ହନୁମାନ ଜୟନ୍ତୀ 2023: ଆଜି ହନୁମାନ ଜୟନ୍ତୀ, ଜାଣନ୍ତୁ କଣ ରହିଛି ପୂଜା ସମୟ, ବିଦ୍ଧି

Published: Thursday, April 6, 2023, 7:52 [IST]

ହନୁମାନ ଜୟନ୍ତୀ 2023 : ଆଜି ପବିତ୍ର ହନୁମାନ ଜୟନ୍ତୀ । ସାରା ଦେଶରେ ଏହି ପବିତ୍ର ଦିନକୁ ପାଳନ କରାଯାଉଛି । ଭଗବାନ ଶ୍ରୀ ରାମଙ୍କ ଭକ୍ତ ହନୁମାନ ନିଜ ଭକ୍ତମାନଙ୍କୁ ବହୁତ ଭଲ ପାଆନ୍ତି । ତାଙ୍କର ପ୍ରେମ ଏବଂ ଆଶୀର୍ବାଦ ଜଣେ ବ୍ୟକ୍ତିଙ୍କୁ ଆଗକୁ ବଢିବାରେ ସାହାଯ୍ୟ କରେ । ବଜରଙ୍ଗବାଲିଙ୍କ ଜନ୍ମଦିନ ଚୈତ୍ର ମାସର ପୂର୍ଣ୍ଣିମା ଦିନ ପାଳନ କରାଯାଏ । ଯିଏ ବଜରଙ୍ଗବାଲି ବାବାଙ୍କ ଆଶୀର୍ବାଦ ପାଏ, ଦୁନିଆର କୌଣସି ଦୁଃଖ ଯନ୍ତ୍ରଣା ତାଙ୍କୁ ସ୍ପର୍ଶ କରିପାରେ ନାହିଁ । ହନୁମାନ ଜୟନ୍ତୀ ଦିନ ବଜରଙ୍ଗବାଲିଙ୍କୁ ସ୍ୱତନ୍ତ୍ର ପୂଜା କରାଯିବା ଉଚିତ ଏବଂ ତାଙ୍କୁ ଲଡୁ ଅର୍ପଣ କରାଯିବା ଉଚିତ, କାରଣ ହନୁମାନ ଜୀ ଲଡୁ ବହୁତ ପସନ୍ଦ କରନ୍ତି ।

ପୂଜାର ଶୁଭ ମୁହୂର୍ତ୍ତ

ପୂର୍ଣ୍ଣିମା ତିଥି ଆରମ୍ଭ : ବୁଧବାର, 5 ଅପ୍ରେଲ ସକାଳ 9.19 ପୂର୍ବାହ୍ନ
ପୂର୍ଣ୍ଣିମା ତିଥି ସମାପ୍ତ: ଗୁରୁବାର, 6 ଅପ୍ରେଲ 10.4 ମିନିଟରେ ଉଦୟତିଥୀ ପୂଜାରେ ବୈଧ, ତେଣୁ ଜୟନ୍ତୀ ପର୍ବ କେବଳ ଅପ୍ରେଲ 6 ରେ ପାଳନ କରାଯିବ ।
ଯୋଗ: ହର୍ଷଣ ଯୋଗ
ନକ୍ଷତ୍ର: ହସ୍ତ ଏବଂ ଚିତ୍ର

ପୂଜା ବିଧି

ସକାଳୁ ଗାଧୋଇ ସଫା ପୋଷାକ ପିନ୍ଧନ୍ତୁ । ହନୁମାନ ଜୀଙ୍କ ନାମରେ ଧ୍ୟାନ କରନ୍ତୁ । ହନୁମାନ ମନ୍ଦିର ଯାଆନ୍ତୁ । ଲଡୁ ଭୋଗ ଲଗାନ୍ତୁ । ଆରତି କରି ପ୍ରସାଦ ବଣ୍ଟନ କରନ୍ତୁ ।

ନିଶ୍ଚୟ କରନ୍ତୁ ଏହି କାମ

ଯଦି ଆପଣଙ୍କର କୌଣସି କାର୍ଯ୍ୟ ଦୀର୍ଘ ସମୟ ଧରି ଅଟକି ରହିଥାଏ, ତେବେ ଦୈନିକ ହନୁମାନ ଜୀଙ୍କର ତେରଟି ନାମ ପଢନ୍ତୁ । ଆପଣଙ୍କର କାର୍ଯ୍ୟ ଶୀଘ୍ର ସମାପ୍ତ ହେବ ।
କୁହାଯାଏ ଯେ ଯିଏ ସକାଳୁ ଉଠି ହନୁମାନ ଜୀଙ୍କ ଧ୍ୟାନ କରେ, ସେହି ବ୍ୟକ୍ତି ଦୀର୍ଘ ଜୀବନ ପାଇଥାଏ ।
ଯଦି ଆପଣ ଆର୍ଥିକ ଅସୁବିଧାର ସମ୍ମୁଖୀନ ହେଉଛନ୍ତି, ତେବେ ନିୟମିତ ଭାବେ ହନୁମାନ ଜୀଙ୍କର ତେର ନାମ ପଢନ୍ତୁ, ଏଥିରୁ ମୁକ୍ତି ପାଇବେ ।
ସନ୍ଧ୍ୟାରେ ହନୁମାନ ଜୀ ନାମ ଜପ କଲେ ଘରେ କୌଣସି ଅସୁବିଧା ହୁଏ ନାହିଁ ଏବଂ ଶତ୍ରୁମାନଙ୍କ ବିନାଶ ହୁଏ ।

Published On April 6, 2023