Women's T20 World Cup Final; ବିଶ୍ୱକପ ଫାଇନାଲରେ କାହାର ହେବ ରାଜୁତି ? ଟ୍ରଫି ପାଇଁ ଲଢିବେ ଇଂଲଣ୍ଡ-ଅଷ୍ଟ୍ରେଲିଆ
କିଏ ହେବ ବିଶ୍ୱ ବିଜୟୀ ? କାହାର ପଲ୍ଲା ରହିବ ଭାରି ? ଇଂଲଣ୍ଡର ଅଭେଦ୍ୟ ଦୁର୍ଗ ଭେଦ କରିପାରିବ କି ଅଷ୍ଟ୍ରେଲିଆ ? ଐତିହାସିକ ଲର୍ଡ୍ସ ଷ୍ଟାଡିୟମରେ ଆଜି ମହିଳା ଟି-ଟ୍ୱେଣ୍ଟି ବିଶ୍ୱକପ୍ର ଫାଇନାଲ୍ ମୁକାବିଲା ଖେଳାଯିବ । ଦୁଇ ପାରମ୍ପରିକ ପ୍ରତିଦ୍ୱନ୍ଦ୍ୱୀ ଇଂଲଣ୍ଡ ଓ ଅଷ୍ଟ୍ରେଲିଆ ସାମ୍ନା ସାମ୍ନି ହେବେ । ଏହି ମ୍ୟାଚ୍ ଭାରତୀୟ ସମୟ ରାତି ୮ଟାରୁ ଆରମ୍ଭ ହେବ । ଅଷ୍ଟ୍ରେଲିଆ ସପ୍ତମ ଏବଂ ଇଂଲଣ୍ଡ ଦ୍ୱିତୀୟ ଟାଇଟଲ୍ ଲକ୍ଷ୍ୟରେ ରହିଛି । ପ୍ରଥମ ସଂସ୍କରଣର (୨୦୦୯) ଫାଇନାଲ୍ ମ୍ୟାଚ୍ ଲର୍ଡ୍ସରେ ଖେଳାଯାଇଥିଲା । ଇଂଲଣ୍ଡ ୬ ୱିକେଟ୍ରେ ନ୍ୟୁଜିଲାଣ୍ଡକୁ ହରାଇ ଚାମ୍ପିଅନ୍ ହୋଇଥିଲା । ଏଥର ଲର୍ଡ୍ସରେ ଦଳ ଟ୍ରଫି ଉଠାଇବାକୁ ସବୁ ଶକ୍ତି ଖଟାଇବ । ଚଳିତ ସଂସ୍କରଣରେ ଉଭୟ ଦଳ ଅପରାଜେୟ ରହି ଫାଇନାଲ୍ରେ ପ୍ରବେଶ କରିଛନ୍ତି । ତେଣୁ ମ୍ୟାଚ୍ ଫଳାଫଳ ଆକଳନ କରିବା ମୁସ୍କିଲ । ଉଭୟ ଦଳରେ ଏକାଧିକ ତାରକା ଖେଳାଳି ରହିଛନ୍ତି । ଆଜି ଇଂଲଣ୍ଡର ନାତାଲି ସ୍କିଭର-ବ୍ରଣ୍ଟ, ଡାନି ୱାଟ-ହଜ୍ ଏବଂ ଅଷ୍ଟ୍ରେଲିଆର ଆସଲି ଗାର୍ଡନର ଓ ଏଲିସ୍ ପେରୀଙ୍କ ଉପରେ ସମସ୍ତଙ୍କ ନଜର ରହିବ ।
ହେଡ୍-ଟୁ-ହେଡ୍ ରେକର୍ଡ- କ୍ରିକେଟର ଏହି ଛୋଟ ଫର୍ମାଟରେ ଦୁଇ ଦଳ ପରସ୍ପରକୁ ଯେତେଥର ଭେଟିଛନ୍ତି ମ୍ୟାଚ୍ ନିକଟତର ରହିଛି । ଉଭୟଙ୍କ ମଧ୍ୟରେ ମୋଟ ୪୫ ଟି-୨୦ ମ୍ୟାଚ୍ ଖେଳାଯାଇଛି, ଯେଉଁଥିରୁ ଅଷ୍ଟ୍ରେଲିଆ ୨୨ ଜିତିଛି, ଯେତେବେଳେ ଇଂଲଣ୍ଡ ୨୦ଟି ଜିତିଛି । ଏହା ବ୍ୟତୀତ, ଦୁଇଟି ମ୍ୟାଚ୍ ଟାଇ ହୋଇଛି ଏବଂ ଗୋଟିଏ ଡ୍ରରେ ଶେଷ ହୋଇଛି । ହେଡ୍ ଟୁ ହେଡ୍ ରେକର୍ଡ ଦେଖିଲେ କେହି କାହାକୁ କମ୍ ନାହାନ୍ତି । ଆଜି ଲର୍ଡସରେ ଏକ ରୋମାଞ୍ଚକର ମୁକାବିଲା ଆଶା କରାଯାଉଛି ।
Click it and Unblock the Notifications
Sign in with Google