BAN vs SL: ଅସଲଙ୍କାଙ୍କ ଦମଦାର ଶତକ, ୨୭୯ ରନ କଲା ଶ୍ରୀଲଙ୍କା

Updated: Monday, November 6, 2023, 22:13 [IST]

ଦିଲ୍ଲୀରେ ବାଂଲାଦେଶ ବିପକ୍ଷରେ ଖେଳୁଥିବାବେଳେ ଶ୍ରୀଲଙ୍କା ବ୍ୟାଟ୍ସମ୍ୟାନ୍ ଚରିଥା ଅସଲଙ୍କା ଚମତ୍କାର ବ୍ୟାଟିଂ କରି ଶତକ ହାସଲ କରିଛନ୍ତି । ପ୍ରଥମେ ବ୍ୟାଟିଂ କରି ଶ୍ରୀଲଙ୍କା ଦଳ ମୋଟ 279 ରନ୍ ସ୍କୋର କରିପାରିଛି ।

ଟସ୍ ଜିତିବା ପରେ ବାଂଲାଦେଶ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଏହା ପରେ ବୋଲରମାନେ ସେମାନଙ୍କର କାମ ଆରମ୍ଭ କରିଥିଲେ । ୪ ରନ୍ ସ୍କୋର କରିବା ପରେ କୁସାଲ ପେରେରା ଆଉଟ୍ ହୋଇଥିଲେ । ପୃଥମ୍ ନିସଙ୍କା ଏବଂ କୁସାଲ୍ ମେଣ୍ଡିସ୍ ମିଳିତ ଭାବରେ ଅର୍ଦ୍ଧ ଶତକୀୟ ଭାଗିଦାରୀ କରିଥିଲେ ।

୧୯ ରନ୍ ସ୍କୋର କରିବା ପରେ ମେଣ୍ଡିସ୍ ଆଉଟ୍ ହୋଇଥିଲେ। ତାଙ୍କ ପରେ ନିସଙ୍କା ମଧ୍ୟ ତାଙ୍କ ବ୍ୟକ୍ତିଗତ ସ୍କୋରରେ 41 ରନ୍ ସଂଗ୍ରହ କରିଥିଲେ । ଅସଲଙ୍କା ଏବଂ ସମିରାବିକ୍ରମା ମଧ୍ୟରେ ଏକ ଅର୍ଦ୍ଧ ଶତକୀୟ ଭାଗିଦାରୀ ହୋଇଥିଲା। ସମିରାବିକ୍ରମା ମଧ୍ୟ 41 ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ ଏବଂ ପରେ ଏକ ଡ୍ରାମା ଘଟିଥିଲା ।

ମାଥ୍ୟୁସ୍ କ୍ରିଜକୁ ଆସିବା ବିଳମ୍ବ ହୋଇଥିଲା। ହେଲମେଟର ଷ୍ଟ୍ରିପ୍ ଭାଙ୍ଗିଯିବାରୁ ସେ ଏକ ନୂଆ ହେଲମେଟ ପାଇଁ କହିଥିଲେ ଏବଂ ପରେ ଶାକିବ ଅଲ ହାସନଙ୍କ ଆବେଦନ ଅନୁସାରେ ଅନ୍ତର୍ଜାତୀୟ କ୍ରିକେଟରେ ପ୍ରଥମ ଥର ପାଇଁ ଏକ ବ୍ୟାଟ୍ସମ୍ୟାନ୍ ଟାଇମ୍ ଆଉଟ୍ ହୋଇଥିଲେ।

ଧନଞ୍ଜୟ ଡି ସିଲଭା କିଛି ସମୟ ପାଇଁ କ୍ରିଜରେ ରହି ଅସଲଙ୍କାଙ୍କ ସହ ଏକ ସ୍ୱଳ୍ପ ଭାଗିଦାରୀ ଖେଳିଥିଲେ କିନ୍ତୁ ସେ ମଧ୍ୟ 34 ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ । ମହୀଶ ତିକ୍ଷଣା ମଧ୍ୟ କିଛି ସମୟ ପାଇଁ କ୍ରିଜରେ ରହିଲେ, ସେ ବ୍ୟକ୍ତିଗତ ରନରେ 22 ରନ୍ କରି ଚାଲିଗଲେ । ଅସଲଙ୍କା କ୍ରିଜରେ ରହି ଶତକ ହାସଲ କରିବା ପରେ 108 ରେ ଆଉଟ୍ ହୋଇଥିଲେ। ଶେଷରେ ଶ୍ରୀଲଙ୍କା ଦଳ 279 ରେ ଆଉଟ୍ ହୋଇଥିଲା । ତାନଜିମ ହାସନ ୩ ୱିକେଟ୍ ନେଇଥିଲେ। ଶାକିବ ଏବଂ ଶୋରିଫୁଲ 2-2 ୱିକେଟ୍ ନେଇଥିଲେ। ଯଦିଓ ଉଭୟ ଦଳ ସେମିଫାଇନାଲ ଦୌଡ ବାହାରେ, ତଥାପି ଏକ ବିଜୟ ସହିତ ବିଶ୍ଵକପ ଶେଷ କରିବାକୁ ଏକ ପ୍ରୟାସ ଦେଖିବାକୁ ମିଳିଛି ।