ରାମ ନବମୀ 2023 : ଜାଣନ୍ତୁ ଆଜିର ଶୁଭ ଦିନରେ ପୂଜା ବିଧି ଏବଂ ଶୁଭ ମୁହୂର୍ତ୍ତ

Published: Thursday, March 30, 2023, 9:30 [IST]

ରାମ ନବମୀ 2023 : ଆଜି ରାମ ନବମୀର ଶୁଭ ଦିନ । ଭଗବାନ ଶ୍ରୀ ରାମଙ୍କ ଜନ୍ମଦିନରେ ସାରା ଦେଶରେ ଆନନ୍ଦ ଉଲ୍ଲାସ ଖେଳିଯାଇଛି । ହିନ୍ଦୁମାନଙ୍କ ପାଇଁ ଏହି ଦିନଟି ଏକ ବଡ଼ ପର୍ବଠାରୁ କମ୍ ନୁହେଁ | ଶ୍ରୀରାମଚନ୍ଦ୍ର ଜୀଙ୍କୁ ଭଗବାନ ବିଷ୍ଣୁଙ୍କ ସପ୍ତମ ଅବତାର କୁହାଯାଏ । ଭକ୍ତି, ଉପାସକ, ତପସ୍ୟା, ସତ୍ୟ, ବଳିଦାନ, ପ୍ରେମ ଏବଂ କର୍ତ୍ତବ୍ୟର ଏକ ଜୀବନ୍ତ ଉଦାହରଣ ଶ୍ରୀ ରାମ । ମହର୍ଷି ବାଲ୍ମିକୀ ହୁଅନ୍ତୁ ଅବା ଗୋସ୍ୱାମୀ ତୁଳସୀ ଦାସ ହୁଅନ୍ତୁ, ଉଭୟ ଶ୍ରୀ ରାମଙ୍କ ଆଦର୍ଶ ଚରିତ୍ରକୁ ସୁନ୍ଦର ଭାବରେ ବର୍ଣ୍ଣନା କରିଛନ୍ତି । ଭଗବାନ ରାମଙ୍କୁ ପୂଜା କରିବା କେବଳ ମଣିଷର ସମସ୍ତ ଅସୁବିଧାକୁ ସମାପ୍ତ କରେ ନାହିଁ, ବରଂ ମଣିଷ ମନରେ ସକରାତ୍ମକତା ଆସିଥାଏ । ଶୁଭ ସମୟରେ ଭଗବାନ ଶ୍ରୀ ରାମଙ୍କୁ ପୂଜା କରି ଭକ୍ତ ଶୁଭ ଫଳ ପାଇଥାଏ ।

ପୂଜା- ମୁହୂର୍ତ୍ତ

ନବମୀ ବୁଧବାର ରାତି 09:07 ରୁ ଆରମ୍ଭ ହୋଇଛି ଏବଂ ଏହା ଆଜି ରାତି 11:30 ରେ ଶେଷ ହେବ । ଏହି ସମୟରେ ଲୋକମାନେ ଭଗବାନ ଶ୍ରୀ ରାମଙ୍କୁ ପୂଜା କରିପାରିବେ । କିନ୍ତୁ ଅଭିଜିତ୍ ମୁହୂର୍ତ୍ତକୁ ରାମଙ୍କୁ ପୂଜା କରିବା ପାଇଁ ସର୍ବୋତ୍ତମ ବୋଲି ବିବେଚନା କରାଯାଏ । ଏହା ଆଜି ଦ୍ୱିପହର 11:57 ରୁ 12:46 ପର୍ଯ୍ୟନ୍ତ ରହିବ । ବିଶ୍ୱାସ କରାଯାଏ ଯେ ଅଭିଜିତ୍ ମୁହୂର୍ତ୍ତରେ ଏହି ପୂଜା ଭଲ ଭାଗ୍ୟ ଏବଂ ଧନ ପ୍ରଦାନ କରିଥାଏ ।

ବ୍ରହ୍ମ ମୁହୂର୍ତ୍ତ : 04:49 AM ରୁ 05:37 AM
ଅଭିଜିତ୍ ମୁହୂର୍ତ୍ତ : 11:57 AM ରୁ 12:46 PM
ଅମୃତକାଲ: 08:18 PM ରୁ 10:05 PM

ଏଥର ରାମ ନୂବମୀ ଅନେକ ଭଲ ସୋଂଯୋଗ ନେଇ ଆସିଛି । ସମସ୍ତ ରାଶି ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଆମେ ଆପଣଙ୍କୁ କହି ରଖୁଛୁ ଏଥର ନବମୀ ଗୁରୁବାର ଦିନ ପଡୁଛି । ଯାହାକି ଭଗବାନ ବିଷ୍ଣୁଙ୍କ ଦିନ ଏବଂ ରାମ ଜୀ ବିଷ୍ଣୁଙ୍କ ଅବତାର, ତେଣୁ ଏହି ରାମନବମୀ ଅତ୍ୟନ୍ତ ଶୁଭ । ଏହା ବ୍ୟତୀତ ଆଜି ପାଞ୍ଚଟି ମନୋରମ ଯୋଗ ଅମୃତ ସିଦ୍ଧ, ଗୁରୁ ପୁଷ୍ପ, ଶୁଭ, ସର୍ଭର୍ଥା ସିଦ୍ଧ ଏବଂ ରବି ଯୋଗ ମଧ୍ୟ ସୃଷ୍ଟି ହୋଇଛି ।