ବିଶ୍ୱର ତୃତୀୟ ଧନୀ ବ୍ୟକ୍ତି ହେଲେ ଗୌତମ ଆଦାନୀ

ଗତ ଦୁଇ ସପ୍ତାହ ମଧ୍ୟରେ ଗୌତମ ଆଦାନୀଙ୍କ ସମ୍ପତ୍ତି ଯଥେଷ୍ଟ ବୃଦ୍ଧି ପାଇଛି, ଏହି କାରଣରୁ ସେ ଆମାଜନ ପ୍ରତିଷ୍ଠାତା ଜେଫ ବେଜୋସଙ୍କୁ ପଛରେ ପକାଇ ବିଶ୍ୱର ତୃତୀୟ ଧନୀ ବ୍ୟକ୍ତି ହୋଇପାରିଛନ୍ତି । ଫୋର୍ବସ୍ ଅନୁଯାୟୀ, ବେଜୋସ୍ ଏବଂ ଆଦାନୀଙ୍କ ମଧ୍ୟରେ ଅନେକ ଦିନ ଟକ୍କର ଚାଲିଥିଲା, କିନ୍ତୁ ଗତ ଦୁଇ ସପ୍ତାହ ମଧ୍ୟରେ ଭାରତୀୟ ଷ୍ଟକ୍ ୱାଲ୍ ଷ୍ଟ୍ରିଟ୍ ବଲ ପ୍ରଦର୍ଶନ କରିଛି । ଏହି ପରିସ୍ଥିତିରେ ଆଦାନୀଙ୍କ ସମ୍ପତ୍ତି ବୃଦ୍ଧି ପାଇଛି ଏବଂ ସେ ପୁଣି ତିନି ନମ୍ବରକୁ ଆସିଛନ୍ତି ।

ରିପୋର୍ଟ ଅନୁଯାୟୀ, ସୋମବାର ଦିନ ଆଦାନୀଙ୍କ ସମ୍ପତ୍ତି 314 ମିଲିୟନ ଡ଼ଲାର ବୃଦ୍ଧି ପାଇଛି, ଫଳରେ ତାଙ୍କର ସମ୍ପତ୍ତି ମୂଲ୍ୟ 131.9 ବିଲିୟନ ଡ଼ଲାରକୁ ବୃଦ୍ଧି ପାଇଛି । ଏହା ପରେ ସେ ଦୁନିଆର ତୃତୀୟ ଧନୀ ବ୍ୟକ୍ତି ହୋଇଛନ୍ତି । ଏଥି ସହିତ, ଲୁଇସ୍ ବିଟନ୍ ର ବର୍ନର୍ଡ ଆର୍ନାଲ୍ଟ ଦ୍ୱିତୀୟ ସ୍ଥାନରେ ରହିଛନ୍ତି । ତାଙ୍କର ମୋଟ ସମ୍ପତ୍ତି ମୂଲ୍ୟ 156.5 ବିଲିୟନ ଡ଼ଲାର୍ ।

ଏଲୋନ୍ ମସ୍କ ତଥାପି ଦୁନିଆର ସବୁଠାରୁ ଧନୀ ବ୍ୟକ୍ତି ଅଟନ୍ତି । ତାଙ୍କର ମୋଟ ସମ୍ପତ୍ତି ମୂଲ୍ୟ 223.8 ବିଲିୟନ ଡ଼ଲାର୍ ଅଟେ, ଯାହା ବର୍ନାର୍ଡ ଆର୍ନାଲ୍ଟ୍, ଆଦାନୀ ଏବଂ ବେଜୋସ୍ ଠାରୁ ବହୁତ ଅଧିକ । ଏଭଳି ପରିସ୍ଥିତିରେ, ତାଙ୍କତ ନିକଟରେ ଏକ ନମ୍ବର ମୁକୁଟ ସୁରକ୍ଷିତ ଥିବାବେଳେ ତିନି ବ୍ୟବସାୟୀଙ୍କ ମଧ୍ୟରେ ଦ୍ୱିତୀୟ, ତୃତୀୟ ଏବଂ ଚତୁର୍ଥ ସ୍ଥାନ ପାଇଁ ପ୍ରତଚିଯୋଗିତା ଲାଗି ରହିଛି ।

English summary

Gautam Adani became 3rd richest person in the world