ସାଧାରଣ ଲୋକ ଉପରେ ପୁଣି ମହଙ୍ଗା ମାଡ଼, ପେଟ୍ରୋଲ-ଡିଜେଲ ପରେ ବଢିଲା ଏଲପିଜି ଗ୍ୟାସ ଦର

ମଙ୍ଗଳବାର ଦିନ ପେଟ୍ରୋଲ ଏବଂ ଡିଜେଲର ମୂଲ୍ୟ ଲିଟର ପିଛା 80 ପଇସା ବୃଦ୍ଧି ପାଇଥିବାବେଳେ ଘରୋଇ ଏଲପିଜି ସିଲିଣ୍ଡରର ମୂଲ୍ୟ ମଧ୍ୟ 50 ଟଙ୍କା ବୃଦ୍ଧି କରାଯାଇଛି ।

Published: Tuesday, March 22, 2022, 10:54 [IST]

ନୂଆଦିଲ୍ଲୀ : ପାଞ୍ଚଟି ରାଜ୍ୟରେ ନିର୍ବାଚନ ସରିବା ପରେ ସାଧାରଣ ଜନତା ଦରଦାମ ବୃଦ୍ଧିର ଅନୁଭବ କରିବା ଆରମ୍ଭ କରି ଦେଇଛନ୍ତି । ପୂର୍ବରୁ ଅମୁଲ ଏବଂ ମଦର ଡାଏରୀ ପରି ବଡ ଦୁଗ୍ଧ ଉତ୍ପାଦନକାରୀମାନେ କ୍ଷୀରର ମୂଲ୍ୟ ବୃଦ୍ଧି କରିଥିଲେ ଏବଂ ବର୍ତ୍ତମାନ ଇନ୍ଧନ ମୂଲ୍ୟରେ ବୃଦ୍ଧି ପରେ ସାଧାଣ ଜନତାଙ୍କ ଉପରେ ମହଙ୍ଗା ମାଡ଼ ଦ୍ୱିଗୁଣିତ ହୋଇଛି ।

ମଙ୍ଗଳବାର ଦିନ ପେଟ୍ରୋଲ ଏବଂ ଡିଜେଲର ମୂଲ୍ୟ ଲିଟର ପିଛା 80 ପଇସା ବୃଦ୍ଧି ପାଇଥିବାବେଳେ ଘରୋଇ ଏଲପିଜି ସିଲିଣ୍ଡରର ମୂଲ୍ୟ ମଧ୍ୟ 50 ଟଙ୍କା ବୃଦ୍ଧି କରାଯାଇଛି । ଇନ୍ଧନ ମୂଲ୍ୟରେ ଏହି ବୃଦ୍ଧି ମାସ ମାସ ଧରି ଚାଲିଥିବା ନିର୍ବାଚନ ଋତୁ ପରେ ହିଁ ଆସିଛି । LPG ସିଲିଣ୍ଡର ଦର ଗତ ବର୍ଷ ଅକ୍ଟୋବର ମାସରେ ଶେଷ ଥର ପାଇଁ ବୃଦ୍ଧି ପାଇଥିଲା ।
ଏଲପିଜି ମୂଲ୍ୟରେ ବୃଦ୍ଧି ପରେ, ଜାତୀୟ ରାଜଧାନୀ ଦିଲ୍ଲୀରେ 14.2 କିଲୋଗ୍ରାମ ଓଜନ ବିଶିଷ୍ଟ ସବସିଡିଯୁକ୍ତ ସିଲିଣ୍ଡର 949.50 ଟଙ୍କାରେ ଉପଲବ୍ଧ ହେବ । ଏହା ବ୍ୟତୀତ 19 କିଲୋଗ୍ରାମ ବ୍ୟବସାୟିକ LPG ସିଲିଣ୍ଡରର ମୂଲ୍ୟ 2003.50 ଟଙ୍କାକୁ ବୃଦ୍ଧି ପାଇଛି । ଏହା ସହିତ 5 କିଲୋଗ୍ରାମ ଏଲପିଜି ସିଲିଣ୍ଡରର ମୂଲ୍ୟ ବର୍ତ୍ତମାନ 349 ଟଙ୍କା ହୋଇଛି ।

Published On March 22, 2022