ସାଧାରଣ ଲୋକ ଉପରେ ପେଟ୍ରୋଲ-ଡିଜେଲ ମହଙ୍ଗା ମାଡ଼, ପୁଣି ବଢିଲା ତେଲ ଦର

ଆଜି ମଧ୍ୟ ତୈଳ କମ୍ପାନୀ ମାନେ ପେଟ୍ରୋଲ-ଡିଜେଲ ଦରରେ ବୃଦ୍ଧି କରିଛନ୍ତି । ଆଜି ପେଟ୍ରୋଲ ଓ ଡିଜେଲ ଲିଟର ପ୍ରତି 80 ପଇସା ବୃଦ୍ଧି ହୋଇଛି ।

ନୂଆଦିଲ୍ଲୀ : ଗତ କିଛି ଦିନ ହେବ ଦେଶରେ ପେଟ୍ରୋଲ୍-ଡିଜେଲ ଦରରେ ଅହେତୁକ ବୃଦ୍ଧି ପାଇଥିବା ପରିଲକ୍ଷିତ ହେଉଛି । ମାର୍ଚ୍ଚ 22 ତାରିଖ ଠାରୁ ପ୍ରାୟ ପ୍ରତ୍ୟେକ ଦିନ ଇନ୍ଧନ ଦର ବୃଦ୍ଧି ପାଉଛି । ଏଥି ମଧ୍ୟରେ ଆଜି ମଧ୍ୟ ତୈଳ କମ୍ପାନୀ ମାନେ ପେଟ୍ରୋଲ-ଡିଜେଲ ଦରରେ ବୃଦ୍ଧି କରିଛନ୍ତି । ଆଜି ପେଟ୍ରୋଲ ଓ ଡିଜେଲ ଲିଟର ପ୍ରତି 80 ପଇସା ବୃଦ୍ଧି ହୋଇଛି ।

ନୂଆ ଦର ପରେ ଭୂବନେଶ୍ୱରରେ ପେଟ୍ରୋଲ ଲିଟର ପ୍ରତି 86 ପଇସା ବଢିବା ସହ ଦର 108 ଟଙ୍କା 65 ପଇସାରେ ପହଞ୍ଚିଛି । ସେହିପରି ଡିଜେଲ ଲିଟର ପ୍ରତି 85 ପଇସା ବୃଦ୍ଧି ପାଇ 98 ଟଙ୍କା 42 ପଇସା ହୋଇଛି ।

ସେହିପରି ଜାତୀୟ ରାଜଧାନୀ ଦିଲ୍ଲୀରେ ପେଟ୍ରୋଲ ଲିଟର ପ୍ରତି 101 ଟଙ୍କା 81 ପଇସା ଓ ଡିଜେଲ ଲିଟର ପ୍ରତି 93 ଟଙ୍କା 07 ପଇସାରେ ବିକ୍ରି ହେଉଛି ।
ଆପଣଙ୍କୁ କହି ରଖୁଛୁ ମାର୍ଚ୍ଚ 22 ତାରିଖ ଠାରୁ ଗତ 10 ଦିନ ମଧ୍ୟରେ 9 ଥର ଇନ୍ଧନ ମୂଲ୍ୟ ବୃଦ୍ଧି ପାଇଛି । ଯାହାକି ସାଧାରଣ ଜନତାଙ୍କ ପକେଟ ଉପରେ ବୋଝ ସାଜିଛି । ଗତ 10 ଦିନରେ ଲିଟର ପ୍ରତି ପ୍ରାୟ 6 ଟଙ୍କା 40 ପଇସା ବୃଦ୍ଧି ପାଇଛି ।

English summary

Fuel Price Hiked By 80 Rupees Again Today, Know Today Price