IND vs NZ: ବୃହତ ବିଜୟ ପରେ ମଧ୍ୟ 3ୟ ସ୍ଥାନରେ ଭାରତ

ବିଶ୍ୱ ଟେଷ୍ଟ ଚାମ୍ପିୟନସିପରେ ଭାରତ ତୃତୀୟ ସ୍ଥାନରେ ରହିଛି। ଶ୍ରୀଲଙ୍କା ଦଳ ଶୀର୍ଷ ସ୍ଥାନ ବଜାୟ ରଖିଛି। ଭାରତ ଏପର୍ଯ୍ୟନ୍ତ WTC ଅଧୀନରେ ମୋଟ 6 ଟି ଟେଷ୍ଟ ମ୍ୟାଚ୍ ଖେଳିଛି, ସେଥିମଧ୍ୟରୁ ତିନୋଟି ଜିତିଛି ଏବଂ ଗୋଟିଏ ହାରିଥିବାବେଳେ ଦୁଇଟି ଟେଷ୍ଟ ଡ୍ର ରହିଛି।

ମୁମ୍ବାଇ: ବିଶ୍ୱ ଟେଷ୍ଟ ଚାମ୍ପିୟନସିପରେ ଭାରତ ତୃତୀୟ ସ୍ଥାନରେ ରହିଛି। ଶ୍ରୀଲଙ୍କା ଦଳ ଶୀର୍ଷ ସ୍ଥାନ ବଜାୟ ରଖିଛି। ଭାରତ ଏପର୍ଯ୍ୟନ୍ତ WTC ଅଧୀନରେ ମୋଟ 6 ଟି ଟେଷ୍ଟ ମ୍ୟାଚ୍ ଖେଳିଛି, ସେଥିମଧ୍ୟରୁ ତିନୋଟି ଜିତିଛି ଏବଂ ଗୋଟିଏ ହାରିଥିବାବେଳେ ଦୁଇଟି ଟେଷ୍ଟ ଡ୍ର ରହିଛି।

ଭାରତରେ ମୋଟ 42 ପଏଣ୍ଟ ରହିଛି। ଯଦିଓ 24 ପଏଣ୍ଟ ସତ୍ତ୍ୱେ ପାକିସ୍ତାନ ଦ୍ୱିତୀୟ ସ୍ଥାନରେ ରହିଛି । ପାକିସ୍ତାନ ୨ଟି ମ୍ୟାଚ୍ ଜିତି ଗୋଟିଏ ମ୍ୟାଚ୍ ହାରିଛି। ଶତ ପ୍ରତିଶତ ପଏଣ୍ଟରେ ଶ୍ରୀଲଙ୍କା ପ୍ରଥମ ଏବଂ ପାକିସ୍ତାନ ଦ୍ୱିତୀୟ ସ୍ଥାନରେ ରହିଛି। ପଏଣ୍ଟ ର ପ୍ରତିଶତ ଅନୁଯାୟୀ ଦଳର ର଼୍ୟାଙ୍କିଙ୍ଗ ସ୍ଥିର ହେବ। ଡିଫେଣ୍ଡିଂ ଚାମ୍ପିଅନ୍ ନ୍ୟୁଜିଲ୍ୟାଣ୍ଡ ମୁମ୍ବାଇ ଟେଷ୍ଟରେ ହାରିଯିବା ପରେ ଏକ ବଡ ଝଟକା ଲାଗିଛି। ଦ୍ୱିତୀୟ ଟେଷ୍ଟରେ ଟିମ୍ ଇଣ୍ଡିଆ 372 ରନ୍ ବ୍ୟବଧାନରେ କିୱି ଦଳକୁ ପରାସ୍ତ କରିଛି । ଏହି କାରଣରୁ ନ୍ୟୁଜିଲାଣ୍ଡ ଚତୁର୍ଥରୁ ଷଷ୍ଠ ସ୍ଥାନକୁ ଖସି ଆସିଛି।

ଶ୍ରୀଲଙ୍କାର ପଏଣ୍ଟ ଶତକଡ଼ା 100 ପ୍ରତିଶତ, ପାକିସ୍ତାନର 66.66 ପ୍ରତିଶତ ଏବଂ ଭାରତର 55.33 ପ୍ରତିଶତ ରହିଛି। ତେବେ ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଗୋଟିଏ ବି ମ୍ୟାଚ୍ ଖେଳି ନାହାଁନ୍ତି ।

ଏହା ହେଉଛି ବିଶ୍ୱ ଟେଷ୍ଟ ଚାମ୍ପିଅନସିପ୍ (WTC) ର ଦ୍ୱିତୀୟ ସିଜନ୍ । ଏଥିରେ ମୋଟ 9 ଟି ଦଳ ଅନ୍ତର୍ଭୁକ୍ତ କରାଯାଇଛି । ଏପର୍ଯ୍ୟନ୍ତ 7 ଟି ଦଳ ଅତି କମରେ ଗୋଟିଏ ମ୍ୟାଚ୍ ଖେଳିଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଏପର୍ଯ୍ୟନ୍ତ ଗୋଟିଏ ବି ମ୍ୟାଚ୍ ଖେଳି ନାହାଁନ୍ତି। ଇଂଲଣ୍ଡ ଏବଂ ଅଷ୍ଟ୍ରେଲିଆ ମଧ୍ୟରେ ଆସେସ୍ ସିରିଜ୍ 8 ଡିସେମ୍ବରରୁ ଆରମ୍ଭ ହେଉଛି । ଏହି ସିରିଜରୁ ଅଷ୍ଟ୍ରେଲିଆର ଦଳ ଏହାର ପ୍ରଥମ ମ୍ୟାଚ୍ ଖେଳିବ । ଅନ୍ୟପକ୍ଷରେ ଟିମ୍ ଇଣ୍ଡିଆକୁ ଚଳିତ ମାସରେ ଦକ୍ଷିଣ ଆଫ୍ରିକା ଗସ୍ତ କରିବାକୁ ପଡିବ।

ଟିମ୍ ଇଣ୍ଡିଆ ଏହି ଭ୍ରମଣରେ ତିନି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳିବ । ଏହି ସିରିଜ୍ ବିଶ୍ୱ ଟେଷ୍ଟ ଚାମ୍ପିଅନସିପ୍ ପାଇଁ ଦକ୍ଷିଣ ଆଫ୍ରିକାର ଅଭିଯାନ ମଧ୍ୟ ଆରମ୍ଭ କରିବ । ଭାରତୀୟ ଦଳ ଦକ୍ଷିଣ ଆଫ୍ରିକାରେ ଏପର୍ଯ୍ୟନ୍ତ ଟେଷ୍ଟ ସିରିଜ୍ ଜିତି ନାହିଁ।

English summary

WTC Points Table: India ranked third, champion New Zealand got a big setback