ବିଶ୍ୱକପ 2023: 'ଭାରତ ପାଇଁ ଅଶ୍ୱିନ ସାଜିବେ ଗେମ୍ ଚେଞ୍ଜର୍'
World Cup 2023: ଆଇସିସି ଦିନିକିଆ ବିଶ୍ୱକପ୍ ଆରମ୍ଭ ହୋଇ ସାରିଛି । ଏହି ବିଶ୍ୱକପର ପ୍ରଥମ ମ୍ୟାଚ୍ ଗତ ଥର ବିଜେତା ଇଂଲଣ୍ଡ ଏବଂ ରନର୍ ଅପ୍ ନ୍ୟୁଜିଲାଣ୍ଡ ମଧ୍ୟରେ ଖେଳା ଯାଉଛି । ଏଥି ସହିତ ଭାରତର ପ୍ରଥମ ବିଶ୍ୱକପ ମ୍ୟାଚ୍ ଅଷ୍ଟ୍ରେଲିଆ ବିପକ୍ଷରେ 8 ଅକ୍ଟୋବରରେ ଖେଳାଯିବ । ଚେନ୍ନାଇରେ ଭାରତର ପ୍ରଥମ ମ୍ୟାଚ୍ ଖେଳାଯିବ । ଯାହା ଏକ ସ୍ପିନ୍ ଫ୍ରେଣ୍ଡଲି ପିଚ୍ ଭାବରେ ବିବେଚନା କରାଯାଏ ।
ଏଭଳି ପରିସ୍ଥିତିରେ କ୍ରିକେଟ୍ ବିଶେଷଜ୍ଞ ମାନେ ବିଶ୍ୱାସ କରନ୍ତି ଯେ ଟିମ୍ ଇଣ୍ଡିଆ ବିଶ୍ୱକପର ପ୍ରଥମ ମ୍ୟାଚରେ ତିନି ସ୍ପିନ ବୋଲରଙ୍କ ସହିତ ପଡିଆକୁ ଓହ୍ଲାଇବ । ଯେଉଁମାନଙ୍କ ମଧ୍ୟରୁ ରବିଚନ୍ଦ୍ରନ୍ ଅଶ୍ୱିନ୍ ହେବେ ଗେମ୍ ଚେଞ୍ଚର୍ । ରବିଚନ୍ଦ୍ରନ୍ ଅଶ୍ୱିନ୍ ହଠାତ୍ ଦିନିକିଆ ଫର୍ମାଟରେ ପ୍ରତ୍ୟାବର୍ତ୍ତନ କରିବାର ସୁଯୋଗ ପାଇଲେ ଏବଂ ପରେ ତାଙ୍କୁ ବିଶ୍ୱକପ୍ ଦଳରେ ମଧ୍ୟ ଅନ୍ତର୍ଭୁକ୍ତ କରାଯାଇଥିଲା ।
ଅଶ୍ୱିନ୍ ଦଳରେ ଯୋଗଦେବା ପରେ ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି କହିଛନ୍ତି, "ସେ ଜଣେ ମହାନ୍ ସ୍ପିନର । ସେ ବୋଧହୁଏ ଦୁନିଆର ସର୍ବୋତ୍ତମ ଅଫ୍ ସ୍ପିନର ଅଟନ୍ତି । ଏଥିସହ ସେ ଭାରତର ସର୍ବୋତ୍ତମ ସ୍ପିନର । ମୁଁ ସର୍ବଦା ଭାବୁଛି ଯେ ବିଶେଷ କରି ଏହି ଫର୍ମାଟ୍ ପାଇଁ ସେ ଜଣେ ଗୁରୁତ୍ୱପୂର୍ଣ୍ଣ ଏବଂ ବିଶେଷଜ୍ଞ ସ୍ପିନର । ଏହା ଏକ ବହୁତ ଭଲ ନିଷ୍ପତ୍ତି । ଅକ୍ସର ପଟେଲ ଆହତ କାରଣରୁ ବାହାରକୁ ଯାଇଛନ୍ତି, କିନ୍ତୁ ମୁଁ ଭାବୁଛି ଏହା ଏକ ବହୁତ ଭଲ ନିଷ୍ପତ୍ତି । "
ନିକଟରେ ଶେଷ ହୋଇଥିବା ଅଷ୍ଟ୍ରେଲିଆ ସିରିଜ ପୂର୍ବରୁ ରବିଚନ୍ଦ୍ରନ ଅଶ୍ୱିନ 18 ମାସ ପରେ ଦିନିକିଆ କ୍ରିକେଟକୁ ପ୍ରତ୍ୟାବର୍ତ୍ତନ କରିଥିଲେ । ଟିମ୍ ଇଣ୍ଡିଆର ଚୟନକର୍ତ୍ତାମାନେ ବିଶ୍ୱକପ୍ର ପ୍ରାରମ୍ଭିକ ଦଳରେ ରବିଚନ୍ଦ୍ରନ୍ ଅଶ୍ୱିନ୍ଙ୍କୁ ମଧ୍ୟ ବିଚାର କରି ନଥିଲେ । କିନ୍ତୁ ଏସିଆ କପରେ ଅକ୍ସର ପଟେଲଙ୍କ ଆଘାତ ପରେ ରବିଚନ୍ଦ୍ରନ ଅଶ୍ୱିନ ଅଷ୍ଟ୍ରେଲିଆ ବିପକ୍ଷ ODI ସିରିଜ ପାଇଁ ମନୋନୀତ ହୋଇଥିଲେ । ଅଶ୍ୱିନ ଅଷ୍ଟ୍ରେଲିଆ ବିପକ୍ଷରେ ଭଲ ପ୍ରଦର୍ଶନ କରିଥିଲେ ଏବଂ ଏହା ପରେ ତାଙ୍କୁ ବିଶ୍ୱକପ ଦଳରେ ସାମିଲ କରାଯାଇଥିଲା ।
Click it and Unblock the Notifications
Sign in with Google