ବିଶ୍ବ ଟେଷ୍ଟ ଚାମ୍ପିଅନସିପ: ଫାଇନାଲ ନିକଟତର ଭାରତ

ବାଂଲାଦେଶ ବିପକ୍ଷ ଟେଷ୍ଟ ସିରିଜରେ ୨-୦ ରେ ବିଜୟ ପରେ ଭାରତର ବିଶ୍ବ ଟେଷ୍ଟ ଚାମ୍ପିଅନସିପ ଫାଇନାଲ ଖେଳିବା ଏକ ପ୍ରକାର ପକ୍କା ହୋଇଯାଇଛି । ଆଇସିସି ଟେଷ୍ଟ ଚାମ୍ପିଅନସିପ୍ ପଏଣ୍ଟ ଟେବୁଲରେ ଭାରତ ବର୍ତ୍ତମାନ ଦ୍ୱିତୀୟ ନମ୍ବରରେ ପହଞ୍ଚିଛି।

Published: Sunday, December 25, 2022, 20:08 [IST]

ନୂଆଦିଲ୍ଲୀ: ବାଂଲାଦେଶ ବିପକ୍ଷ ଟେଷ୍ଟ ସିରିଜରେ ୨-୦ ରେ ବିଜୟ ପରେ ଭାରତର ବିଶ୍ବ ଟେଷ୍ଟ ଚାମ୍ପିଅନସିପ ଫାଇନାଲ ଖେଳିବା ଏକ ପ୍ରକାର ପକ୍କା ହୋଇଯାଇଛି । ଆଇସିସି ଟେଷ୍ଟ ଚାମ୍ପିଅନସିପ୍ ପଏଣ୍ଟ ଟେବୁଲରେ ଭାରତ ବର୍ତ୍ତମାନ ଦ୍ୱିତୀୟ ନମ୍ବରରେ ପହଞ୍ଚିଛି।

ଯଦିଓ ଦକ୍ଷିଣ ଆଫ୍ରିକାର ଏକ ସୁଯୋଗ ଅଛି ଏବଂ ସେ ପ୍ରତ୍ୟାବର୍ତ୍ତନ କରିପାରନ୍ତି । ଫାଇନାଲରେ ପ୍ରବେଶ କରିବା ପାଇଁ ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜ ଜିତିବା ଭାରତ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି।

ଭାରତ ତା'ର ପରବର୍ତ୍ତି ଟେଷ୍ଟ ସିରିଜ୍ ଘରୋଇ ମାଟିରେ ଅଷ୍ଟ୍ରେଲିଆ ବିପକ୍ଷରେ ଖେଳିବ । ଉଭୟ ଦଳ ମଧ୍ୟରେ ୪ଟି ଟେଷ୍ଟ ମ୍ୟାଚ୍ ଖେଳାଯିବାର ଅଛି । ଏମିତି ସ୍ଥିତିରେ ଭାରତ ଟେଷ୍ଟ ଚାମ୍ପିଅନସିପ୍ ଫାଇନାଲ ଖେଳିବା ପ୍ରାୟତଃ ନିଶ୍ଚିତ ହୋଇଯାଇଛି ।

ପଏଣ୍ଟ ଟେବୁଲ

ଟିମ---- ମ୍ୟାଚ୍----ବିଜୟ---ଡ୍ର---ପରାଜୟ
ଅଷ୍ଟ୍ରେଲିଆ ୧୩ ୯ ୩ ୧
ଭାରତ ୧୪ ୮ ୨ ୪
ଦ.ଆଫ୍ରିକା ୧୧ ୬ ୦ ୫
ଶ୍ରୀଲଙ୍କା ୧୦ ୫ ୧ ୪
ଇଂଲଣ୍ଡ ୨୨ ୧୦ ୪ ୮

ପଏଣ୍ଟ ଟେବୁଲର ପ୍ରଥମ ଦୁଇଟି ସ୍ଥାନରେ ଥିବା ଟିମ୍ ମଧ୍ୟରେ ବିଶ୍ବ ଟେଷ୍ଟ ଚାମ୍ପିଅନସିପ୍ ଫାଇନାଲ ମ୍ୟାଚ ହୋଇଥାଏ । ବର୍ତ୍ତମାନ ଅଷ୍ଟ୍ରେଲିଆ ଓ ଭାରତ ଏହି ସ୍ଥାନରେ ଥିଲେ ବି ଭାରତ ଫାଇନାଲକୁ ଯିବା ଏତେ ସହଜ ନୁହେଁ । କାରଣ ଦକ୍ଷିଣ ଆଫ୍ରିକା ଭାରତକୁ କଡା ଟକ୍କର ଦେଉଛି । ଏମିତି ସ୍ଥିତିରେ ଭାରତକୁ ଆଷ୍ଟ୍ରେଲିଆ ବିପକ୍ଷ ୪ ଟିକିଆ ସିରିଜରେ ଅତିକମରେ ୩ଟି ମ୍ୟାଚ୍ ଜିତିବାକୁ ପଡ଼ିବ । ହେଲେ ଅଷ୍ଟ୍ରେଲିଆ ବିପକ୍ଷରେ ଭାରତ ୩ କିମ୍ବା ୪ଟି ଯାକ ଟେଷ୍ଟ ମ୍ୟାଚ୍ ଜିତିବା କାଠିକର ପାଠ । ଏମିତି ସ୍ଥିତିରେ ଭାରତକୁ ପୂରା ଜାନ୍ ଲଗାଇ ଖେଳିବାକୁ ପଡ଼ିବ ।

Published On December 25, 2022