20 ହଜାର କୋଟିର FPO ରଦ୍ଦ କଲା ଆଦାନୀ ଗ୍ରୁପ୍, ଜାଣନ୍ତୁ FPO ଏବଂ IPO କ'ଣ ?
ଆଦାନୀ ଗ୍ରୁପ୍ ପକ୍ଷରୁ ଏକ ବଡ଼ ନିଷ୍ପତ୍ତି ନିଆଯାଛି । କମ୍ପାନୀ 20 ହଜାର କୋଟିର FPOକୁ ରଦ୍ଦ କରିଦେଇଛି । ଆଦାନୀ ଗ୍ରୁପର ଚେୟାରମ୍ୟାନ୍ ଗୌଡମ ଆଦାନୀ ଏ ନେଇ ଘୋଷଣା କରିଛନ୍ତି ।
ନୂଆଦିଲ୍ଲୀ: ଆଦାନୀ ଗ୍ରୁପ୍ ର ସେୟାର ମୂଲ୍ୟ ଗତ କିଛି ଦିନ ହେବ କ୍ରମାଗତ ଭାବେ ହ୍ରାସ ହେବାରେ ଲାଗିଛି । ଏହାକୁ ନେଇ କମ୍ପାନୀ ଚିନ୍ତିତ ଥିବାବେଳେ ସବୁଠାରୁ ବେଶୀ ଚିନ୍ତାରେ ଅଛନ୍ତି ନିବେଶକ । ଆଦାନୀ ଗ୍ରୁପର ସେୟାରରେ ନିବେଶ କରିଥିବା ଅନେକ ନିବେଶକ ସେମାନଙ୍କ ଟଙ୍କାକୁ ନେଇ ଚିନ୍ତା ଅଛନ୍ତି ।
ଏହି ସମୟରେ ଆଦାନୀ ଗ୍ରୁପ୍ ପକ୍ଷରୁ ଏକ ବଡ଼ ନିଷ୍ପତ୍ତି ନିଆଯାଛି । କମ୍ପାନୀ 20 ହଜାର କୋଟିର FPOକୁ ରଦ୍ଦ କରିଦେଇଛି । ଆଦାନୀ ଗ୍ରୁପର ଚେୟାରମ୍ୟାନ୍ ଗୌଡମ ଆଦାନୀ ଏ ନେଇ ଘୋଷଣା କରିଛନ୍ତି । ଏଫ୍ଫିଓରେ ନିବେଶ କରିଥିବା ଗ୍ରାହକଙ୍କୁ ସେମାନଙ୍କର ଟଙ୍କା ଫେରସ୍ତ ମିଳିବ ବୋଲି ଆଦାନୀ କହିଛନ୍ତି ।
ସେୟାର ମୂଲ୍ୟରେ କ୍ରମାଗତ ପରେ ବର୍ତ୍ତମାନ ଭଳି ଅସ୍ଥିର ପରିସ୍ଥିତିରେ ଏଫ୍ପିଓକୁ ନେଇ ଆଗକୁ ବଢ଼ିବ ହେବନି ବୋଲି ଆଦାନୀ କହିଛନ୍ତି । ଏନେଇ ସେ ଜାରି କରିଥିବା ଭିଡିଓରେ କହିଛନ୍ତି " ଗତ ସପ୍ତାହରେ ଷ୍ଟକ୍ ମାର୍କେଟ୍ରେ ଦେଖାଦେଇଥିବା ଅସ୍ଥିର ପରିସ୍ଥିତି ସତ୍ତ୍ୱେ ବି କମ୍ପାନୀର ବ୍ୟବସାୟ ଓ ଏହାର ପରିଚାଳନାରେ ଆପଣମାନଙ୍କର ଭରସା ଆମ ପାଇଁ ଆଶ୍ୱାସନା କାରଣ । ମୋ ପାଇଁ ମୋ ନିବେଶକମାନଙ୍କ ହିତ ସର୍ବୋପରି । ଏଥିପାଇଁ ନିବେଶକଙ୍କୁ ଆଶଙ୍କାୟିତ କ୍ଷତିରୁ ବଞ୍ଚାଇବା ପାଇଁ ଆମେ FPOକୁ ଫେରାଇ ନେଇଛୁ । ଏଭଳି ପରିସ୍ଥିତିରେ FPO ସହ ଆଗକୁ ବଢିବା ନୈତିକତା ଦୃଷ୍ଟିରୁ ଠିକ୍ ହେବ ନାହିଁ ବୋଲି ସେ କହିଛନ୍ତି ।
