ଧମକ ଦେଇଥିବା ସାମ୍ବାଦିକଙ୍କ ନାମ କହିଲେ ରିଦ୍ଧିମାନ ସାହା
ନୂଆଦିଲ୍ଲୀ- ଭାରତୀୟ କ୍ରିକେଟ୍ ଦଳର ୱିକେଟକିପର ବ୍ୟାଟ୍ସମ୍ୟାନ୍ ରିଦ୍ଧିମାନ ସାହା ଶନିବାର ଦିନ 3 ଜଣିଆ ବିସିସିଆଇ କମିଟି ସହିତ ଏକ ବୈଠକ କରିଛନ୍ତି । ତେବେ ଏହି ବୈଠକରେ ସେ ତାଙ୍କୁ କିଛି ସପ୍ତାହ ପୂର୍ବରୁ ଧମକ ଦେଇଥିବା ସାମ୍ବାଦିକଙ୍କ ନାମ ପ୍ରକାଶ କରିଥିବା ସୂଚନା ମିଳିଛି ।
ସୂଚନାଯୋଗ୍ୟ ଯେ, ଯେତେବେଳେ ଭାରତ ଏବଂ ଶ୍ରୀଲଙ୍କା ମଧ୍ୟରେ ଖେଳାଯିବାକୁ ଥିବା 2 ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ପାଇଁ ଚୟନ କମିଟି ଦଳ ଘୋଷଣା କରିଥିଲା । ସେତେବେଳେ ସାହାଙ୍କ ଚୟନ ନ ହେବା ନେଇ ଜଣେ ସାମ୍ବାଦିକ ତାଙ୍କୁ ଅପମାନଜନକ କଥା କହିଥିଲେ । ଯାହା ସାହା ତାଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲ ପୋଷ୍ଟ କରିଥିଲେ ।
ବିସିସିଆଇ ଏହି ପ୍ରସଙ୍ଗରେ ଏକ 3 ସଦସ୍ୟ ବିଶିଷ୍ଟ ଅନୁସନ୍ଧାନ କମିଟି ଗଠନ କରିଥିଲା । ଯାହା ଏହି ଘଟଣାର ଅନୁସନ୍ଧାନ କରିବ । ଯାହା ଦ୍ବାରା ଭବିଷ୍ୟତରେ କୌଣସି ଖେଳାଳୀଙ୍କୁ ଏପରି ସ୍ଥିତିର ସମ୍ମୁଖୀନ ହେବାକୁ ପଡିବ ନାହିଁ । ବିସିସିଆଇର ଉପ-ସଭାପତି ରାଜୀବ ଶୁକ୍ଲାଙ୍କ ନେତୃତ୍ୱରେ ଏହି କମିଟି ଶନିବାର ଦିନ ରିଦ୍ଧିମାନ ସାହାଙ୍କ ସହ ଏକ ବୈଠକ କରିଛି । ଯେଉଁଠାରେ ଭାରତୀୟ କ୍ରିକେଟର ଏହି ସମ୍ପର୍କିତ ସମସ୍ତ ତଥ୍ୟ ବୋର୍ଡକୁ ଦେଇଛନ୍ତି।
ଫେବୃଆରୀ 19 ରେ ଏହି ଧମକ ମିଳିଥିଲା
ସୂଚନାଯୋଗ୍ୟ ଯେ ଫେବୃଆରୀ 19 ରେ ସାହା ତାଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ସାମ୍ବାଦିକଙ୍କ ସହ ତାଙ୍କ ହ୍ୱାଟ୍ସଆପ ବାର୍ତ୍ତାଳାପର ଏକ ସ୍କ୍ରିନସଟ୍ ସେୟାର କରିଥିଲେ । ଯେଉଁଥିରେ ଟେଷ୍ଟ ଦଳରୁ ଓହରିଯିବା ପରେ ସାମ୍ବାଦିକ ଏକ ସାକ୍ଷାତକାର ମାଗିଥିଲେ । କିନ୍ତୁ ସେ କୌଣସି ଉତ୍ତର ଦେଇନଥିଲେ । ଯାହା ପରେ ସାମ୍ବାଦିକ ତାଙ୍କୁ ଏକ ଧମକପୂର୍ଣ୍ଣ ସ୍ୱରରେ ଉତ୍ତର ଦେଇଥିଲେ ।
ତଥାପି, ଏହା ସତ୍ତ୍ୱେ ସାହା ସ୍ପଷ୍ଟ କରି କହିଥିଲେ ଯେ, ସେ କେବଳ ପ୍ରଶଂସକମାନଙ୍କୁ କହିବାକୁ ଚେଷ୍ଟା କରୁଛନ୍ତି ଯେ, ଆମକୁ କେଉଁ ଜିନିଷ ଦେଇ ଗତି କରିବାକୁ ପଡୁଛି ।
Click it and Unblock the Notifications
Sign in with Google