ହୋଲିରେ କାହିଁକି ଖେଳନ୍ତି ଅବୀର-ଗୁଲାଲ
ହୋଲି ପର୍ବ ରାଧା- କୃଷ୍ଣଙ୍କ ପ୍ରେମ ସହିତ ଜଡିତ । ତେଣୁ ଏହି ପର୍ବକୁ ଆମେ ପ୍ରେମ ଏବଂ ମଜାରେ ପାଳ କରିଥାଉ ।
ହୋଲି ହେଉଛି ହିନ୍ଦୁମାନଙ୍କର ଏକ ବଡ଼ ପର୍ବ । ଲୋକମାନେ ଉତ୍ସାହର ସହିତ ଏହି ପର୍ବକୁ ଅପେକ୍ଷା କରିଥାନ୍ତି । ଏହି ପର୍ବ ପାରସ୍ପରିକ ପ୍ରେମ, ଆନନ୍ଦ, ସୁଖ ଏବଂ ଉତ୍ସାହର ଅଟେ । କୁହାଯାଏ ଯେ ହୋଲି ଦିନ ଜଣେ ବ୍ୟକ୍ତି ସମସ୍ତ ମାନ ଅଭିମାନ ଦୂର କରି ପରସ୍ପରକୁ ରଙ୍ଗ ବୋଳିଥାନ୍ତି । ଏପରିକି ମନର ଘୃଣା ଏବଂ ଶତ୍ରୁତାକୁ ହୋଲିକା ଦହନର ନିଆଁରେ ବଳି ଦିଆଯାଏ ।
ହୋଲିରେ ପରସ୍ପରର ଗାଲରେ ଅବୀର ଲଗାଇବା ପ୍ରଥା ପ୍ରାୟତଃ ସାରା ଦେଶରେ ଚାଲି ଆସୁଛି । କିନ୍ତୁ ଆପଣ କେବେ ଭାବିଛନ୍ତି କି ସମସ୍ତେ ଅବୀର କାହିଁକି ବ୍ୟବହାର କରନ୍ତି ? ଆମେ କାହିଁକି ହୋଲିରେ ସମସ୍ତେ ରଙ୍ଗ ଖେଳନ୍ତି ? ଆସନ୍ତୁ ଆମେ ଆପଣଙ୍କୁ ଏହା ପଛରେ ଥିବା ପ୍ରକୃତ କଥା କହିବୁ ।
ହୋଲି ପର୍ବ ରାଧା- କୃଷ୍ଣଙ୍କ ପ୍ରେମ ସହିତ ଜଡିତ । ତେଣୁ ଏହି ପର୍ବକୁ ଆମେ ପ୍ରେମ ଏବଂ ମଜାରେ ପାଳ କରିଥାଉ । ଏହା ମଧ୍ୟ ବିଶ୍ୱାସ କରାଯାଏ ଯେ ଭଗବାନ କୃଷ୍ଣଙ୍କର ରଙ୍ଗ କଳା ଏବଂ ରାଧାଙ୍କ ରଙ୍ଗ ଗୋରା ଥିଲା । ଏପରି କାହିଁକି ବୋଲି କୃଷ୍ଣ ସବୁବେଳେ ମାତା ଯଶୋଦାଙ୍କୁ ପଚାରୁଥିଲେ ।
କାହିଁକି ଲଗାନ୍ତି ଅବୀର ?
ଯଦିଓ ରାଧା ଭଗବାନ କୃଷ୍ଣଙ୍କ ରଙ୍ଗ ବିଷୟରେ କୌଣସି କଥା କହି ନାହାଁନ୍ତି, କିନ୍ତୁ କୃଷ୍ଣ ଥିଲେ ଭାରି ଜିଦିଆ । ସେ ସବୁବେଳେ ମାତା ଯଶୋଦାଙ୍କୁ ଏ କଥା ପଚାରୁଥିଲେ । ଏମିତି ଦିନେ ମାତା ଯଶୋଦା କହିଦେଲେ, 'ଯଦି ତୁମେ ରାଧାଙ୍କ ପରି ହେଇ ନପାରୁଛ, ତେବେ ତାଙ୍କୁ ତୁମ ପରି କରିଦିଅ । ଏତିକି କହି ମାତା ଯଶୋଦା କୃଷ୍ଣଙ୍କ ହାତରେ ଅବୀର ରଙ୍ଗ ଥାଳି ଦେଇଦେଲେ । ଏହା ଦେଖି କୃଷ୍ଣ ଖୁସିରେ ନାଚି ଉଠିଲେ । ସେ ଯାଇ ରାଧାଙ୍କ ମୁହଁରେ ଲାଲ-ହଳଦିଆ ସବୁ ରଙ୍ଗ ଲଗଇ ଦେଲେ । ଏହି ସମୟରେ ଦୁହେଁ ବହୁତ ଖୁସି ହୋଇ ଉଠିଥିଲେ । ସେ ଦିନ ଥିଲା ଫାଲଗୁନ୍ ମାସର ପୂର୍ଣ୍ଣିମା । ସେହି ଦିନଠାରୁ ହୋଲି ପର୍ବ ପାଳନ ଆରମ୍ଭ ହେଲା ଏବଂ ଏଥିରେ ଅବୀର ରଙ୍ଗ ଖେଳିବା ପ୍ରଥା ଚାଲି ଆସୁଛି ।
Click it and Unblock the Notifications
Sign in with Google