ତେବେ ଆଦାନୀ ଏଣ୍ଟରପ୍ରାଇଜେସ୍ ର FPO ରଦ୍ଦ ହେବା ପରେ ପ୍ରଶ୍ନ ଉଠୁଛି ଏହି FPO କ'ଣ ? ଆପଣ ନିଶ୍ଚିତ ଭାବରେ IPO ବିଷୟରେ ଶୁଣିଥିବେ, ଅନେକ ଲୋକ ଏହି ଶବ୍ଦ ସହିତ ପରିଚିତ ହେବେ, କିନ୍ତୁ FPO ବିଷୟରେ ଖୁବ୍ କମ୍ ଲୋକ ଜାଣନ୍ତି । ବାସ୍ତବରେ IPO ଏବଂ FPO ମଧ୍ୟରେ ଏକ ମୌଳିକ ପାର୍ଥକ୍ୟ ଅଛି । ଏହା ବୁଝିବା ପରେ ଆପଣଙ୍କ ମନରେ FPO ଏବଂ IPO କୁ ନେଇ ଥିବା ପ୍ରଶ୍ନ ଦୂର ହେବେ ।
FPO ଓ IPO କଣ ?
FPO ବୁଝିବା ପୂର୍ବରୁ, IPO କ'ଣ ତାହା ବୁଝିବା ଆପଣଙ୍କ ପାଇଁ ଗୁରୁତ୍ୱପୂର୍ଣ୍ଣ । IPO ବିଷୟରେ କହିବାକୁ ଗଲେ, କୌଣସି କମ୍ପାନୀ ପ୍ରାରମ୍ଭିକ ପର୍ଯ୍ୟାୟରେ ଯଦି ଭଲ ପ୍ରଦର୍ଶନ ଭଲ କରେ ଏବଂ ଏହା ସେହି କମ୍ପାନୀର ବ୍ୟବସାୟକୁ ଆଗକୁ ବଢାଇବାକୁ ଚାହେଁ, ତେବେ କମ୍ପାନୀ ଏଥିପାଇଁ ଅଧିକ ଅର୍ଥ ଆବଶ୍ୟକ କରେ । ଏହି ଅର୍ଥର ବ୍ୟବସ୍ଥା କରିବା ପାଇଁ ଦୁଇଟି ମୁଖ୍ୟ ବିକଳ୍ପ ରହିଛି । ପ୍ରଥମଟି ହେଉଛି କମ୍ପାନୀ ଋଣ ନେଇଥାଏ ଏବଂ ଦ୍ୱିତୀୟ ଉପାୟ ହେଉଛି କମ୍ପାନୀ ଏହାର ଅଂଶଧନକୁ ସାର୍ବଜନୀନ କରି ଟଙ୍କା ଉଠାଏ । ପ୍ରଥମ ବିକଳ୍ପ ଯଥା ଋଣନେବା ଏକ କଷ୍ଟସାଧ୍ୟ ଆହ୍ୱାନ, କମ୍ପାନୀକୁ ସୁଧ ଦେବାକୁ ପଡିବ, କିନ୍ତୁ ସେୟାରକୁ ସାର୍ବଜନୀନ କରି ଟଙ୍କା ଉଠାଇବାରେ ଏହି ଚ୍ୟାଲେଞ୍ଜ ନାହିଁ । ଏହି କାରଣରୁ କମ୍ପାନୀଗୁଡିକ ଷ୍ଟକ୍ ମାର୍କେଟରେ ଆଇପିଓ ମାଧ୍ୟମରେ ନିବେଶକଙ୍କଠାରୁ ଟଙ୍କା ସଂଗ୍ରହ କରନ୍ତି ।
IPO କ'ଣ ?
