ବଢିବନି ଆୟକର ରିଟର୍ଣ୍ଣ ଦାଖଲ ଶେଷ ତାରିଖ, ଏହି ଦିନ ଆଗରୁ କରିନିଅନ୍ତୁ ଆୟକର ଦାଖଲ

Updated: Monday, July 17, 2023, 11:44 [IST]

Income Tax Return : ଆୟକର ରିଟର୍ଣ୍ଣ ଦାଖଲ ପାଇଁ ଆୟକର ବିଭାଗ ଜୁଲାଇ 31 କୁ ଶେଷ ତାରିଖ ଭାବରେ ସ୍ଥିର କରିଛି । ଏହି ସମୟରେ ଆପଣ ଧାର୍ଯ୍ୟ ତାରିଖ ପୂର୍ବରୁ ଆୟକର ରିଟର୍ଣ୍ଣ ଦାଖଲ କରିବା ଉଚିତ୍ । ଯଦି ଆପଣ ଭାବୁଛନ୍ତି ଯେ ଆୟକର ବିଭାଗ ଏହାର ଶେଷ ତାରିଖରେ ବୃଦ୍ଧି କରିବ, ତେବେ ଆପଣ ଭୁଲ୍ କରୁଛନ୍ତି ।

ରାଜସ୍ୱ ସଚିବ ସଞ୍ଜୟ ମାଲହୋତ୍ରା ଲୋକଙ୍କୁ ଆୟକର ରିଟର୍ଣ୍ଣ ଯଥାଶୀଘ୍ର ଦାଖଲ କରିବାକୁ ଅପିଲ୍ କରିଛନ୍ତି । ଆୟକର ରିଟର୍ଣ୍ଣ ଦାଖଲ ପାଇଁ ଶେଷ ତାରିଖ ବୃଦ୍ଧି କରିବାକୁ ଅର୍ଥ ମନ୍ତ୍ରଣାଳୟ ବିଚାର କରୁନାହିଁ ବୋଲି ସେ କହିଛନ୍ତି ।

ସଞ୍ଜୟ ମାଲହୋତ୍ରା ଏକ ସାକ୍ଷାତକାରରେ କହିଛନ୍ତି ଯେ ଆମେ ଆଶା କରୁଛୁ ଗତ ବର୍ଷ ତୁଳନାରେ ଚଳିତ ବର୍ଷ ଅଧିକ ଲୋକ ଆୟକର ରିଟର୍ଣ୍ଣ ଦାଖଲ କରିବେ । ଗତ ବର୍ଷ ଜୁଲାଇ 31 ପର୍ଯ୍ୟନ୍ତ 5.83 କୋଟି ଲୋକ ଆୟକର ରିଟର୍ଣ୍ଣ ଦାଖଲ କରିଥିଲେ ।

ରାଜସ୍ୱ ସଚିବ କହିଛନ୍ତି ଯେ ଆମେ ସେହି ଲୋକଙ୍କୁ ଧନ୍ୟବାଦ ଦେବାକୁ ଚାହୁଁଛୁ ଯେଉଁମାନେ ଆୟକର ରିଟର୍ଣ୍ଣ ଦାଖଲ କରିଛନ୍ତି । ଚଳିତ ବର୍ଷ ଆୟକର ରିଟର୍ଣ୍ଣ ଦାଖଲ କରିବାର ସଂଖ୍ୟା ଗତ ବର୍ଷ ତୁଳନାରେ ଅଧିକ ରହିଛି । ତେଣୁ, ଆମେ ଲୋକଙ୍କୁ ଶେଷ ତାରିଖକୁ ଅପେକ୍ଷା ନକରି ଆୟକର ରିଟର୍ଣ୍ଣ ଶୀଘ୍ର ଦାଖଲ ନକରିବାକୁ ପରାମର୍ଶ ଦେଉଛୁ । ଆୟକର ବିଭାଗ ଆଶା କରିଛି ଯେ ଚଳିତ ବର୍ଷ ଆୟକର ରିଟର୍ଣ୍ଣରେ ପ୍ରାୟ 10.5 ପ୍ରତିଶତ ବୃଦ୍ଧି ହେବ ।