ଜାଣନ୍ତୁ, ପୁଣି କେବେ ପଡିଆକୁ ଫେରିବେ ଯୁବରାଜ ?

ପୂର୍ବତନ ଭାରତୀୟ କ୍ରିକେଟର ଯୁବରାଜ ସିଂ ସୂଚନା ଦେଇଛନ୍ତି ଯେ, ସେ ଫେବୃଆରୀ 2022 ରେ ପଡିଆକୁ ଫେରିବା ସମ୍ଭାବନା ରହିଛି। ଆଜିର ଦିନରେ ଯୁବରାଜ ଭାରତର ସର୍ବୋତ୍ତମ ଅଲରାଉଣ୍ଡରମାନଙ୍କ ମଧ୍ୟରୁ ଜଣେ ।

ନୂଆଦିଲ୍ଲୀ: ପୂର୍ବତନ ଭାରତୀୟ କ୍ରିକେଟର ଯୁବରାଜ ସିଂ ସୂଚନା ଦେଇଛନ୍ତି ଯେ, ସେ ଫେବୃଆରୀ 2022 ରେ ପଡିଆକୁ ଫେରିବା ସମ୍ଭାବନା ରହିଛି। ଆଜିର ଦିନରେ ଯୁବରାଜ ଭାରତର ସର୍ବୋତ୍ତମ ଅଲରାଉଣ୍ଡରମାନଙ୍କ ମଧ୍ୟରୁ ଜଣେ । ଏହି ଅଲରାଉଣ୍ଡର 2011 ବିଶ୍ୱକପରେ 'ମ୍ୟାନ୍ ଅଫ୍ ଦି ଟୁର୍ଣ୍ଣାମେଣ୍ଟ' ପୁରସ୍କାର ମଧ୍ୟ ପାଇଥିଲେ। ଯେଉଁଠାରେ ଭାରତୀୟ କ୍ରିକେଟ୍ ଦଳ 28 ବର୍ଷ ପରେ ଫାଇନାଲରେ ଶ୍ରୀଲଙ୍କାକୁ ପରାସ୍ତ କରି ବିଶ୍ୱ ଟାଇଟଲ୍ ଜିତିଥିଲା । ଏହି ସମୟରେ ଯୁବରାଜ ସିଂ କର୍କଟ ରୋଗରେ ଆକ୍ରାନ୍ତ ଥିଲେ ।

ଯୁବରାଜ ସିଂ 40 ଟି ଟେଷ୍ଟ, 304 ଟି ଦିନିକିଆ ଏବଂ 58 ଟି-20 ଅନ୍ତର୍ଜାତୀୟରେ 17ଟି ଶତକ ଏବଂ 71 ଟି ଅର୍ଦ୍ଧଶତକ ସହ 11,000 ରୁ ଅଧିକ ରନ୍ ସଂଗ୍ରହ କରିଛନ୍ତି। ଯେତେବେଳେ ଯୁବରାଜ ଫର୍ମରେ ଥାନ୍ତି, କୌଣସି ବୋଲର ତାଙ୍କୁ ଅଟକାଇବା ବହୁତ କଷ୍ଟସାଧ୍ୟ ଥିଲା । 39 ବର୍ଷୀୟ ଅଲରାଉଣ୍ଡର ମଧ୍ୟ ଦୁଇଟି 4 ୱିକେଟ ହଲ ଓ ଥରେ ପାଞ୍ଚ ୱିକେଟ୍ ହଲ ସହ 148 ୱିକେଟ୍ ନେଇଛନ୍ତି।

ତେବେ ଆଜି ଇନଷ୍ଟଗ୍ରାମରେ ପୋଷ୍ଟରେ ଯୁବରାଜ ଲେଖିଛନ୍ତି, ' ଭଗବାନ ତୁମର ଭାଗ୍ୟ ନିଦ୍ଧାରଣ କରନ୍ତି ! ଜନସାଧାରଣଙ୍କ ଇଚ୍ଛା ପାଇଁ ଆସନ୍ତା ଫେବ୍ରୂୁଆରୀ ମାସରେ ମୁଁ ପଡିଆକୁ ଫେରିବି ବୋଲି ଆଶାବାଦୀ ଅଛି । ଆପଣମାନଙ୍କ ଭଲ ପାଇବା ଓ ସୁଭେଚ୍ଛା ପାଇଁ ଧନ୍ୟବାଦ । ଏହା ମୋ ପାଇଁ ବହୁତ ମୂଲ୍ୟବାନ । ଇଣ୍ଡିଆକୁ ସମର୍ଥନ ଜାରି ରଖନ୍ତୁ । ଏହା ଆମର ଟିମ୍ ଏବଂ ଜଣେ ପ୍ରକୃତ ପ୍ରଶସଂକ ଖରାପ ସମୟରେ ମଧ୍ୟ ସମର୍ଥନ ଜାରି ରଖେ' ।

English summary

Yuvraj Singh hinted to return to the field