ଯେତେବେଳେ ବି କୌଣସି କମ୍ପାନୀ ପ୍ରଥମ ଥର ପାଇଁ ଷ୍ଟକ୍ ମାର୍କେଟରେ ଏହାର ସେୟାର ପ୍ରଦାନ କରେ, ଏହାକୁ IPO କୁହାଯାଏ । ଯେଉଁମାନେ ପ୍ରାରମ୍ଭିକ ସାର୍ବଜନୀନ ଅଫରରେ ବିନିଯୋଗ କରନ୍ତି ସେମାନେ କମ୍ପାନୀରେ ଅଂଶୀଦାର ହୁଅନ୍ତି । ଯେତେବେଳେ ବି କମ୍ପାନୀ ଆଇପିଓ ଆଣିଥାଏ, ଏହା ପଛରେ ମୁଖ୍ୟ କାରଣ ହେଉଛି ଯେ କମ୍ପାନୀ ଏହାର ବ୍ୟବସାୟକୁ ଏକ ବଡ଼ ସ୍ତରକୁ ନେବାକୁ ଚାହୁଁଛି । କିମ୍ବା କମ୍ପାନୀ ଏହାର ବ୍ୟବସାୟକୁ ଆହୁରି ମଜବୁତ କରିବା ପାଇଁ IPO ଆଣିପାରେ । କେତେକ କମ୍ପାନୀ ସେମାନଙ୍କର ବ୍ୟବସାୟିକ ଋଣ ପରିଶୋଧ କରିବାକୁ IPO ମଧ୍ୟ ଆଣିଥାନ୍ତି । ଆଇପିଓର ସମ୍ପୂର୍ଣ୍ଣ ପ୍ରକ୍ରିୟା SEBI ର ତତ୍ତ୍ୱାବଧାନରେ ହୋଇଥାଏ । କମ୍ପାନୀକୁ SEBI ନିୟମାବଳୀ ଅନୁସରଣ କରିବାକୁ ପଡିଥାଏ ।
FPO କ'ଣ ?
ଅନ୍ୟ ପଟେ, ଯଦି ଆମେ FPO ବିଷୟରେ କହିବା, ତେବେ ଯେତେବେଳେ ଏକ କମ୍ପାନୀ ଷ୍ଟକ୍ ମାର୍କେଟରେ ତାଲିକାଭୁକ୍ତ ହୋଇସାରିଛି, ଅର୍ଥାତ୍ ଏହା ଷ୍ଟକ୍ ମାର୍କେଟରେ ପୂର୍ବରୁ ଅଛି ଏବଂ ସେହି କମ୍ପାନୀ ପୁନର୍ବାର ଲୋକଙ୍କଠାରୁ ଟଙ୍କା ନେବାକୁ ଚାହୁଁଛି, ତେବେ ଏହା FPO ଆଣିଥାଏ । ଏପରି ପରିସ୍ଥିତିରେ, ଯଦି ଆମେ ଆଦାନୀ ଏଣ୍ଟରପ୍ରାଇଜେସ୍ ବିଷୟରେ କଥା ହେବା, ତେବେ ଏହି କମ୍ପାନୀ ବଜାରରେ ତାଲିକାଭୁକ୍ତ ହୋଇସାରିଛି । ଆଦାନୀ ଏଣ୍ଟରପ୍ରାଇଜେସ୍ 20,000 କୋଟି ଟଙ୍କା ସଂଗ୍ରହ କରିବାକୁ ନିବେଶକଙ୍କୁ ଏହାର କମ୍ପାନୀର ନୂତନ ଅଂଶ ପ୍ରଦାନ କରିବାକୁ ଚାହୁଁଥିଲା ।
Click it and Unblock the Notifications
Sign in with Google