ଫେବୃଆରୀରେ 149577 କୋଟି ଟଙ୍କା ଜିଏସଟି ସଂଗ୍ରହ, ଗତ ବର୍ଷ ତୁଳନାରେ 12% ଅଧିକ
ଗତ ବର୍ଷ ଅନୁଯାୟୀ, ଏହି ବର୍ଷ ଅଧିକ ଜିଏସଟି ସଂଗ୍ରହ ହୋଇଛି । ଅର୍ଥ ମନ୍ତ୍ରଣାଳୟ ଏହାର ବିବୃତ୍ତିରେ କହିଛି ଯେ ଫେବୃଆରୀ 2023 ରେ, ମୋଟ ଜିଏସଟି 1 ଲକ୍ଷ 49 ହଜାର 577 କୋଟି ଜମା କରାଯାଇଛି ।
ନୂଆଦିଲ୍ଲୀ: ଅର୍ଥନୀତି ଦୃଷ୍ଟିରୁ ବୁଧବାର ଦିନ ଭଲ ଖବର ସାମ୍ନାକୁ ଆସିଛି । ଜିଏସଟି ସଂଗ୍ରହ ସରକାରଙ୍କ ରାଜକୋଷକୁ ବୃଦ୍ଧି କରିଛି । ଗତ ବର୍ଷ ଅନୁଯାୟୀ, ଏହି ବର୍ଷ ଅଧିକ ଜିଏସଟି ସଂଗ୍ରହ ହୋଇଛି । ଅର୍ଥ ମନ୍ତ୍ରଣାଳୟ ଏହାର ବିବୃତ୍ତିରେ କହିଛି ଯେ ଫେବୃଆରୀ 2023 ରେ, ମୋଟ ଜିଏସଟି 1 ଲକ୍ଷ 49 ହଜାର 577 କୋଟି ଜମା କରାଯାଇଛି । ଏହି ମାସର ଜିଏସଟି ହତ ବର୍ଷ ଫେବୃଆରୀ ଅପେକ୍ଷା ଅଧିକ । ମନ୍ତ୍ରଣାଳୟ କହିଛି ଯେ ଗତ ବର୍ଷ 2022 ର ଡିଏସଟି ଅପେକ୍ଷା ଚଳିତ ବର୍ଷ 12 ପ୍ରତିଶତ ଅଧିକ ରହିଛି । 2022 ଉେବୃଆରୀରେ 1ଲକ୍ଷ 33 ହଜାର 026 କୋଟି ଜିଏସଟି ସଂଗ୍ରହ ହୋଇଥିଲା ।
ସଂଗୃହିତ ମୋଟ ରାଜସ୍ୱରୁ 27662 କୋଟି CGST, 34915 କୋଟି ଟଙ୍କା SGST ଥିଲା 75,069 କୋଟି ଟଙ୍କା IGST ରହିଛି । ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ ଅଧିବେଶନରେ ନେଟ ଜିଏସଟି ସଂଗ୍ରହରେ 12 ପ୍ରତିଶତ ବୃଦ୍ଧି ଆକଳନ କରିଥିଲେ । ଜାନୁଆରୀ 2023 ରେ 1 ଲକ୍ଷ 56 ହଜାର କୋଟି ଟଙ୍କାର ଜିଏସଟି ସଂଗ୍ରହ ହୋଇଥିଲା । ଅପ୍ରେଲ 2022 ରେ ସର୍ବାଧିକ 1.68 ଲକ୍ଷର GST ସଂଗ୍ରହ କରାଯାଇଛି ।
ଗତ ବର୍ଷ ଡିସେମ୍ବରରେ ଜିଏସଟି ଆକାରରେ ସରକାରଙ୍କ ଦ୍ୱାରା ପ୍ରାପ୍ତ ରାଜସ୍ୱ ଏକ ବର୍ଷ (2021) ତୁଳନାରେ 15 ପ୍ରତିଶତ ବୃଦ୍ଧି ପାଇଛି । ଡିସେମ୍ବରରେ ସମୁଦାୟ ଜିଏସଟି 1.49 ଲକ୍ଷ କୋଟି ଥିଲା । ସେହି ସମୟରେ, ଗତ ବର୍ଷ, ନଭେମ୍ବରରେ, 1.46 ଲକ୍ଷ ଟଙ୍କା ଜିଏସଟି ସରକାରଙ୍କ ଭଣ୍ଡାରକୁ ଆସିଥିଲା ।
ଗତ ବର୍ଷ ଡିସେମ୍ବରରେ GST ଭାବରେ ଗ୍ରହଣ କରାଯାଇଥିବା ରାଜସ୍ୱ 1,49,50 କୋଟି ଟଙ୍କା ଥିଲା । ଏଥିରେ 26,711 କୋଟି ଟଙ୍କା CGST, 33,757 କୋଟି ଟଙ୍କା SGST, 78,434 କୋଟି ଟଙ୍କା IGST ଥିଲା >
Click it and Unblock the Notifications
Sign in with Google