ତେଲ ଦରରେ ନିଆଁ, ପୁଣି ବଢିଲା ପେଟ୍ରୋଲ-ଡିଜେଲ ଦର

ଆଜି ମଧ୍ୟ ତେଲ ଦରରେ ବୃଦ୍ଧି ହୋଇଛି । ମଙ୍ଗଳବାର ଦିନ ପୁଣି ପେଟ୍ରୋଲ ଓ ଡିଜେଲ ମୂଲ୍ୟରେ ଲିଟର ପ୍ରତି 80 ପଇସା ଲେଖାଏଁ ବୃଦ୍ଧି କରାଯାଇଛି ।

ନୂଆଦିଲ୍ଲୀ : ପେଟ୍ରୋଲ ଏବଂ ଡିଜେଲ ଦର ହ୍ରାସ ହେବାର ନାଁ ନେଉନି । ଗତ 15 ଦିନ ମଧ୍ୟରେ ପେଟ୍ରୋଲ-ଡିଜେଲ ଦର ବେଲଗାମ୍ ଭାବେ ବୃଦ୍ଧି ହେଉଛି । ଆଜି ମଧ୍ୟ ତେଲ ଦରରେ ବୃଦ୍ଧି ହୋଇଛି । ମଙ୍ଗଳବାର ଦିନ ପୁଣି ପେଟ୍ରୋଲ ଓ ଡିଜେଲ ମୂଲ୍ୟରେ ଲିଟର ପ୍ରତି 80 ପଇସା ଲେଖାଏଁ ବୃଦ୍ଧି କରାଯାଇଛି ।

ଆପଣଙ୍କୁ କହି ରଖୁଛୁ ଗତ 15 ଦିନ ମଧ୍ୟରେ ପେଟ୍ରୋଲ ଏବଂ ଡିଜେଲର ମୂଲ୍ୟ 13 ତମ ଥର ପାଇଁ ବୃଦ୍ଧି ପାଇଛି । ଯାହା ପରେ ବର୍ତ୍ତମାନ ଜାତୀୟ ରାଜଧାନୀରେ ପେଟ୍ରୋଲର ମୂଲ୍ୟ ଲିଟର ପିଛା 104.61 ଟଙ୍କା ଏବଂ ଡିଜେଲର ମୂଲ୍ୟ ଲିଟର ପିଛା 95.87 ଟଙ୍କାରେ ପହଞ୍ଚିଛି ।

ସେହିପରି ଭୁବନେଶ୍ୱରରେ ଲିଟର ପିଛା 85 ପଇସା ବୃଦ୍ଧି ହୋଇଛି । ଏହା ପରେ ଏବେ ପେଟ୍ରୋଲ ଦର ଲିଟର ପ୍ରତି 111 ଟଙ୍କା 64 ପଇସା ଓ ଡିଜେଲ ଦର 101 ଟଙ୍କା 39 ପଇସା ହୋଇଛି । ସେହିପରି ମୁମ୍ବାଇରେ ମଧ୍ୟ ଆଜି ପେଟ୍ରୋଲ ଲିଟର ପ୍ରତି 84 ପଇସା ଓ ଡିଜେଲ 85 ପଇସା ବୃଦ୍ଧି କରାଯାଇଛି ।

ଗତ 22ରୁ ଏପର୍ଯ୍ୟନ୍ତ ପ୍ରାୟ 11 ଟଙ୍କା ପାଖାପାଖି ପେଟ୍ରୋଲ ଓ ଡିଜେଲ ଦର ବୃଦ୍ଧି ହୋଇଛି । ଗତ 21 ତରିଖରେ ପେଟ୍ରୋଲ ଲିଟର ପିଛା 101 ଟଙ୍କା 80 ପଇସା ଓ ଡିଜେଲ ଦର 91 ଟଙ୍କା 62 ପଇସା ଥିଲା । ହେଲେ ଏବେ ପେଟ୍ରୋଲ ଦର 111 ଟଙ୍କା 64 ପଇସା ଓ ଡିଜେଲ ଦର 101 ଟଙ୍କା 39 ପଇସାରେ ପହଞ୍ଚିଛି ।

English summary

Fuel Price Increased 13th Time In Last 15 Days, Know Updates On Fuel Price Hike