ଆପଣଙ୍କ ପାନ୍ କାର୍ଡ ହଜିଯାଇଛି କି ? ଜାଣନ୍ତୁ 5 ମିନିଟରେ କିପରି ଡାଉନଲୋଡ୍ କରିବେ ଇ-ପାନ୍ କାର୍ଡ

ଦି ଆପଣଙ୍କର ପାନ୍ କାର୍ଡ କୌଣସି ସ୍ଥାନରେ ହଜିଯାଏ, ତେବେ ଆପଣ ଅସୁବିଧାରେ ପଡ଼ିପାରନ୍ତି । କିନ୍ତୁ ବର୍ତ୍ତମାନ ଆପଣଙ୍କୁ ଏହା ବିଷୟରେ ଚିନ୍ତା କରିବାର ଆବଶ୍ୟକତା ନାହିଁ । ଇନକମ ଟ୍ୟାକ୍ସର ନୂତନ ୱେବସାଇଟରୁ ଆପଣ 5 ମିନିଟରେ ଇ-ପାନ୍ କାର୍ଡ ଡାଉନଲୋଡ୍ କରିପାରିବ ।

ନୂଆଦିଲ୍ଲୀ : ପାନ୍ କାର୍ଡ ଏପରି ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଯାହା ବିନା ଦେଶରେ କୌଣସି ବଡ଼ ଆର୍ଥିକ କାରବାର ହୋଇପାରିବ ନାହିଁ । ଏହା ବ୍ୟତୀତ ବ୍ୟାଙ୍କରେ ଆକାଉଣ୍ଟ ଖୋଲିବା, କ୍ରେଡିଟ କାର୍ଡ ଏବଂ ଡେବିଟ୍ କାର୍ଡ ନେବା କିମ୍ବା ITR ଫାଇଲ୍ କରିବା ପାଇଁ ପାନ୍ କାର୍ଡ ସବୁଆଡେ ବାଧ୍ୟତାମୂଳକ ହୋଇଛି । ଏପରି ପରିସ୍ଥିତିରେ, ଯଦି ଆପଣଙ୍କର ପାନ୍ କାର୍ଡ କୌଣସି ସ୍ଥାନରେ ହଜିଯାଏ, ତେବେ ଆପଣ ଅସୁବିଧାରେ ପଡ଼ିପାରନ୍ତି । କିନ୍ତୁ ବର୍ତ୍ତମାନ ଆପଣଙ୍କୁ ଏହା ବିଷୟରେ ଚିନ୍ତା କରିବାର ଆବଶ୍ୟକତା ନାହିଁ । ଇନକମ ଟ୍ୟାକ୍ସର ନୂତନ ୱେବସାଇଟରୁ ଆପଣ 5 ମିନିଟରେ ଇ-ପାନ୍ କାର୍ଡ ଡାଉନଲୋଡ୍ କରିପାରିବ । ଆସନ୍ତୁ ଜାଣିବା ଇ-ପାନ୍ କାର୍ଡ ଡାଉନଲୋଡ୍ କରିବାର ସମ୍ପୂର୍ଣ୍ଣ ପ୍ରକ୍ରିୟା...

କିପରି ଡାଉନଲୋଡ୍ କରିବେ ଇ-ପାନ୍

1. ଏଥିପାଇଁ ଆପଣଙ୍କୁ ପ୍ରଥମେ ଆୟକର ୱେବସାଇଟ୍ https://www.incometax.gov.in/iec/foportal କୁ ଲଗ୍ଇନ୍ କରିବାକୁ ପଡିବ ।
2. ତାପରେ ଆପଣ 'ଇନଷ୍ଟାଣ୍ଟ ଇ ପାନ୍' ଉପରେ କ୍ଲିକ୍ କରନ୍ତୁ ।
3. ବର୍ତ୍ତମାନ 'New E PAN' ଉପରେ କ୍ଲିକ୍ କରନ୍ତୁ ।
4. ବର୍ତ୍ତମାନ ଆପଣ ଆପଣଙ୍କର PAN ନମ୍ବର ଏଠାରେ ପ୍ରବେଶ କରନ୍ତୁ ।
5. ଯଦି ଆପଣ ଆପଣଙ୍କର ପାନ୍ ନମ୍ବର ମନେ ରଖି ନାହାନ୍ତି, ତେବେ ଆପଣଙ୍କର ଆଧାର ନମ୍ବର ପ୍ରବେଶ କରନ୍ତୁ ।
6. ଏଠାରେ କିଛି ସର୍ତ୍ତାବଳୀ ଅଛି, ସେଗୁଡ଼ିକୁ ଭଲଭାବେ ପଢି 'Accept' ଉପରେ କ୍ଲିକ୍ କରନ୍ତୁ ।
7. ବର୍ତ୍ତମାନ ଆପଣଙ୍କ ପଞ୍ଜୀକୃତ ମୋବାଇଲ୍ ନମ୍ବରରେ ଏକ OTP ଆସିବ, ଏହାକୁ ପ୍ରବେଶ କରାନ୍ତୁ ।
8. ବର୍ତ୍ତମାନ ଦିଆଯାଇଥିବା ବିବରଣୀ ପଢିବା ପରେ 'Confirm' ଉପରେ କ୍ଲିକ୍ କରିବେ ।
10. ବର୍ତ୍ତମାନ ଆପଣଙ୍କର ପାନ୍ ଆପଣଙ୍କର ଇମେଲ୍ ଆଇଡିକୁ PDF ଫର୍ମାଟରେ ଚାଲିଯିବ ।
11. ଏଠାରୁ ଆପଣ ଆପଣଙ୍କର 'ଇ-ପାନ୍' ଡାଉନଲୋଡ୍ କରିପାରିବେ ।

ପାନ୍-ଆଧାର ଲିଙ୍କ୍ ବାଧ୍ୟତାମୂଳକ

ଯଦି ଆପଣଙ୍କର ପାନ୍ ନମ୍ବର ମନେ ନାହିଁ, ତେବେ ଆପଣ ଆଧାର କାର୍ଡ ସାହାଯ୍ୟରେ ଇ-ପାନ୍ କାର୍ଡ ଡାଉନଲୋଡ୍ କରିପାରିବ । କିନ୍ତୁ ଏଥିପାଇଁ ଆପଣଙ୍କର ପାନ୍ କାର୍ଡକୁ ଆଧାର କାର୍ଡ ସହିତ ଲିଙ୍କ୍ କରିବା ବାଧ୍ୟତାମୂଳକ ଅଟେ । ଯଦି ଆପଣଙ୍କର ପାନ୍ ଏବଂ ଆଧାର ଲିଙ୍କ୍ ହୋଇନାହିଁ ତେବେ ଆପଣ ଇ-ପାନ୍ ଡାଉନଲୋଡ୍ କରିବାକୁ ସମର୍ଥ ହେବେ ନାହିଁ ।

English summary

How To Download E-PAN Card Know Details