ପୁଣି ବଢିଲା ପେଟ୍ରୋଲ ଓ ଡିଜେଲ ଦର, ଭୁବନେଶ୍ୱରେ 26 ପଇସା ବଢିଲା ପେଟ୍ରୋଲ
ଶନିବାର ଦିନ ବଢିଲା ପେଟ୍ରୋଲ ଓ ଡିଜେଲ ଦର । ଶନିବାର ଦିନ ତୈଳ ଦର ବୃଦ୍ଧି ପରେ ମୁମ୍ବାଇରେ ପେଟ୍ରୋଲର ମୂଲ୍ୟ ପ୍ରଥମ ଥର ପାଇଁ ଲିଟର ପିଛା 100 ଟଙ୍କା ଅତିକ୍ରମ କରିଛି । ଶନିବାର ଦିନ ପେଟ୍ରୋଲ ଦର 26 ପଇସା ଏବଂ ଡିଜେଲ ମୂଲ୍ୟ 30 ପଇସା ବୃଦ୍ଧି କରାଯାଇଛି ।
ନୂଆଦିଲ୍ଲୀ : ଶନିବାର ଦିନ ବଢିଲା ପେଟ୍ରୋଲ ଓ ଡିଜେଲ ଦର । ଶନିବାର ଦିନ ତୈଳ ଦର ବୃଦ୍ଧି ପରେ ମୁମ୍ବାଇରେ ପେଟ୍ରୋଲର ମୂଲ୍ୟ ପ୍ରଥମ ଥର ପାଇଁ ଲିଟର ପିଛା 100 ଟଙ୍କା ଅତିକ୍ରମ କରିଛି । ଶନିବାର ଦିନ ପେଟ୍ରୋଲ ଦର 26 ପଇସା ଏବଂ ଡିଜେଲ ମୂଲ୍ୟ 30 ପଇସା ବୃଦ୍ଧି କରାଯାଇଛି ।
ରାଜଧାନୀ ଦିଲ୍ଲୀରେ ପେଟ୍ରୋଲ ଲିଟର ପିଛା 93.94 ଟଙ୍କା ଥିବାବେଳେ ଡିଜେଲ ଲିଟର ପିଛା 91.87 ଟଙ୍କାରେ ପହଞ୍ଚିଛି । ଏହା ବ୍ୟତୀତ ଚେନ୍ନାଇରେ ପେଟ୍ରୋଲ 95.51 ଟଙ୍କାରେ ବିକ୍ରି ହେଉଥିବାବେଳେ ଡିଜେଲ ଲିଟର ପିଛା 89.65 ଟଙ୍କାରେ ବିକ୍ରି ହେଉଛି । ମେ 4 ତାରିଖରୁ ତୈଳ ମୂଲ୍ୟରେ କ୍ରମାଗତ ଭାବେ ବୃଦ୍ଧି ହୋଇଛି । ମେ ମାସରେ କ୍ରମାଗତ ଭାବେ 15 ତମ ଥର ତେଲ ଦର ବୃଦ୍ଧି ହୋଇଛି । ନୂତନ ବୃଦ୍ଧି ସହିତ ଦେଶରେ ପେଟ୍ରୋଲ-ଡିଜେଲ ମୂଲ୍ୟ ରେକର୍ଡ ସ୍ତରରେ ପହଞ୍ଚିଛି ।
ଆଜି ତେଲ ଦର ବୃଦ୍ଧି ହେବା ପରେ ଓଡ଼ିଶାର ରାଜଧାନୀରେ ପେଟ୍ରୋଲ 26 ପଇସା ଓ ଡିଜେଲ 30 ପଇସା ବୃଦ୍ଧି ହୋଇଛି । ଏହା ପରେ ରାଜଧାନୀରେ ପେଟ୍ରୋଲ ଦର ଲିଟର ପିଛା 94 ଟଙ୍କା 60 ପଇସା ଏବଂ ଡିଜେଲ ଦର ଲିଟର ପ୍ରତି 92 ଟଙ୍କା 49 ପଇସା ରହିଛି । ଏହା ପୂର୍ବରୁ 27 ତାରିଖରେ ଶେଷ ଥର ପାଇଁ ଓଡ଼ିଶାରେ ତେଲ ଦର ବୃଦ୍ଧି ହୋଇଥିଲା । ସେବେ ପେଟ୍ରୋଲ ଦର ଲିଟର ପ୍ରତି 94 ଟଙ୍କା 40 ପଇସା ଓ ଡିଜେଲ ଦର ଲିଟର ପିଛା 92 ଟଙ୍କା 19 ପଇସା ରହିଥିଲା ।
ରାଜସ୍ଥାନ, ମଧ୍ୟପ୍ରଦେଶ ଏବଂ ମହାରାଷ୍ଟ୍ରରେ ପେଟ୍ରୋଲ 100 ଟଙ୍କା ଅତିକ୍ରମ କରିଛି । ବିଭିନ୍ନ ରାଜ୍ୟରେ ତେଲ ଦର ସେଠାରେ ଆଦାୟ କରାଯାଉଥିବା ଟ୍ୟାକ୍ସ ଉପରେ ନିର୍ଭର କରେ ।
Click it and Unblock the Notifications
Sign in with Google