ ଆପଣଙ୍କର କ୍ଷତିପୂରଣ କରିପାରିବେ । ଏଲପିଜି ସିଲିଣ୍ଡର ବିତରକ କମ୍ପାନୀ କୌଣସି ବି ବିସ୍ପୋରଣଜନିତ ଦୁର୍ଘଟଣା ପାଇଁ ବୀମା ପ୍ରଦାନ କରିଥାନ୍ତି । ତେବେ ଏହି ସମୟରେ ଆପଣ ଜାଣି ରଖନ୍ତୁ କେତେ ପ୍ରକାର ବୀମା ଏବଂ କେତେ ଟଙ୍କାର ବୀମା ରାଶି ମିଳିଥାଏ ।

ତିନି ପ୍ରକାରର ବୀମା ଉପଲବ୍ଧ

ବାସ୍ତବରେ, ଏଲପିଜି ବିତରକ କମ୍ପାନୀଗୁଡିକ ଗ୍ରାହକଙ୍କୁ ତିନି ପ୍ରକାରର ବୀମା ପ୍ରଦାନ କରନ୍ତି । ମୃତ୍ୟୁ, ଆଘାତ କିମ୍ବା ସମ୍ପତ୍ତି ନଷ୍ଟ ହେଲେ ଆପଣ ଏଥିରୁ ଅନୁକମ୍ପାମୂଳକ ରାଶି ପାଇପାରିବେ । ଯଦି କୌଣସି ଗ୍ରାହକଙ୍କର କିଛି କ୍ଷତି ହୁଏ ତେବେ ସେଭଳି ପରିସ୍ଥିତିରେ ଏଲପିଜି କମ୍ପାନୀଗୁଡିକ କ୍ଷତିପୂରଣ ହିସାବରେ ଗ୍ରାହକଙ୍କୁ କିଛି ଟଙ୍କା ପ୍ରଦାନ କରିଥାନ୍ତି ।

କିପରି ପାଇବେ ବୀମା ପାଇବ ?

ଏହି ବୀମାରେ କେତେକ ସର୍ତ୍ତ ରହିଛି । ଏହା ଅଧିମରେ ଦୁର୍ଘଟଣା କିପରି ହେଲା ଏବଂ କେତେ ଟଙ୍କାର କ୍ଷତି ପୂରଣ ହୋଇଛି ସେ ନେଇ କ୍ଷତିପୂରଣ ରାଶି ନିର୍ଦ୍ଧାରଣ କରାଯାଇଥାଏ । ଏହି ତିନୋଟି ବୀମାରେ କ୍ଷତିପୂରଣ ରାଶି ଅଲଗା ଅଲଗା ରହିଛି । ଦୁର୍ଘଟଣାରେ ମୃତ୍ୟୁ ହେଲେ ପ୍ରତ୍ୟେକ ବ୍ୟକ୍ତି ପିଛା 6 ଲକ୍ଷ ଟଙ୍କାର କ୍ଷତିପୂରଣ ମିଳିଥାଏ ।

ଏଥି ସହିତ, ଏକ ଘଟଣାରେ ଆହତଙ୍କ ପାଇଁ 30 ଲକ୍ଷ ଟଙ୍କା ବୀମା ଅଛି । ଯେଉଁଥିରେ ଜଣେ ବ୍ୟକ୍ତିଙ୍କ ଚିକିତ୍ସା ପାଇଁ ସର୍ବାଧିକ 2 ଲକ୍ଷ ଟଙ୍କା ପର୍ଯ୍ୟନ୍ତ ରାଶି ମିଳିଥାଏ । ଏହା ବ୍ୟତୀତ ଯଦି କୌଣସି ସମ୍ପତ୍ତି ନଷ୍ଟ ହୋଇଯାଏ ତେବେ 2 ଲକ୍ଷ ଟଙ୍କା ପର୍ଯ୍ୟନ୍ତ କ୍ଷତିପୂରଣ ମଧ୍ୟ ମିଳିପାରିବ ।

ମାଗଣାରେ ମିଳିବ ବୀମା

ଜାଣିରଖନ୍ତୁ, ଗ୍ରାହକଙ୍କୁ ଏଥିପାଇଁ କୌଣସି ପ୍ରକାର ପ୍ରିମିୟମ୍ ରାଶି କିମ୍ବା ଦେୟ ଦେବାକୁ ପଡ଼େନାହିଁ । ତୈଳ ମାର୍କେଟିଂ କମ୍ପାନୀଗୁଡିକ ଗ୍ରାହକଙ୍କ ଠାରୁ ପ୍ରିମିୟମ ରାଶି ପାଇଁ କୌଣସି ଶୁଳ୍କ ଆଦାୟ କରନ୍ତି ନାହିଁ କିମ୍ବା ରାଶି ଆବେଦନ କରିବା ସମୟରେ କୌଣସି ଅସୁବିଧାର ସମ୍ମୁଖୀନ କରାନ୍ତି ନାହିଁ । ଯଦି କୌଣସି ଦୁର୍ଘଟଣା ଘଟେ, ବୀମା କମ୍ପାନୀଗୁଡିକ ଏହି କ୍ଷତିପୂରଣ ରାଶି ତୈଳ କମ୍ପାନୀଗୁଡିକୁ ହସ୍ତାନ୍ତର କରନ୍ତି । ଏହା ପରେ ପୀଡ଼ିତ ଏହାର ସୁବିଧା ପାଇପାରନ୍ତି ।

Published On March 15, 2021