କୁମାର ପୂର୍ଣ୍ଣିମା 2023: ଚନ୍ଦ୍ରଗ୍ରହଣ ହେତୁ ଆଜି ହେବ ନାହିଁ ଚାଉଳ ଖିରି
କୁମାର ପୂର୍ଣ୍ଣିମା 2023: ଆଜି କୁମାର ପୂର୍ଣ୍ଣିମା । ତା ସହ ଖଣ୍ଡଗ୍ରାସ ଚନ୍ଦ୍ରଗ୍ରହଣ । କୁମାର ପୂର୍ଣ୍ଣିମା ଦିନ ଏହି ଚନ୍ଦ୍ରଗ୍ରହଣ ହେତୁ ଲୋକଙ୍କ ମଧ୍ୟରେ ଦ୍ୱନ୍ଦ୍ୱ ଓ ସନ୍ଦେହ ରହିଛି ଯେ ଖିରି କେବେ ତିଆରି କରିବେ । ଏହାକୁ ଚନ୍ଦ୍ର କିରଣରେ କେବେ ରଖିବେ ଏବଂ କେବେ ଖାଇବେ ? ଏହି ସମସ୍ତ ପ୍ରଶ୍ନର ଉତ୍ତର ଆମେ ଆଣିଛୁ ।
କୁମାର ପୂର୍ଣ୍ଣିମାରେ ଏକମାତ୍ର ରାହୁଗ୍ରସ୍ତ ଖଣ୍ଡଗ୍ରାସ ଚନ୍ଦ୍ରଗ୍ରହଣ ହେବ । ଆଜି ରାତି 1 ଟା 4 ମିନିଟ୍ 55 ସେକେଣ୍ଡରେ ଗ୍ରହଣ ସ୍ପର୍ଶ କରି ରାତି 2 ଟା 24 ମିନିଟ୍ 2 ସେକେଣ୍ଡରେ ଗ୍ରହଣ ଛାଡ଼ିବ । 1 ଘଣ୍ଟା 19 ମିନିଟ୍ 7 ସେକେଣ୍ଡ ପର୍ଯ୍ୟନ୍ତ ଗ୍ରହଣ ଲାଗିବ । ଗ୍ରହଣ ସ୍ପର୍ଶର 9 ଘଣ୍ଟା ପୂର୍ବରୁ ଅର୍ଥାତ ପାକତ୍ୟାଗ ରହିଛି । ପାକତ୍ୟାଗ ଅପରାହ୍ନ 4 ଟା 4ମିନିଟ୍ 55 ସେକେଣ୍ଡରୁ ଆରମ୍ଭ ହୋଇ ରାତି 2 ଟା 24 ମିନିଟ୍ 2 ସେକେଣ୍ଡ ପର୍ଯ୍ୟନ୍ତ ରହିବ ।
କୁମାର ପୂର୍ଣ୍ଣିମାରେ ଖିରି ପ୍ରସ୍ତୁତ କରି ଚନ୍ଦ୍ରର କିରଣରେ ରଖିବା ଏବଂ ତା'ପରେ ସେହି ଖିରିକୁ ଖାଇବାର ଏକ ପରମ୍ପରା ଅଛି । ଯେହେତୁ ପାକତ୍ୟାଗ ଅପରାହ୍ନ 4 ଟା 4ମିନିଟ୍ 55 ସେକେଣ୍ଡରୁ ଆରମ୍ଭ ହୋଇ ରାତି 2 ଟା 24 ମିନିଟ୍ 2 ସେକେଣ୍ଡ ପର୍ଯ୍ୟନ୍ତ ରହିବ । ତେଣୁ, ଅପରାହ୍ନ 4.05 ପୂର୍ବରୁ ଖିରି ପ୍ରସ୍ତୁତ କରନ୍ତୁ ଏବଂ ଏଥିରେ ତୁଳସୀ ପତ୍ର ପକାଇ ରଖି ଦିଅନ୍ତୁ । ଏହା ପରେ, ଚନ୍ଦ୍ର ଗ୍ରହଣ ଆରମ୍ଭ ହେବାର ଦୁଇ ଘଣ୍ଟା ପୂର୍ବରୁ ଖିରି କୁ ଚନ୍ଦ୍ର ଆଲୋକରେ ରଖାଯାଇପାରିବ । ଚନ୍ଦ୍ରଗ୍ରହଣ ରାତି 1 ଟା 4 ମିନିଟ୍ 55 ସେକେଣ୍ଡରେ ଆରମ୍ଭ ହେବ, ଏହାର ଦୁଇ ଘଣ୍ଟା ପୂର୍ବରୁ ଅର୍ଥାତ୍ ରାତି 11.05 ପର୍ଯ୍ୟନ୍ତ ଖୀରିକୁ ଚନ୍ଦ୍ର ଆଲୋକରେ ରଖନ୍ତୁ ।
କେବେ ଖାଇବେ ଖିରି
ଚନ୍ଦ୍ରଗ୍ରହଣ ଶେଷ ହେବା ପରେ ଖିରି ଖାଆନ୍ତୁ । ଚନ୍ଦ୍ରଗ୍ରହଣ ରାତି 2:24 ରେ ଶେଷ ହେବ । ଏହା ପରେ, ପରଦିନ ସକାଳେ, ଗାଧୋଇବା ପରେ ଶୁଦ୍ଧ ହୋଇ ପ୍ରସାଦ ସେବନ କରିପାରିବେ ।
ଚାଉଳ ଖିରି ତିଆରି କରନ୍ତୁ ନାହିଁ
କୁମାର ପୂର୍ଣ୍ଣିମାରେ ଚାଉଳ ଖିରି ତିଆରି କରିବାର ଏକ ପରମ୍ପରା ଅଛି । କିନ୍ତୁ ଏଥର ଚନ୍ଦ୍ରଗ୍ରହଣ ଅଛି ଏବଂ ପାକତ୍ୟାଗ ସମୟରେ ରନ୍ଧା ହୋଇଥିବା ଖାଦ୍ୟ ଖାଇବା ଉଚିତ୍ ନୁହେଁ । ଚାଉଳ ଶସ୍ୟ ବର୍ଗରେ ଆସେ, ତେଣୁ ଏଥର ଚାଉଳ ଖିରି ତିଆରି କରନ୍ତୁ ନାହିଁ । ଏହା ବଦଳରେ ସାବୁଦାନା ଖିରି ତିଆରି କରିପାରିବେ ।
Click it and Unblock the Notifications
Sign in with Google