ପଦକ ଜିତିବା ପରେ ନୀରଜ ଚୋପ୍ରାଙ୍କ ଉପରେ ଟଙ୍କାର ବର୍ଷା, ପୁରସ୍କାର ରାଶି ଭାବେ ମିଳିଲା ଏତେ ଟଙ୍କା...

World Athletics Championship, Neeraj Chopra Prize Money: ବୁଦ୍ଧପେଷ୍ଟରେ ଆୟୋଜିତ ବିଶ୍ୱ ଆଥଲେଟିକ୍ସ ଚାମ୍ପିଅନସିପ୍ ଜାଭେଲିନ୍ ଫାଇନାଲରେ ଭାରତର ତାରକା ଆଥଲେଟ୍ ନୀରଜ ଚୋପ୍ରା ଇତିହାସ ସୃଷ୍ଟି କରିଛନ୍ତି । ଏହି ଚାମ୍ପିଅନସିପରେ ସ୍ୱର୍ଣ୍ଣ ପଦକ ଜିତିଥିବା ନୀରଜ ପ୍ରଥମ ଭାରତୀୟ ହୋଇଛନ୍ତି ।

ଜାଭେଲିନ୍ ଥ୍ରୋରେ 88.17 ମିଟର ଥ୍ରୋ ସହିତ ସେ ଏହି ସଫଳତା ହାସଲ କରିଛନ୍ତି । ସେ 86.32 ମିଟର, 84.64 ମିଟର, 87.73 ମିଟର ଏବଂ 83.98 ମିଟର ଥ୍ରୋ ଫିଙ୍ଗିଛନ୍ତି । ସ୍ୱର୍ଣ୍ଣ ପଦକ ଜିତିବା ପରେ ନୀରଜ ଚୋପ୍ରାଙ୍କ ଉପେରେ ଟଙ୍କା ବର୍ଷା ହୋଇଛି ।

ବିଶ୍ୱ ଆଥଲେଟିକ୍ସ ଚାମ୍ପିଅନସିପରେ ସ୍ୱର୍ଣ୍ଣ ପଦକ ଜିତିବା ପାଇଁ ନୀରଜ ଚୋପ୍ରା 70 ହଜାର ଡଲାର ଅର୍ଥାତ୍ ପ୍ରାୟ 58 ଲକ୍ଷ ଟଙ୍କା ପୁରସ୍କାର ରାଶି ପାଇଛନ୍ତି । ଏଥି ସହ ପାକିସ୍ତାନର ଅର୍ଶଦ ନାଡିମ ଦ୍ୱିତୀୟ ସ୍ଥାନରେ ରହିଛନ୍ତି । ଅର୍ଶଦ ନାଦିମଙ୍କୁ 35 ହଜାର ଡଲାର ଅର୍ଥାତ୍ ପ୍ରାୟ 29 ଲକ୍ଷ ଟଙ୍କା ପୁରସ୍କାର ରାଶି ମିଳିଛି । ନୀରଜ ଚୋପ୍ରା ପୂର୍ବରୁ ଫାଇନାଲରେ ପ୍ରବେଶ କରି ପ୍ୟାରିସ ଅଲିମ୍ପିକ୍ସ 2024 ପାଇଁ ଯୋଗ୍ୟତା ଅର୍ଜନ କରିଛନ୍ତି । ବିଶ୍ୱ ଚାମ୍ପିୟନଶିପ ବ୍ୟତୀତ ନୀରଜ ଚୋପ୍ରା ଟୋକିଓ ଅଲିମ୍ପିକ୍ସ (2021), ଏସିଆନ୍ ଗେମ୍ସ (2018), କମନ୍ୱେଲଥ୍ ଗେମ୍ସ (2018) ସ୍ୱର୍ଣ୍ଣ ଜିତିଛନ୍ତି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ୱର୍ଣ୍ଣ ପଦକ ଜିତିବା ପରେ ନୀରଜ ଚୋପ୍ରାଙ୍କୁ ଅଭିନନ୍ଦନ ଜଣାଇଛନ୍ତି । ପିଏମ ମୋଦି ଟ୍ୱିଟ କରି ଲେଖିଛନ୍ତି, 'ପ୍ରତିଭା ନୀରଜ ଚୋପ୍ରା ଉତ୍କର୍ଷତାର ଉଦାହରଣ । ସେମାନଙ୍କର ପ୍ରତିବଦ୍ଧତା, ଉତ୍ସାହ ଏବଂ ଆତ୍ମା ​​ସେମାନଙ୍କୁ କେବଳ ଆଥଲେଟିକ୍ସ ନୁହେଁ ସମଗ୍ର କ୍ରୀଡା ଜଗତରେ ଅତୁଳନୀୟ ଉତ୍କର୍ଷର ଉଦାହରଣ ପାଲଟିଛି ।

ସେହିପରି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଲେଖିଛନ୍ତି ଯେ, ତିନି ଭାରତୀୟ ନୀରଜ ଚୋପ୍ରା, କିଶୋର ଜେନାଙ୍କ ସଫଳତା ଦେଶ ପାଇଁ ଗର୍ବର ବିଷୟ। । ମୁଁ ସମସ୍ତଙ୍କୁ ଅଭିନନ୍ଦନ ଜଣାଉଛି ।

English summary

World Athletics Championships Final: Neeraj Chopra Prize Money