ଟୋକିଓ ପାରା ଅଲିମ୍ପିକ୍ସ: 19 ପଦକ ସହ ଅଭିଯାନ ଶେଷ କଲା ଭାରତ

ପାଞ୍ଚଟି ସ୍ୱର୍ଣ୍ଣ ସହ 19 ଟି ପଦକ ହାତେଇ ସାମଗ୍ରିକ ତାଲିକାରେ 24 ତମ ସ୍ଥାନ ହାସଲ କରି ଟୋକିଓ ପାରା ଅଲିମ୍ପିକ୍ସ ଶେଷ କରିଛି ଭାରତ କଣ୍ଟିଜେଣ୍ଟ । ଯାହାକି ଭାରତୀୟ ପାରା ଅଲମ୍ପିକ୍ସ ଇତିହାସରେ ଏପର୍ଯ୍ୟନ୍ତ ସର୍ବଶ୍ରେଷ୍ଠ ।

Published: Sunday, September 5, 2021, 16:24 [IST]

ଟୋକିଓ: ଅବିଶ୍ୱସନୀୟ, ଅବିସ୍ମରଣୀୟ ପ୍ରେରଣାଦାୟକ । ଟୋକିଓ ଗେମ୍ସରେ ଏକ ଯୁଗାନ୍ତକାରୀ ଅଭିଯାନ ସହ ଭାରତର ପାରାଲିମ୍ପିଆନମାନେ ଏପରି କିଛି କରି ଦେଖାଇଛନ୍ତି । ପାଞ୍ଚଟି ସ୍ୱର୍ଣ୍ଣ ସହ 19 ଟି ପଦକ ହାତେଇ ସାମଗ୍ରିକ ତାଲିକାରେ 24 ତମ ସ୍ଥାନ ହାସଲ କରି ଟୋକିଓ ପାରା ଅଲିମ୍ପିକ୍ସ ଶେଷ କରିଛି ଭାରତ କଣ୍ଟିଜେଣ୍ଟ । ଯାହାକି ଭାରତୀୟ ପାରା ଅଲମ୍ପିକ୍ସ ଇତିହାସରେ ଏପର୍ଯ୍ୟନ୍ତ ସର୍ବଶ୍ରେଷ୍ଠ ।

ଏହା ପୂର୍ବରୁ 2016 ରିଓ ପାରାଲିମ୍ପିକ୍ସରେ ଭାରତ 4 ପଦକ ଜିତିଥିଲା। କିନ୍ତୁ ଟୋକିଓରେ ଭାରତ ଏହାର ପାଞ୍ଚ ଗୁଣା ପଦକ ହାସଲ କରିଛି। ଯେଉଁଥିରେ ରହିଛି 5 ସ୍ୱର୍ଣ୍ଣ, 8 ରୌପ୍ୟ ଓ 6 ବ୍ରୋଞ୍ଜ ।

୨୦୧୮ ଗ୍ରୀଷ୍ମକାଳୀନ ୟୁଥ୍ ଅଲିମ୍ପିକ୍ସରେ ଭାରତ ୧୩ ପଦକ ଜିତିଥିଲା। ତେଣୁ ପାରା ଆଥଲେଟମାନେ ସବୁ ରେକର୍ଡକୁ ପଛରେ ପକାଇ ନୂଆ ଇତିହାସ ରଚିଛନ୍ତି। ୧୯୬୮ରୁ ୨୦୧୬ ପର୍ଯ୍ୟନ୍ତ ଆୟୋଜିତ ପାରାଲିମ୍ପିକ୍ସରେ ଭାରତ ମୋଟ ୧୨ ପଦକ ଜିତିଥିଲା। କିନ୍ତୁ ଏଥର ଭାରତ ସବୁ ରେକର୍ଡକୁ ପଛରେ ପକାଇ ଦେଇଛି।

Grit and Glory 🔥

We bring you the Champions of #Tokyo2020 #Paralympics pic.twitter.com/xARfvU0vEF
— Doordarshan Sports (@ddsportschannel) September 5, 2021

ଚଳିତ ଥର ଭାରତ ମଧ୍ୟ 54 ଜଣିଆ ସର୍ବବୃହତ ଦଳ ପଠାଇଥିଲା। ଟେବୁଲ୍ ଟେନିସରେ ଭାରତ ପାଇଁ ଖାତା ଖୋଲିଥିବା ଭାବୀନା ପଟେଲ। ସେ ରୌପ୍ୟ ପଦକ ଜିତି ଅଭିଯାନ ଆରମ୍ଭ କରିଥିଲେ। ସେହିପରି ଶେଷଦନରେ ଅର୍ଥାତ ଆଜି (ରବିବାର) ବ୍ୟାଡମିଣ୍ଟନରେ ଭାରତ ଦୁଇଟି ପଦକ ଜିତି ଟୋକିଓ ଯାତ୍ରା ଶେଷ କରିଛି ଭାରତ । ଆଜି କ୍ରିଷ୍ଣା ନାଗର ପୁରୁଷ ସିଙ୍ଗଲ୍ସ ଏସଏଚ୍-୬ ବର୍ଗରେ ଐତିହାସିକ ସ୍ୱର୍ଣ୍ଣ ପଦକ ଜିତିଥିବା ବେଳେ ଏସଏଲ୍-୪ ବର୍ଗରେ ଆଇଏଏସ୍ ଅଫିସର୍ ସୁହାସ ୟଥିରାଜ ରୌପ୍ୟ ପଦକ ଜିତିଛନ୍ତି।